Lletres Asturianes

ANTÓN GARCÍA

Un terciu de sieglu cumplió nesti 2012 la celebración de les Lletres Asturianes, desque se punxo en marcha en 1980 con un recital de poesía. Dende 1989 (cuando se cumplía’l sieglu y mediu de l’antoloxía de Caveda) vien dedicándose a recuperar la vida y la obra de dalgún autor antigu o modernu, Caveda’l primeru. De Marirreguera a Xosé Antonio García, con paraes en Xosefa de Xovellanos, Acebal, Enriqueta González, Pepín de Pría, Fernán-Coronas, Canellada o María Teresa González (por citar dalgunos), tamién hubo selmanes dedicaes a la poesía, la narrativa y el teatru actuales. Esti 2012 permitiónos recobrar a dos poetes ilustraos, Benito de l’Auxa y Antón Balvidares. Al tomu que recueye la so poesía xuntóse otra edición conmemorativa que, como suel ser habitual, regalen les llibreríes asturianes el día de les Lletres.

Al curiu de Javier González Santos y Juan Carlos Villaverde Amieva, el «llibru regalu» d’anguaño, Al rodiu de la poesía ilustrada, sintetiza con escelencia la ilustración asturiana, repasando la sociedá d’aquel tiempu (Lucía Fernández Secades), la economía (Joaquín Ocampo), los personaxes que protagonicen la historia (Santos Coronas), la ilesia (Juan José Tuñón), la llingua (Xuan Busto, documentáu y d’especial interés), la lliteratura (Marta Mori), l’arte y l’arquitectura (González Santos), la talla de madera (Gerardo Díaz), pa terminar Francisco Crabifosse reclamando, a partir de lo yá fecho, otra manera de mirar el sieglu de les lluces asturianes. Tolos artículos comparten rigor y amenidá, proponiendo al llector un averamientu al estáu actual de los estudios sobre esos diversos campos.

Read Full Post »

El PP de Xixón celebra la Selmana de les Lletres con una llectura de poesíes

Esti miércoles, 2 de mayu, a les 17 hores, y con motivu de la XXXIII Selmana de les Lletres Asturianes, el Partíu Popular de Xixón celebrará un actu conmemorativu na so sede, allugada nel primer pisu del 3 de la cai Alvarez Garaya. Nesti actu va rendise homenaxe a la Poesía Asturiana Contemporania en forma d’una llectura colectiva de testos d’autores n’asturianu y en gallego-asturianu, participando militantes y simpatizantes de la formación.

Read Full Post »

Una selmana d’(a)normalidá

MARÍA CUETO-IVÁN CUEVAS

Esti mes de mayo, como ye tradición dende van yá trés decades, cellebróse la XXXI Selmana de les Lletres Asturianes. Del llunes 3 al sábado 8 d’esti mes, el gobiernu del Principao d’Asturies organizó una serie d’actos alredor de la lliteratura y centraos, los más d’ellos, na figura del poeta homenaxeáu nesta edición: l’escritor de Mieres Xosé Antonio García. Asina, el vienres 7, día del llibru y del discu n’asturiano, xunto cola compra de lliteratura o música nesta llingua –que tenía un descuentu del 10% sobre’l preciu habitual–, regalóse’l llibru Xosé Antonio García, un poeta nel fin de sieglu. Amás, anguaño editóse tamién, aprovechando xustamente esta selmana, la totalidá de la obra poética d’esti autor.

Read Full Post »

Unes visites a Llorienzu Novo Mier

ANTÓN GARCÍA

«El que fala miente» titula Ismael González Arias l’artículu qu’escribió sobre’l so amigu y poeta Xosé Antonio García nel tradicional llibru regalu de la Selmana de les Lletres. Cuenta nél cómo fueron los dos xuntos a ver a Llorienzu Novo Mier a la so casa de l’Avenida del Cristo, n’Uviéu. Nun da la fecha, pero aquella visita hubo ser a mediaos de los años ochenta. Pa finales de la década, el propiu González Arias m’apurrió una carpeta azul que llevaba dos rétulos fechos con etiquetes plástiques, una col nome de Novo Mier arriba y otra debaxo col títulu del llibru que guardaba: «Garrapiellu de leyendes asturianes». La intención yera que la Conseyería de Cultura impulsara la publicación d’aquellos textos en prosa.

Read Full Post »

La Selmana de les Lletres Asturianes

CONSUELO VEGA DÍAZ

A mediaos de mayu de 1980, cuando Xosé Antonio García lleía los sos poemes nel Salón d’Actos del Muséu de Belles Artes d’Asturies, nel primer día de les Lletres Asturianes, taría bien ayenu a que trenta años más tarde diba ser él el protagonista de la XXXI edición. Muncho cambiaron les lletres asturianes nos años que medien ente aquel actu poéticu y d’afirmación, que s’entamaba cuando tovía Asturies nun tenía Estatutu d’Autonomía nin se creara l’Academia de la Llingua Asturiana, y esti homenaxe que se pon en marcha agora.

Read Full Post »

Asturies celebra’l Día de les Lletres

La XXXI Selmana de les Lletres Asturianes llega a la so xornada más importante cola celebración del Día de les Lletres Asturianes. A lo llargo de tol vienres 7 de mayu, l’actualidá cultural del país va xirar alredor de la lliteratura escrita na nuestra llingua, que va tener una presencia especial nuna bona parte de les llibreríes asturianes y va culminar na manifestación que convoca la Xunta pola Defensa de la Llingua Asturiana n’Uviéu.

Read Full Post »

L’oficiu d’escribir, l’amor y otros asuntos

ANTÓN GARCÍA

A finales del sieglu XX la poesía asturiana caminaba en munches direcciones. Nun hai un carreru únicu que siguieren los escritores nacíos na década de los sesenta. Ye verdá que la poesía figurativa tien dende aquellos años un pesu importante, conformando la voz d’aquel tiempu y proxectándose hasta güei, más que nada porque la mayor parte d’aquellos escritores siguen activos y porque llograron facese sitiu ente un públicu pal que siguen siendo la referencia. Otres propuestes, como la poesía social, la beat, la esencialista, la pop, la de vanguardia…, quedaron más desdibuxaes (ensin olvidar que los principales poetes figurativos empezaron caminando per dalguna d’estes corrientes), pero na mayor parte de la meyor poesía d’aquel tiempu, llegara de la corriente estética que viniera, pue oldease un mesmu aire de familia: la esmolición pol llinguaxe y por devolver a les palabres la so precisión léxica. La mayoría suscribiría aquellos versos de Xuan Bello publicaos nel so llibru «Los nomes de la tierra» (1991): «pasando visiones escures/ al asturianu claro».

Read Full Post »

Mieres acueye la inauguración de la Selmana de les Lletres Asturianes

La XXXI edición de la Selmana de les Lletres Asturianes, dedicada al escritor mierense Xosé Antonio García –ún de los poetes más importantes de la Segunda Xeneración del Surdimientu–, arrincó’l 3 de mayu nel salón d’actos de la Casa la Cultura de Mieres. La conseyera de Cultura, Mercedes Álvarez y l’alcalde del mesmu conceyu, Luis María García García, inauguraron los actos oficiales.

Xunto a los mentaos, tamién tuvieron presentes Consuelo Vega, directora xeneral de Política Llingüística; Ismael García Arias, director de la Casa la Cultura de Mieres; Diana G. Fernández, conceyala de Cultura; y los responsables del llibru Poesía, José Luis Argüelles y Laura Rodríguez Solís, obra coeditada pola Conseyería de Cultura y la editorial Trabe onde s’inclúi la reedición de los poemarios que Xosé Antonio García publicó en vida y a los que s’axunten un conxuntu d’escritos publicaos en delles revistes o otros totalmente inéditos.

Read Full Post »

Se llamaba Xosé Antonio García y era poeta

MIGUEL BARRERO

Se llamaba Xosé Antonio García y era poeta. Es una buena manera de presentar a un autor al que se podría considerar sin desviar mucho el tiro, por sus propios méritos y por algunos deméritos ajenos, como el gran ‘maldito’ de la literatura asturiana. Publicó en vida dos libros, rechazó la posibilidad de adscribirse a ningún cenáculo y mantuvo un trato más bien distante, aunque casi siempre cordial, con sus compañeros generacionales, aquellos que se pasaron las décadas de los ochenta y noventa del pasado siglo trabajando para darle a la lengua asturiana un tamiz literario del que había carecido hasta aquellos momentos.

Pese a ese alejamiento consciente, su obra no cayó en saco roto mientras él pudo defenderla, pero fue a su muerte cuando se abrió un abismo de olvido, un silencio prolongado que ha llegado hasta nuestros días. En su caso, se cumple a la perfección ese tópico que dice que el escritor, cualquier escritor, ha de pasar, tras despedirse de este mundo, un purgatorio de al menos una década hasta que la crítica y los lectores terminen dando a su obra la acogida que merece. En su caso, han tenido que transcurrir trece años.

Read Full Post »

Les VII Xuntes d’Escolinos homenaxarán a Xosé A. García

D. BARREIRO

El Conceyal de Cultura, Román Álvarez, presentó esta mañana’l cartel de les VII Xuntes d’Escolinos d’Avilés y Comarca, qu’homenaxarán al escritor mierense Xosé Antonio García.

Nel actu de presentación del cartel, obra del escritor ya illustrador avilesín, Miguel Solís Santos, asistieron el Conceyal, el propiu autor del cartel y la responsable de la Estaya de la Llingua d’Avilés, Montse Machicado.

Read Full Post »