Pablo Texón Castañón lleva’l Premiu Xuan María Acebal de poesía n’asturianu

La vixésima cuarta edición del Premiu Xuan María Acebal de Poesía n’asturianu recayó nel escritor Pablo Texón Castañón y na so obra «Allugamientu». El premiu, que concede la Conseyería d’Educación y Cultura, tien una dotación de 3.000 euros.

El xuráu encargáu de valorar les quince obres finalistes tuvo presidíu pol director xeneral de Planificación Llingüística y Normalización, Fernando Padilla Palicio, y integráronlu los escritores Pablo X. Suárez Fernández, Aida Fernández Escudero, Marisa López Diz, Lourdes Álvarez García y Xosé Miguel Suárez Fernández.

Read Full Post »

Trabe presenta esti xueves ETLEN, el primer atles llingüísticu d’una zona d’Asturies

Trabe presenta esti xueves 14 na Biblioteca d’Asturies ETLEN, el primer atles llingüísticu d’una zona d’Asturies que quier ser la obra más completa sobre la realidá llingüística del gallego-asturianu, na zona Eo-Navia.Esti xueves 14 d’avientu, a les 12:00 hores nel Aula d’Actividaes de la Biblioteca d’Asturies (El Fontán, Uviéu), va presentase ante los medios de comunicación asturianos el primer atles llingüísticu d’una zona d’Asturies. En concreto la del gallego-asturianu, na zona occidental del Eo-Navia, onde s’atopa la frontera ente los dominios llingüísticos gallegoportugués y asturlleonés.

Trátase del Estudiu de la Transición Llingüística na Zona Eo-Navia, Asturies (ETLEN). Atles dialectográficu – horiométricu – dialectométricu, ellaboráu pol Dr. Ramón d’Andrés, profesor titular de Filoloxía Asturiana na Universidá d’Uviéu y coordinador del Seminariu de Filoloxía Asturiana, xunto colos llingüistes Fernando Álvarez-Balbuena, Xosé Miguel Suárez y Miguel R. Monteavaro.

Read Full Post »

Pablo X. Suárez gana’l Premiu Xuan María Acebal de Poesía

La ventésima tercera edición del Premiu Xuan María Acebal de Poesía n’asturianu, qu’entama’l Gobiernu d’Asturies, recayó nel escritor Pablo X. Suárez (nome artísticu de Pablo Suárez Fernández). El premiu, dotáu con 3.000 euros, Ente les obres presentaes, concédese por unanimidá conceder al poemariu tituláu ‘Little Babilonia’.

El xuráu encargáu de valorar les trece obres finalistes tuvo presidíu pol director xeneral de Planificación Llingüística y Normalización, Fernando Padilla Palicio, y integráu polos escritores María Ángeles Carbajal Roza, Raquel Fernández Menéndez, Ana Isabel Medina Zarabozo, Xuan Santori Vázquez y Xosé Miguel Suárez Fernández.

Read Full Post »

Vanessa Gutiérrez gana’l XXII Premiu Máximo Fuertes Acevedo d’ensayu

PABLO R. GUARDADO

El trabayu ‘El paisaxe nuestru’, de Vanessa Gutiérrez, resultó merecedor del XXII Premiu Máximo Fuertes Acevedo d’ensayu qu’entrega la Conseyería d’Educación y Cultura dientro de los sos Premios Lliterarios 2016. Ésti ye’l segundu gallardón que se falla, tres l’Alfonso Iglesias de cómic, de los cinco convocaos.

El xuráu aconceyáu ayeri decidióse por mayoría pol ensayu de la escritora y anguaño presentadora del espaciu ‘Ente toos’ que s’emite na RPA los sábados ente les 16 y 17 hores, al reconocer “el pulsu lliterariu del testu y la modernidá d’una estructura na que se fai dialogar a testos escritos y orales de distintes dómines alredor d’un mesmu paisaxe”, según destaca’l fallu. Fernando Padilla, direutor xeneral de Planificación Llingüística y Normalización, presidió’l mesmu, que tuvo formáu polos escritores y investigadores Luis Casteleiro, José Ángel Gayol –ganador l’añu pasáu con ‘Vértigu. L’atracción del abismu na sociedá contemporánea’–, Marta López Fernández, Elena de Lorenzo y Xosé Miguel Suárez Fernández ‘Tapia’.

Read Full Post »

Rumaldo Antón Barbero gana’l Premiu Alfonso Iglesias de Cómic en Llingua Asturiana

El músicu y diseñador gráficu Rumaldo Antón Barberu de Diego, Ruma Barbero, resultó ganador de la septima edición del Premiu Alfonso Iglesias de Cómic en Llingua Asturiana que concede la Conseyería d’Educación y Cultura y que cunta con una dotación de 3.000 euros.

Ente les obres presentaes, el xuráu alcordó por unanimidá galardonar el cómic tituláu El viaxe a la lluz pola orixinalidá y complexidá de la hestoria, l’interés temáticu y la renovación de les soluciones gráficu y cromáticu”. El testu presentar col seudónimu Charres Atles, indiquen dende l’Executivu autonómicu en nota de prensa.

Read Full Post »

‘Crónica de la lluz y la solombra’, d’Antón García, premiu Xosefa Xovellanos

La novela titulada Crónica de la lluz y la solombra fue la escoyida pol xuráu del Premiu Xosefa Xovellanos, dotáu con 3000 euros, como la ganadora de la XXXV edición. Presentada baxo l’alcuñu Escudiella, resultó ser obra del poeta, narrador, críticu lliterariu y editor Antón García, que yá consiguiere esti galardón n’otres dos ocasiones.

El xuráu encargáu de valorar les obres, presidíu pola directora xeneral de Política Llingüística, Ana María Fueyo, y compuestu polos escritores Pablo Rodríguez Medina, ganador de la edición anterior del galardón; Vanessa Gutiérrez, Roberto González-Quevedo y Paz Fonticiella, amás del técnicu en materia llingüística Xosé Miguel Suárez Fernández, destacó “l’habilidá pa narrar el sucesu central de la historia dende múltiples puntos de vista y la maestría nel usu de rexistros llingüísticos colos que s’algama un ritmu mui llográu”.

Read Full Post »

Xosé Miguel Suárez: “Puede que en dos generaciones o tres el asturiano desaparezca”

J. Á. G.

La librería La Pilarica de Mieres acogió la presentación del “Vocabulariu de Santuyano”, de Xosé Miguel Suárez Fernández “Tapia”, en un acto organizado con la colaboración del Club La Nueva España en las Cuencas, y que fue presentado por su coordinador en el Caudal y también escritor, José Ángel Gayol. Para Gayol, el “Vocabulariu de Santuyano” es recibido con interés y alegría por razones sentimentales y utilitaristas. A nivel sentimental, este libro “une mi lengua con el sitio donde nací”, confesó Gayol, y ello porque el vocabulario es producto de la lengua de los habitantes de Santuyano, y es una lengua viva, ya que “la lengua que no se habla deja de ser lengua para ser filología”. Por otro lado, el escritor encuentra una utilidad añadida a este “Vocabulariu de Santuyano” pues le ayuda a la hora de manejar “las claves precisas con las que construir un asturiano cuidado, natural, propio y consecuente”. “Cuando escribo, tengo el diccionario de la Academia de la Llingua abierto, pero uso mucho más el diccionario de Arias porque entre distintas opciones lingüísticas siempre prefiero la forma más patrimonial para mí. Es de cajón que este vocabulario de Xosé Miguel Suárez Fernández me trae el léxico más pertinente a mi universo idiomático, me viene un aire muy familiar de haber oído todo lo que condensa el libro”, explicó Gayol.

Read Full Post »

Vocabulariu de Santuyano (Mieres)

Xosé Miguel Suárez Fernández
Xente de casa, 12
ISBN: 978-84-8053-726-1
14 x 21 cm || 200 páxs. || PVP: 12 €

Xosé Miguel Suárez Fernández (Mántaras – Tapia, 1965) ye filólogu, historiador y espertu en Filoloxía Asturiana. Publicó en revistes especializaes mediu centenar d’artículos sobre cuestiones llingüístiques, históriques, etnográfiques y lliteraries, amás d’impartir cursos pa la formación de profesoráu. Centráu sobre manera nel estudiu del gallego-asturianu, ye autor de llibros d’investigación como Vocabulario de Mántaras (Tapia) (1996), ¡Xa chegan Os Quirotelvos! (2006), Unde letras falan. Antoloxía da poesía en galego-asturiano (2006) o El «Teatro Aldeano» da Biblioteca Popular Circulante de Castripol (1929-1934) (2009). Fixo la traducción al asturianu d’una quincena d’obres tanto pal públicu adulto como pa lo más mozo, amás de dedicase bien d’años a la corrección de testos, ente ellos nel selmanariu y diariu dixital Les Noticies.

Vinculáu familiarmente a Santuyano, l’autor ufierta nesta obra más de 3.000 entraes con términos d’esta parroquia de Mieres, apuntaos poco a poco a lo llargo de cuasi venti años en conversaciones y encuestes directes. Amás de les palabres, en cada entrada recuéyense exemplos y munches frases feches, locuciones, refranes y respuestes humorístiques usaes o recordaes pola xente de Santuyano. Concebíu como una contribución al conocimientu del léxicu del asturianu, esti Vocabulariu de Santuyano (Mieres) ye un testimoniu más de la riqueza y tamién de la resistencia a desapaecer que tien la llingua asturiana, mui viva entá nos valles mineros. Palabres a barullu, a magüeyu, a trompón, a retorcer, asgaya, a maza, a pastu… pa lleeles, pa recordales, pero, sobre manera, pa nun dexar d’usales.

(d’Ediciones Trabe, 12-02-2014)

Read Full Post »

Ricardo Candás gana’l premiu de poesía Xuan María Acebal col so poemariu ‘Superficie del silenciu’

Ricardo Candás resultó ser la persona ganadora de la decimonovena edición del Premiu Xuan María Acebal de poesía n’asturianuu, pol so poemariu ‘Superficie del silenciu’, que con una dotación de 3.000 euros concede la Conseyería d’Educación, Cultura y Deporte del Principáu d’Asturies.

Ente les obres presentaes, el xuráu decidió por mayoría conceder el Premiu al poemariu tituláu Superficie del silenciu, destacando, según consta nel acta, *la solidez d’una obra unitaria que crea una atmósfera de sensaciones alredor de la memoria, el destín y el presente, estableciendo un diálogu ente la voz y el silenciu.

Read Full Post »

Proceedings of the International Symposium on Limits and Areas in Dialectology (LimiAr). Lisbon, 2011

* ANDRÉS DÍAZ, Ramón de; ÁLVAREZ-BALBUENA GARCÍA, Fernando; CUETO FERNÁNDEZ, María; SUÁREZ FERNÁNDEZ, Xosé Miguel (2012): “Frontières linguistiques et horiométrie. La transition linguistique de l’interfluve Eo-Navia (Asturies) et le projet ETLEN“. ÁLVAREZ PÉREZ, Xosé Afonso; CARRILHO, Ernestina; MAGRO, Catarina (eds.): Proceedings of the International Symposium on Limits and Areas in Dialectology (LimiAr). Lisbon, 2011. Lisboa: Centro de Linguística da Universidade de Lisboa, p. 1-21.

* GOEBL, Hans (2012): “Introduction aux problèmes et méthodes de la dialectométrie de l’École dialectométrique de Salzburg (avec des exemples gallo-, italo- et ibéro-romans)“. ÁLVAREZ PÉREZ, Xosé Afonso; CARRILHO, Ernestina; MAGRO, Catarina (eds.): Proceedings of the International Symposium on Limits and Areas in Dialectology (LimiAr). Lisbon, 2011. Lisboa: Centro de Linguística da Universidade de Lisboa, p. 117-166.

(de Limits and Areas in Dialectology, vía Seminariu de Filoloxía Asturiana)

Read Full Post »