Xuan Trenor Allen y Fernando Martínez Rodríguez ganen el XV Concursu de microrellatos n’asturianu «L’Horru d’El Carbayedo»

Tres el conceyu del xuráu del XV Concursu de micro-rellatos n’asturianu «L’Horru d’El Carbayedo», formáu por  D. Miguel Solís Santos (escritor, debuxante y miembru de l’ALLA), Dª Susana Sela Rodríguez (escritora y esperta en cultura tradicional asturiana) y Dª Montserrat Machicado Company (filóloga especialista en llingua asturiana y responsable de la Estaya de la Llingua de la Conceyalía de Cultura del Ayuntamientu d’Avilés), alcordó axudicar los premios relacionaos darréu:

– Primer Premiu (500 € y trofeu): «Güelina» (presentáu col nomatu «Crisaor»)

– Segundu Premiu (300 € y trofeu): «Una pulsión» (presentáu col nomatu «Fayes»)

Read Full Post »

Xuan Trenor Allen y Xosé Nel Riesgo faense col XIV Concursu «L’Horru del Carbayedo»

El XIV Concursu de micro-rellatos n’asturianu «L’Horru del Carbayedo» yá tien ganadores. El xuráu tuvo formáu por  Miguel Solís Santos (escritor, dibuxante y miembru de l’ALLA), Susana Sela Rodríguez (escritora y esperta en cultura tradicional asturiana) y Rafa R. Valdés (escritor y normalizador).

El primer Premiu (500 € y troféu) foi pa «Ruíu», presentáu col nomatu «Meteco», que resultó ser de Xuan Trenor Allen, afincáu en Sabadell, Barcelona. El segundu (300 € y troféu) foi pa «KUDOKOSHI», presentáu col nomatu «Pilín», que resultó ser l’escritor xixonés Xosé Nel Riesgo Fernández.

Read Full Post »

José Ángel Gayol faise col primer premiu del Concursu de Cuentos pola Oficialidá

L’escritor José Ángel Gayol (Mieres, 1977) foi’l ganador del Concursu de Cuentos pola Oficialidá del Asturianu, que convoca’l Conceyu Bimenes y qu’esti añu llegó a la so edición númberu ventitrés. El primer premiu, dotáu con 600 euros, foi pa la so obra “Dalgunes posibilidaes de la domótica”. El segundu premiu, dotáu con 450 euros, foi pal cuentu “Instintu”, de Laura Marcos Domínguez (Mieres, 1982), y Xuan Trenor Allen (Uviéu, 1981) algamó’l tercer premiu –por segundu añu consecutivu– al que se-y apurren 300 euros, con “Xigomencia”. Nesta edición, a la que se presentaren once cuentos, el xuráu tuvo compuestu polos escritores Xulio Vixil Castañón, Héctor Pérez Iglesias y Paco Álvarez González.

Read Full Post »

Francisco Álvarez faise col primer premiu nel Concursu de Cuentos pola Oficialidá de Bimenes

Francisco Álvarez González (Xixón, 1970) foi’l ganador del Concursu de Cuentos pola Oficialidá del Asturianu, que convoca’l Conceyu Bimenes y qu’esti añu llegó a la so edición númberu ventidós. El primer premiu, dotáu con 600 euros, foi pa la so obra Rosa d’iviernu.

El segundu premiu, dotáu con 450 euros, foi pal cuentu La nieve nun ye blanco y el cuervu nun ye prietu (dalgunes coses, por embargu, sí lo son), de Xaime Martínez Menéndez (Uviéu, 1993), y Xuan Trenor Allen (Uviéu, 1981) algamó’l tercer premiu, al que se-y apurren 300 euros, con Cavilaciones d’un home enroldáu.

Read Full Post »