L’asturianu, nun monográficu de llingüística románica

La prestixosa revista Onomázein, de la Pontificia Universidad Católica de Chile, vien d’asoleyar un númberu monográficu tituláu «Aproximaciones actuales a la entonación en rumano y español», que se compón de nueve trabayos. Dos d’ellos refiérense al asturianu:

• Xulio VIEJO FERNÁNDEZ (Universidá d’Uviéu): «Pragmática del alargamiento silábico en asturiano metafonético». Un trabayu novedosu sobre aspectos non esploraos de la metafonía vocálica asturiana, referíos a la so relación con distintes situaciones comunicatives.
• Cristina BLEORŢU (Universidá de Zúrich): «Is there a prosodic accommodation in the final falling contours of Pola Siero’s absolute interrogatives?». Ye un trabayu sobre la entonación interrogativa nel asturianu faláu en La Pola de Siero, tema de la so tesis doctoral.

ANEXU: Onomázein, Número Especial XI.

(del Seminariu de Filoloxía Asturiana, 03-02-2023)

Read Full Post »

Gonzalo G. Barreñada: ” La cultura ye fundamental para formar una memoria coleutica y pa facenos conscientes de la nuesa realidá”

Gonzalo G. Barreñada nun asoleyó nada hasta los 42 años; pero de magar que lo fixo, nun aparó de ganar premios y reconocimientos. Ganador del Xuan María Acebal, del Premiu de la Crítica y, agora, recientemente, del Premiu Xovellanos; fálanos de “El Viaxe del Cacique”, la so nueva novela cola qu’algamó esti últimu premiu. Falamos con él non namás d’esta novela pola que tamos yá naguando, sinón del procesu creativu del escritor y, tamién, del panorama cultural d’Asturies y de l’estáu de salú de la lliteratura astusiana.

¿Quién ye esi cacique y a ónde viaxa?

El cacique al que fai referencia la novela ye Caonabo. Vien de vuelta a La Española (Quisqueya pa los taínos), onde él yera cacique de Maguana. En realidá, sabemos que Caonabo muerre en 1496, pero nesti casu lo qu’imaxino ye que siguió vivu en Sevilla y que torna en 1502 cola espedición de Nicolás de Ovando. Nesa nao na que torna hai amás dalgunos personaxes de la época qu’animen un poco la hestoria. ¿Por qué 1502? Ye una dómina que siempre me prestó muncho. 1502 ye un añu interesante, entovía nun esiste la Casa de Contratación, ye l’añu del cuartu viaxe de Colón… Yá ta too ehí y al mesmu tiempu ta too por facer.

Read Full Post »

La Tertulia Malory escueye ‘Onde’l caos se texe y se destexe’, de Xulio Viejo, como meyor llibru n’asturianu del añu 2021

La Tertulia Malory, de L’Entregu, escoyó como meyor llibru n’asturianu de tolos que s’editaron nel 2021 la novela Onde’l caos se texe y se destexe, del escritor y profesor universitariu Xulio Viejo. El xuráu formáronlu los escritores Xulio Arbesú, José Luis Rendueles, Solinca Turbón, Roberto Corte, Aique Fernandi, Beatriz Quintana, David Fernán, Chechu García y Henrique G. Facuriella, que fallaron el premiu nun actu celebráu na tertulia’l viernes 7 de ochobre de 2022.

El xuráu destacó, nel acta del fallu, cómo’l llibru «amuesa una narrativa híbrida d’un valir lliterariu altu, qu’afita de forma perfecha’l camín de lo universal a lo llocal, siendo quién a empatar  a historia familiar con un territoriu míticu y, al empar, real, como ye Quirós, y que furrula como una métafora d’Asturies y del orixe mesmu de la cultura occidental». El xuráu tamién quixo rescamplar la calidá tan grande de la producción lliteraria n’asturianu del añu 2021, lo que fixo que la decisión de premiar la novela de Xulio Viejo se garrara por mayoría depués d’una votación apretada.

Read Full Post »

Severino Antuña doctórase cola so tesis n’asturianu sobre la toponimia de La Güeria

El pasáu xueves 21 de xunetu celebróse na Facultá de Filosofía y Lletres de la Universidá d’Uviéu la llectura y defensa de la tesis doctoral presentada por Severino Antuña González, titulada «Documentación histórica de la toponimia de La Güeria Carrocera (Asturies)». La tesis, redactada en llingua asturiana y dirixida por Ramón d’Andrés Díaz, llogró la calificación de Sobresaliente Cum Laude.

El tribunal tevo formáu polos siguientes doctores: José Ramón Morala Rodríguez, de la Universidá de Lleón; Taresa Fernández Lorences, de la Universidá d’Uviéu; Xulio Viejo Fernández, de la Universidá d’Uviéu; Maria Pilar Perea Sabater, de la Universidá de Barcelona; y Sara Gómez Seibane, de la Universidá de La Rioja.

Read Full Post »

Investigadores del asturianu nun llibru colectivu sobre variación llingüística románica

Editáu pola Universidá d’Aveiro (Portugal), el pasáu mes de mayu apaeció’l llibru tituláu Estudos em variação linguística nas línguas românicas – 2, coordináu por Lurdes de Castro Moutinho, Alberto Gómez Bautista, Elisa Fernández Rei, Helena Rebelo, Rosa Lídia Coimbra y Xulio Sousa.

Nesti volume, diversos autores estudien la variación llingüística (dialectolóxica)nel conxuntu de les llingües romániques, pero más específicamente en portugués (de Portugal, Brasil, Angola y Santu Tomé), en castellanu, n’italianu y n’asturlleonés, con capítulos dedicaos al mirandés, al asturianu y a la frontera ente l’asturianu y el gallegu.

Read Full Post »

Discrepancia ideológica y rigor intelectual en el debate público sobre la lengua en Asturias [declaración]

En un debate público, como el relativo a la oficialidad de las lenguas de Asturias, todas las posturas son respetables en la medida en que sean igualmente respetuosas y constructivas. Por eso, también es preciso procurar la respetabilidad misma del debate en los términos que requiere una sociedad que se presume moderna, tolerante e ilustrada. En una comunidad que se quiere plural y discrepante, la concordia se cimenta en la elaboración colectiva de un discurso inclusivo articulado desde el conocimiento científico y la crítica racional y no por la ocurrencia oportunista, el arrebato visceral o el interés a corto plazo con que se nutre el extremismo y la intolerancia.

Los medios de comunicación son los llamados a auspiciar ese debate y a garantizar su calidad intelectual con un tratamiento ecuánime y equilibrado de las distintas posiciones y una exigencia mínima de rigor en el tratamiento de los aspectos controvertidos. Encuadrar correctamente la argumentación sin dar pábulo a falsedades y bulos, pero tampoco a tópicos manidos o dislates ampliamente desacreditados en el estado actual del conocimiento científico, parecen exigencias básicas en las que nuestros medios se juegan buena parte de su funcionalidad y prestigio.

Read Full Post »

Trabe edita la «Fonoloxía Asturiana» de Xulio Viejo

El profesor Xulio Viejo ta acabante asoleyar «Una introducción a la fonoloxía asturiana» con Ediciones Trabe. La obra, de más de quinientes páxines atiende colos distintos niveles d’análisis a los que se da l’estudiu fonolóxicu: dende la caracterización fonética de los soníos del asturianu hasta les propiedaes de la enunciación, pasando per unidaes intermedies (fonemes, sílabes, patrones métricos, etc.), con una perspectiva teórica abierta y en parte novedosa.

La descripción del estándar y les distintes variedaes actuales compleméntase con un estudiu evolutivu que mira a dar cuenta del procesu formativu del espaciu llingüísticu asturianu, atendiendo al so aniciu nel llatín de la romanización y al marcu comparativu qu’ofrez el conxuntu de llingües romániques, revisando delles propuestes avanzaes en trabayos anteriores.

Read Full Post »

El Proyectu Fernán-Coronas va ordenar nos próximos 3 años la obra del autor repartida en dellos fondos privaos

PABLO R. GUARDADO

El Padre Galo nun espublizó en vida llibru nengún, cola so obra repartida en dellos fondos, la mayor parte d’ellos privaos. Cola fin de recuperar y ordenar esi importante legáu naz el Proyectu Fernán-Coronas, collaboración público-privada pa, nos 3 años próximos, inventariar, clasificar, trescribir y editar l’archivu del escritor de Cadavéu.

La Direición Xeneral de Política Llingüística y la Fundación Valdés-Salas van pilotar esta iniciativa que va contar cola collaboración de la Universidá d’Uviéu. Antón García, el presidente Joaquín Lorences y el profesor universitariu y responsable académicu del proyectu Xulio Viejo, detallaron esta mañana n’Uviéu los puntos principales del mesmu.

Read Full Post »

L’asturianu, nel Congresu Internacional de Llingües Romániques d’Aveiro (Portugal)

Los díes 22 al 24 de xunu celebróse na Universidá d’Aveiro (Portugal) el II Congresu Internacional de Variación Llingüística nes Llingües Romániques. Previstu pa xunu del añu pasáu, tevo que s’apostalgar a esti añu 2021 pola pandemia del covid.

Nesta importante xunta científica la llingua asturiana tevo representada por trés investigadores de la Universidá d’Uviéu.

Read Full Post »

El Conseyu Asesor de Política Llingüística complétase colos cuatro representantes de les instituciones

Un total de 32 persones van componer el Conseyu Asesor de Política Llingüística que se va constituyir esti xueves telemáticamente. Amás de los 3 miembros de la Conseyería de Cultura, Política Llingüística y Turismu y los 25 designaos pola presidenta del organismu, Berta Piñán, hai que sumar los 4 representantes de l’ALLA, Universidá d’Uviéu, RIDEA y RTPA.

Pola Academia de la Llingua Asturiana (ALLA) va participar nel aconceyamientu de mañana’l so secretariu Xosé Ramón Iglesias Cueva, anque la intención de la institución académica ye que vaya alternando col presidente Xosé Antón González Riaño, según disponibilidá. Mentes, el rector Santiago García Granda va facelo pola Universidá d’Uviéu.

Read Full Post »