Feeds:
Antradas
Comentairos

Posts Tagged ‘Xunta Electoral Provincial’

N’Ast, n’escritu presentáu énte la Xunta Elleutoral Provincial solicitó formalmente a la mesma que facilite a tolos asturianos l’exercer el so drechu a votar n’asturianu, emitiendo les papeletes elleutorales de toles candidatures presentaes a estes prósimes elleiciones del 25M en llingua asturiana y distribuyéndoles con normalidá nos colexos elleutorales; “dando acabu d’una vegada a la situación predemocrática que carecemos anguañu”, sorrayen.

Ello asina, l’asociación espera que se fine d’una vegada cola contradictoria situación esistente “na que se validen les papeletes en llingua asturiana al empar que s’impide la so presencia nos colexos elleutorales, nuna incaltenible práutica d’apartheid llingüísticu col que se vulneren los llexítimos drechos y llibertaes de los asturianos en materia llingüística”.

(d’Infoasturies, 18-02-2012)

Read Full Post »

PABLO R. GUARDADO

La llingua asturiana torna a vivir un situación surrealista pola falta d’oficialidá. Los votantes que s’averen a les urnes el 20-P van poder votar n’asturianu, pero nun van disponer de papeletes pa ello, según denuncia Andecha Astur.

La Xunta Eleutoral tomó ayeri esta decisión tres, nun primer momentu, bloquiar les papeletes presentaes pola formación nacionalista pa la so validación. “Vistas las papeletas electorales presentadas por el Representante de Andecha Astur se acuerda la homologación de las papeletas presentadas para las Elecciones al Congreso y Senado, si bien estas papeletas no podrán ofrecerse en los Colegios Electorales el día de la votación, aunque sean válidas para emitir el sufragio (Acuerdos 14 y 27 de febrero de 1979, 12 de noviembre de 1980 y 26 de mayo de 1986, entre otros). Séllense, rubríquense y hágase devolución de las mismas con la notificación de este Acuerdo”, establez la decisión de la Xunta Eleutoral. (more…)

Read Full Post »

L’Academia de la Llingua Asturiana, exixó güei a la Xunta Electoral que “corrixa” la situación de “anormalidá” na qu’entiende qu’acaba vese la organización política Andecha Astur, que denucnió ayer el bloquéu de les sos papeletes por tar escrites en llingua asturiana.

La institución treslladó’l “so más fondu rechazu antes les actitúes discriminatories que de contino vien sufriendo l’idioma de los asturianos en cada ocasión en qu’ésti quier ser usáu en situaciones d’especial relevancia política y alministrativa”. (more…)

Read Full Post »

Según denuncien dende Andecha Astur, les papeletes al Congresu y al Senáu presentaes pola organziación pa la so validación foron paralizaes a la espera de la decisión de la Xunta Electoral Provincial, «que tien de decidir si’l fechu de tar presentaes en llingua asturiana pue xustificar la so anulación».

Los independentistes afirmen que vienen calteniendo en toles elecciones una coherencia llingüística que los llevó dacuando a quedar fuera de les convocatories electorales, hasta qu’a la fin, nel añu 2000, «ganaron» énte’l Tribunal Constitucional, que reconoció’l derechu a utilizar la llingua asturiana. (more…)

Read Full Post »