La II Xornada de “Llingua Asturiana y Educación” va averar les TICS a la clas d’asturianu esti xueves 13 Payares

La II Xornada de “Llingua Asturiana y Educación” va averar les TICS a la clas d’asturianu esti xueves 13 de Payares na Sala de Graos, Facultá de Formación del Profesoráu y Educación de la Universidá d’Uviéu, con un programa nel que les nueves tecnoloxíes y la so presencia na clas de primaria y secundaria van protagonizar una bona parte de les ponencies.

La xornada va entamar a les 10,00 de la mañana cola presencia de Julio Antonio González García, Vicerreutor de Profesoráu y Ordenación Académica (Universidá d’Uviéu), Inmaculada González Gómez, Primer teniente d’alcalde del Conceyu d’Uviéu, y Ana María Fueyo, direutora xeneral de Política Llingüística del Principáu d’Asturies, amás de Juan Carlos San Pedro Veledo, Decanu de la Facultá de Formación del Profesoráu y Educación y Raúl Carbajal López, Coordinador académicu de la xornada.

Read Full Post »

Charra-alderique “Represión y conciencia llingüística n’Asturies”, con Xosé Lluis García Arias

El próximu martes 25 de marzu la Xunta Estudiantil Asturiana entama una charra-alderique na Universidá d’Uviéu na que van tener un ponente de luxu, Xose Lluís García Arias, el cual va falar sobre “Represión y conciencia llingüística n’Asturies”. La charra va tener llugar a les 18:00H na Facultá de Filosofía y Lletres (campus d’El Milán) nel Salón de Graos del Dptu. d’Angloxermánica y Francesa, na planta baxa del Edificiu Departamental.

(d’Infoasturies, 23-03-2014)

Read Full Post »

La Xunta Estudiantil señala la represión sufría polos asturfalantes nos centros d’enseñu

XUNTA ESTUDIANTIL ASTURIANA

Güei, día 21 de febreru, conmemórase’l Día de la Llingua Materna y, dende la Xunta Estudiantil Asturiana, queremos espresar una vegada más la nuesa postura alrodiu del conflictu llingüísticu y la represión que sufre la llingua asturiana y les asturianofalantes nel so día a día, sobre too, nos centros d’enseñu en tolos niveles qu’hai dende infantil a les etapes de primaria, secundaria, bachilleratu, formación profesional y universitaria.

Esta represión nun pue quedar atapecida y escondida de cara a la sociedá asturiana. Niégasenos el drechu a estudiar nel nuesu idioma. Nun se mos asegura poder cursar l’asignatura de Llingua Asturiana debío a que los centros d’enseñanza públicos y, sobremanera, los privaos y concertaos, eviten promocionar ente les estudiantes y les families la ufierta de Llingua Asturiana nes escueles ya institutos. Na Universidá, la llingua asturiana ta arrequexada y reprimida por parte de l’Alministración y pónennos un garrapiellu pilancos pa desendolcar cualesquier tipu de proyectu, iniciativa o trabayu nel nuesu idioma.

Read Full Post »

La sociedá asturfalante reclama la normalización social na RTPA

La Xunta Xeneral ta tramitando la segunda llei de reforma del sector públicu, que va regular, sobre manera, la Radio Televisión del Principáu d’Asturies (RTPA), axustándola a la llei audiovisual nueva y a los criterios d’austeridá. Ye de reseñar que la llei actual señala ente los sos oxetivos la promoción de la cultura y la educación, «con especial protección del bable, mediante la promoción del so usu y espardimientu nos medios de comunicación social». Sicasí, esa especial protección nun llegó a más d’un 5% de la emisión na TPA y un 2% en RPA, mentes que na web rtpa.es l’asturianu cuasi nun existe. Por eso, a los firmantes d’esti manifiestu paez-yos “que resulta evidente que la llei tien que valir pa recoyer esplícitamente la necesidá de que la televisión y la radio autonómica xueguen un papel fundamental nel procesu de normalización social del idioma”.

Read Full Post »