Feeds:
Antradas
Comentairos

Posts Tagged ‘Xunta pola Defensa de la Llingua Asturiana’

PABLO R. GUARDADO

Los responsables d’ADIF y RENFE, amás de dellos departamentos del Gobiernu, yá tienen enriba la mesa un ‘Informe sobre l’incumplimientu de la toponimia oficial na rede de ferrocarril d’Asturies’ asoleyáu pola Xunta pola Defensa de la Llingua Asturiana (XDLA). Esti coleutivu recuerda la importancia que tien el so usu y la illegalidá que supón qu’un organismu públicu nun la emplegue.

El documentu analiza los nomes oficiales de les 207 estaciones de ferrocarril asturianes “y cómo ADIF – empresa pública estatal alministradora de la rede– , RENFE –empresa pública estatal esplotadora de la rede– y CTA –Consorciu de Tresportes d’Asturies, entidá dependiente del Gobiernu d’Asturies–, nun respeten la llegalidá toponímica”. Magar la claridá llegal, la toponimia oficial d’Asturies “incúmplese sistemáticamente nos avisos sonoros de los trenes, nes señales d’andenes y estaciones, nos cartelos y paneles d’horarios y nes redes sociales, páxines webs y aplicaciones móviles de RENFE, ADIF y CTA”, esplica la XDLA.

(more…)

Read Full Post »

La Xunta pola Defensa de la Llingua (XDLA) vieno acabante entamar entama una campaña pa reclamar a TPA dibuxos animaos n’asturianual al traviés de redes sociales con imáxenes de los personaxes más conocíos de l’animación mundial que van pidir a la dirección de la radiotelevisión pública, al Gobiernu autonómicu y a Adrián Barbón poder falar nel nuestru idioma.

La Xunta pola Defensa de la Llingua Asturiana (XDLA) entama estes navidaes la campaña ‘¡Queremos que nos dexen falar n’asturianu!’ pa esixir la puesta en marcha en TPA d’una programación infantil nel nuestru idioma. Esta iniciativa va espardese al traviés de redes sociales con imáxenes de los personaxes más conocíos de la historia de l’animación mundial que van reclamar a la dirección de TPA y al mesmu Gobiernu que-yos dexe falar n’asturianu.

(more…)

Read Full Post »

El presidente del Principáu d’Asturies, el socialista Adrián Barbón, felicitó les navidaes con una postal na que se pue ver una semeya de Llastres y la playa de La Griega (Colunga), acompañáu d’un testu que se pue lleer en trés versiones: n’asturianu, gallego-asturianu y castellanu.

“Espero que 2021 permita dexar atrás un tiempu duru y cruel, marcáu pola pandemia mundial. Cola alcordanza de les víctimes siempre na memoria, quiero treslladavos los mios deseos de felicidá y salú pal añu nuevu”, diz el testu na so versión n’asturianu.

(more…)

Read Full Post »

La Xunta pola Defensa de la Llingua Asturiana (XDLA) denunció esti miércoles que les bases pa subvenciones de la Conceyalía de Deportes d’Uviéu excluyen a los equipos que lleven na camiseta’l topónimu ‘Uviéu’, dalgo que podía facese hasta agora. Asina, indiquen, namás permite la forma ‘Oviedo’.

Al traviés de nota de prensa, la organización recuerda que la toponimia tradicional de la capital asturiana ye oficial, y polo tanto d’usu llegal, dende 2019. Sicasí, l’equipu d’Alfredo Canteli “desprecia la llegalidá, ensin respetar la forma asturiana”.

(more…)

Read Full Post »

Puru Remangu, la inciativa empresarial que comercializa ropa y otros productos con mensaxes n’asturianu resultó ganadora de la edición XXXVI del Premiu Andrés Solar de la Xunta pola Defensa de la Llingua Asturiana (XDLA).

L’asociación valoró de manera mui positiva “l’usu de la nuestra llingua na imaxe, nes campañes y nos diseños reivindicativos, feministes y modernos que faen de Puru Remangu una marca reconocible y reconocida, yá tamién fuera d’Asturies”. “El so apueste pol asturianu tamién pudo vese nes sos redes sociales y conectó cola xente más mozo con iniciatives cuasi virales”, indicaron.

(more…)

Read Full Post »

La Xunta pola Defensa de la Llingua Asturiana convoca públicamente a proponer candidatures tanto pal Pegollu (el premiu que reconoz a aquella persona o entidá que destacare nesti añu 2020 por normalizar l’usu del asturianu), como pa la Madreña de purpurina (pa quien fixere tolo contrario y fore protagonista d’ataques o desprecios al asturianu).

Na edición anterior, que por primer añu nun coincidió coles feches del cabudañu del autor y que se cellebró como una xinta familiar, el Pegoyu foi dedicáu a la familia D’Andrés nes figures de Lali Solar y al so home, Jesús, precisamente parte de la organización de los premios demientres toos estos años, como reconocimientu al so llabor dientro los premios mesmos. Nun s’entregó’l Madreñazu, non por falta de posibles candidatos con méritos pa él.

(more…)

Read Full Post »

La Xunta pola Defensa de la Llingua Asturiana (XDLA) preguntó esti viernes a Adrián Barbón si va “siguir escondese detrás del virús” amás “d’aceptar la humillación de la ultraderecha” pa retrasar la reforma del Estatutu y el procesu pa oficializar l’asturianu y el gallego-asturianu.

Al traviés de nota de prensa, la organización respondió asina al líder socialista depués de que l’alcalde de Siero aceptara, ente la protesta d Vox, refugar una moción de Somos por tar n’asturianu.

(more…)

Read Full Post »

Un total de 32 persones van componer el Conseyu Asesor de Política Llingüística que se va constituyir esti xueves telemáticamente. Amás de los 3 miembros de la Conseyería de Cultura, Política Llingüística y Turismu y los 25 designaos pola presidenta del organismu, Berta Piñán, hai que sumar los 4 representantes de l’ALLA, Universidá d’Uviéu, RIDEA y RTPA.

Pola Academia de la Llingua Asturiana (ALLA) va participar nel aconceyamientu de mañana’l so secretariu Xosé Ramón Iglesias Cueva, anque la intención de la institución académica ye que vaya alternando col presidente Xosé Antón González Riaño, según disponibilidá. Mentes, el rector Santiago García Granda va facelo pola Universidá d’Uviéu.

(more…)

Read Full Post »

“Yá tuvo bien d’aplazamientos y del ‘agora nun toca’” censuró la Xunta pola Defensa de la Llingua Asturiana (XDLA) na concentración pola oficialidá del asturianu y de gallego-asturiano celebrada nel XLI Día de les Lletres Asturianes. La organización entiende que “esta llexislatura nun pue convertise n’otra llexislatura fallida”.

La Federación Socialista Asturiana (FSA), al ser “l’únicu partíu con representación parllamentaria abondo pa entamar la reforma del Estatutu d’Autonía y porque amás ye’l partíu del Gobiernu”, foi’l principal destinatariu d’esta reclamación na intervención de María Xosé Martínez, presidenta de la XDLA, na cai Suárez de la Riva, ente la Xunta Xeneral y Presidencia. “Na llexislatura pasada pidimos-yos qu’asumiera’l mandáu del so últimu congresu y apoyara la propuesta de reforma del Estatutu que presentaren los grupos de Podemos y Izquierda Xunida. Diximos que nun yera entendible reconocer una falta de derechos y al tiempu nun poner los medios pa correxila. Llamentablemente nun tuviemos éxitu. Esta reivindicación volvió inmediatamente al caxón de les coses aplazables. Dixéronnos: será pa la otra llexislatura…”, recordó.

(more…)

Read Full Post »

La xornada ta marcada pola pandemia de COVID-19, lo que trai cambios con respeuto al formatu emplegáu nes décades últimes.

Una concentración en llugar d’una manifestación. Ye la opción escoyida pola Xunta pola Defensa de la Llingua (XDLA) pa facer la yá tradicional reivindicación d’oficialidá con motivu de la celebración del Día de les Lletres Asturianes.

(more…)

Read Full Post »

« Newer Posts - Older Posts »