Feeds:
Antradas
Comentairos

Posts Tagged ‘Xurde Álvarez’

El Centru de Referencia de la Cultura y la Llingua Asturiana, Casa de los Alberti, de Ciañu (Llangréu), va acoyer a partir el ciclu Los xueves de Castilletes y Carbón, que va celebrase tolos xueves de payares a les 20 hores. Estes actividaes tán entamaes pola Fundación Nuberu en collaboración col Conceyu de Llangréu. Los actos van entamar esti 8 de payares cola conferencia d’Enrique Fernández Rodríguez «Dellos conceptos de pedagoxía económica». Una selmana depués, el día 15, toca-y el turnu a Cristian González, que va falar de «Gastronomía y mina».

El xueves 22, la presidenta de l’Academia de la Llingua Asturiana, Ana Cano, va falar del papel que tien la llingua asturiana dientro de la Universidá d’Uviéu. Una selmana depués, va celebrase un recital lliterariu col títulu de «Compañero dame tira», nel que van participar Chechu García, Manuel Asur, Pablo Texón, Lourdes Álvarez, Xurde Álvarez, Henrique Facuriella, Xosé Ramón Martín Ardines y Roberto Corte. P’acabar, el martes 4 d’avientu, nel Teatru de L’Entregu, Nuberu va ufrir un conciertu que va poner fin a estes actividaes.

(de Les Noticies, 06-11-2012)

Read Full Post »

L’Academia de la Llingua Asturiana vien espublizando dende la so constitución (1983) el boletín llamáu Lletres Asturianes que, col llabor de toos estos años, convirtióse nuna revista prestixosa nel ámbitu de la llingüística internacional, especialmente ente la estudiosa de les llingües romániques. Apocayá aparecía’l númberu 100, lo que ye tou un llogru pa les publicaciones d’esti calter.

(more…)

Read Full Post »

Los escaparates de les llibreríes llucen, dende hai unos díes, una publicación nueva, esTandoriu, dirixida por Pablo Rodríguez Medina que «nagua pola espublización de testos de creación lliteraria, tornes, estudios, reseñes… basándose nun criteriu esclusivu de calidá». Nesti primer númberu, editáu con munchu procuru y al amparu del conseyu editorial de José Luis Rendueles y José Luis Gayol, lláncense yá les principales llinies de fuerza d’esta publicación: una sección d’estudios, collaboraciones lliteraries en prosa y versu, una sección de traducciones, amás d’otra de reseñes y una más («N’aldu lliterariu») de reflexones metalliteraries.

«esTandoriu» vien a arriquecer, dende unos parámetros más rigorosos que la media, el panorama, preocupantemente probre, de les publicaciones lliteraries periódiques n’asturianu. Si apocayá salía a la cai un númberu nuevu de les revistes «Lliteratura» y «Formientu» –que se califica a ella mesma como «una revista de lliteratura mui moza», esTandoriu supón una renovación d’aire fresco qu’habrán d’agradecer los llectores.

(more…)

Read Full Post »

« Newer Posts