Los creadores culturales mozos analizaron los sos ámbitos de trabayu nel congresu celebráu n’Uviéu

PABLO R. GUARDADO

El Congresu Cultura Asturiana Mozo resultó una perbona ferramienta pa conocer el llabor que se ta faciendo n’Asturies en delles estayes y les mires de los creadores culturales. Éstos foron los protagonistes d’una xornada “que foi un ésitu”.

Con estes pallabres finó Xuan Xosé Sánchez Vicente un congresu que podría tener continuidá n’años vinientes, dalgo que se decidirá nunos dos o trés meses. Ésti ye’l tiempu que van tomar los impulsores d’esta iniciativa, la Fundación Nueva Asturies y l’Asociación Cultural L’Arribada, y los coordinadores de toles estayes pa madurar la esperiencia d’esti primer Congresu Cultura Asturiana Mozo y convocar un conceyu nel que valorar la conveniencia o non de celebrar ediciones nueves.

Read Full Post »

Un topónimo abierto a interpretaciones

La búsqueda de la raíz del nombre de La Cagonera conduce a dos fuentes solventes. En el diccionario toponímico de la Real Academia de la Llingua, David M. Rivas la refiere como «playa de la parte orientel del conceyu de Xixón llamada asina por la presencia histórica de cagones» (phalacrocorax aristotelis, cuervo marín, pito cagón, mavea o cormorán). Xosé Luis García Arias refuerza dicha tesis en su obra sobre toponimia asturiana con esta breve alusión: «Esta playa de Xixón debe el nombre a ser lugar de reunión de cagones ‘patos marinos’». Otras fuentes consultadas (Ramón de Andrés, Xurde Morán, Eduardo Núñez, Janel Cuesta…) han convenido en la certeza de estas tesis descartando otras hipótesis orientadas al vertedero que hubo sobre el acantilado (posterior a su nombre) o a que se dedicara en tiempos a la extracción de piedra y fuera una playa «cargonera». El origen, concluyen, es la deyección. Y su autor, el cormorán.

(d’El Comercio, 09-09-2013)

Read Full Post »

Miguel Rojo, Premiu Timón 2013 de la Asociación Cultural L’Arribada

L’escritor tinetense Miguel Rojo acaba d’algamar el VII Premiu Timón, convocáu por la Asociación Cultural L’Arribada p’autores en llingua asturiana y n’eonaviego, según alcuerdu d’un xuráu aconceyáu ayeri en Xixón y formáu por Xurde Morán, Roberto González-Quevedo, Antón García, Aurora García Rivas y Humberto Gonzali.

Pa esta edición optaron a los gallardones escritores que nacieren nel añu 1.963 o anteriormente. Entre los finalistas se encontraban nombres como Xosé Bolado, Milio Rodríguez Cueto, Adolfo Camilo Díaz, Ignaciu Llope, Ismael González Arias, Taresa Lorences, Lluis Xabel Álvarez, Esther García, Cristina Muñiz o Xavier Frías Conde, entre otros.

Read Full Post »

La Vagamar de l’Arribada celébrase un añu más en Xixón

L’asociación L’Arribada organiza un añu más en Xixón la so Vagamar lliteraria. Del 10 al 15 de setiembre, el Vieyu Institutu de Xixón va acoyer los actos d’esta edición, que va cuntar con dos esposiciones. Una nel Atenéu de la Calzada, embaxo’l títulu Huella Astur 2012, con semeyes del concursu de Tierra Astur, podrá visitase del 3 al 13 de setiembre; y nel Vieyu Institutu Xovellanos, la esposición fotográfica Les dos cares d’Asia, de Carlos Espina, del 7 al 16 de setiembre.

La inauguración de los actos va facese’l llunes 10, n’El Muelle, Puertu Deportivu de Xixón. A les cinco la tarde va celebrase una visita guiada pela bahía xixonesa nel barcu ‘Cimavilla I’, dende’l Puertu Deportivu a Islla de la Tortuga y Cabu San Llorienzo y regresu al Puertu Deportivu. A les seis produciráse l’Arribada de los congresistes con una pasacais cola Banda de Gaites de Castrillón, que trescurrirá dende’l Puertu Deportivu pelos Xardinos de la Reina, cais Corrida, Tomás Zarracina, Tomás y Valiente, y Plaza del Parchís hasta’l Centru de Cultura Vieyu Institutu. Yá nel patiu del edificiu va celebrase una llectura institucional y cívica, como Homenaxe a la narrativa en llingua asturiana y gallego-asturianu. A les ocho va proyectase “Les dos cares d’Asia”, audiovisual presentación de la esposición fotográfica de Carlos Espina.

Read Full Post »

Xurde Morán: “Ta demostrao que l’asturianu ayuda a tener más audencia”

INACIU GALÁN

Xurde Morán (Xixón, 1967) ye ún de los periodistes más conocíos d’Asturies y trabaya n’asturianu, mesmo na radio, na Cadena Ser, que nel so programa de Canal 10, “L’andariegu”, que ye continuación del que tuviere dende 1998 na desapaecida TeleXixón. Güei, vienres 8 d’ochobre, a les siete y media, nel salón d’actos del Centru Integráu del barriu L’Arena van entrega-y un premiu a la so carrera, el ‘Pegoyu asturianu’ de Luces de la Ciudad. Amás, él mesmu va dar llectura a la conferencia “Programes televisivos percorriendo Asturies (1998-2010) y dalgo más; de Puente Roces a Bruseles”. Falamos con él de la so carrera como profesional de los medios.

¿Cómo recibe esti premiu?
Un poco esmolecíu, la vitrina de les copes y los trofeos yá ta hasta l’alma. Nun se ónde voi poner esti, quiciabes nuna balda la biblioteca pero igual me cai embaxo al dir sacar dalgún llibru. Toi pensando na mesuca la entrada, onde se dexen lo llaveros, que ye onde más se ve… pero bien, dexando de llau esti enguedeyu (rises), con muncha satisfacción polo que siempre representa un premiu y más viniendo d’unes persones y una entidá que se caractericen pol so trabayu de promoción de Xixón y de tolo asturiano, siempre col “motor” que representa pa too esto’l llabor de xente como Gonzalo Mieres.

Read Full Post »

El llibru «Lliteratura asturiana y compromisu» recueye les ponencies de la Xunta d’Escritores Asturianos 2008

La editorial Trabe ta acabante d’espubizar un volume onde recueye les ponencies y comunicaciones que s’ufietaron na Xunta d’Escritores Asturianos del añu 2008. Esti alcuentru celebróse los díes 2, 3 y 4 de xineru n’Uviéu, y nél fixose un perfondu análisis de la rellación ente lliteratura y compromisu, centrándose na lliteratura d’Asturies y el so compromisu pa cola llingua asturiana.

Read Full Post »

TeleXixón pon fin a quince años de programes en llingua asturiana

Según pudo saber la redacción d’Asturnews, la canal llocal de Xixón (TLG), que ta acabante anunciar el despidu de más de trenta trabayadores, punxo fin nesti despidu masivu al contratu que caltenía col etnógrafu Alberto Álvarez Peña pa la realización del programa “Marabayu”, que xunto cola axenda cultural diaría, presentaba dende febreru de 2008 l’estudiosu de la tradición asturiana, na canal xixonesa.

D’esta manera, Televisión Llocal Xixón termina con cerca de quince años de programación en llingua asturiana na so canal dende qu’en 1994 Xosé María Vega presentare “La miriella” y dellos espacios informativos n’asturianu. Un tiempu nel que pasaron pela canal otros comunicadores qu’usen la llingua asturiana como Xurde Morán, col so esitosu programa “Caminos y rondas”, Inaciu Galán cola so “Clas de llingua asturiana”, Daniel García de la Cuesta o Damián Barreiro, ente otros.

Read Full Post »