Cellebraciones del Día la Llingua Materna – Febreiru y 21

L’ALDERIQUE

En Noviembre y 1999, la Conferencia Xeneral de la Muerganización las Naciones Xunías pa la Educación, la Ciencia y la Cultura decidióu proclamare Febreiru y 21, cumu’l Día Entrenacional la Llingua Materna, animandu a los Estaos Miembros y a la Secretaría a promovere’l caltenimientu y proteición de tolos idiomas que emplegan los pueblos del mundu.

Dende l’Asociación L’Alderique pal estudiu y desendolque la Llingua Llïonesa entendemos que la UNESCO, cun esta declaración considera, lu mesmu que nosoutros, que la desapaición d’una llingua, mesmu que la d’una planta ou un animal, son pérdidas pa tola humanidá purque, nel casu las llinguas, lu que se produz ye una pérdida cultural que nos emprobez a toos.

Cun esti motivu, xuntu cunos nuesos amigos y companneiros de l’Asociación “El Fueyu” y de la Plataforma “La Parva”, cun quienes tamos desenrollandu un Cursu de Llïonés en Trobayu d’Enriba, tenemos muerganizáu, el prósimo Noviembre y 22, vienres, na Casa Cultura de Pinilla, Cai Victoriano Cremer, nº 1, a partire las 19,00 houras, un Autu d’Homenax a la Llingua Llïonesa, pal que cuntaremos cuna colaboración los escolines del cursu de Llïonés enantias nomáu.

Tol mundu tá invitáu cun entrada llibre y de baldre ata cumpletare l’aforu.

Dientru’l mesmu marcu, y en colaboración cul AMPA del Colexu Antonio González de Lama, las tres asociaciones van participare xuntu cunos rapacines del amentáu colexu, nun homenax a la Llingua Llïonesa, el prósimu Febreiru y 27, miércoles, pa que los más piquennos, se familiaricen cuna nuesa llingua.

Asperamos qu’a modín, la llingua llïonesa vaya recuperandu’l llugar que merez nel mundu y na nuesa vida diária, cumu parte integrante la nuesa identidá llïonesa y la cultura universal.

(d’El Buscador, 17-02-2019)