Avilés aprueba una moción a favor de la manifestación pola oficialidá

El plenu del Conceyu d’Avilés aprobó esti xueves una moción d’apoyu a la manifestación pola oficialidá de la llingua asturiana y del gallego-asturianu d’esti sábadu 21 d’abril. La convocatoria entámala la Xunta pola Defensa de la Llingua Asturiana y va salir a les 12.00 hores de la Estación del Norte d’Uviéu.

La moción tuvo l’apoyu de Somos, IX y Ganemos y l’astención del PSOE. Votaron en contra PP y los non adscritos. Avilés súmase asina a los plenos de los Conceyos de Noreña, L.lena y Carreño, que tamién aprobaron mociones d’apoyu a la manifestación.

Advertisements

Read Full Post »

XV Concurso de Cuentos ‘Érase una vez…’

El Ayuntamiento de Laviana y la Oficina Joven, en colaboración con el Instituto Asturiano de la Juventud, convocan la XV edición del concurso “Érase una vez…”, en el que podrán participar los jóvenes de 14 a 35 años.

Cada participante podrá presentar al certamen hasta tres obras. Estos trabajos podrán estar escritos en castellano o en asturiano, debiendo ser originales e inéditos, sin que exista sobre los mismos ningún compromiso anterior de publicación. La temática será libre, valorándose la originalidad y los temas relacionados con los intereses, inquietudes, preocupaciones de la juventud.

Read Full Post »

Arranquen les primeres agrupaciones llocales d’Iniciativa pol Asturianu

La creación d’agrupaciones llocales foi una de les decisiones tomaes por Iniciativa pol Asturianu na Xunta Xeneral d’Asociaos celebrada nel 2017, cola fin d’ameyorar la so presencia nos conceyos. Xixón, Uviéu y la cuenca’l Nalón anunciáronse como les trés primeres que diben ponese a funcionar, tando yá en marcha les dos últimes.

Asina, la selmana pasada celebráronse reuniones pa trabayar sobre l’idioma nestos conceyos y afitar les bases d’estes agrupaciones. Nel casu de l’agrupación de Xixón, la previsión ye la de facer el primer axuntamientu ensiguida.

Read Full Post »

Estudiu de xentilicios del conceyu Llaviana

El Grupu d’Investigación Histórica de Llaviana pidi colaboración a los vecinos del conceyu pa recoyer datos na investigación que tan desendolcando sobre xentilicios o motes puestos a los moraores de los estremaos pueblos del conceyu

En Llaviana, como en munchos otros conceyos d’Asturies, a les xentes de ca población venceyábaseyos con determinaos animales, rasgos físicos y de comportamiento o mesmo oxetos. El Grupu d’Investigación Histórica de Llaviana, albidrando qu’estos nomatos -especialmente aquellos que tienen un componente animal- pudieren ser reminiscencies d’antiguos vezos tribales entamó un estudiu alrodiu de les relaciones pente animales y la xente del llugar. Col avance l’estudiu descubrieron que munchos de los nomatos escondíen carauterístiques sociales interesantes y rivalidaes pente pueblos, espeyaes en nomatos despeutivos, colo que l’estudiu foi tornándose nuna investigación sociolóxica más fonda.

Read Full Post »

Llaviana aprueba una moción a favor de la oficialidá del asturianu

El Plenu del Conceyu de Llaviana aprobó esti miércoles 31 de xineru una moción a favor de la oficialidá del asturianu colos votos a favor del PSOE, IX y Somos Llaviana, que yera’l grupu proponente. En contra votaron PP y Foru Asturies.

En total foron 14 votos a favor –8 del PSOE, 4 d’IX y 2 de Somos Llaviana- y 3 en contra –2 de PP y 1 de Foru–. La moción aprobada considera que ye’l momentu d’avanzar na oficialidá del asturianu como “elementu fundamental pa la so dignificación normativa y la so normalización social”.

Read Full Post »

Iniciativa pol Asturianu crea agrupaciones locales n’Uviéu, Xixón y la Cuenca’l Nalón

Iniciativa pol Asturianu va a crear una rede d’agrupaciones nos distintos conceyos d’Asturies, que va arrancar n’Uviéu, Xixón y la Cuenca’l Nalón. Asina lo decidieron los socios de la entidá na so Xunta Anual d’Asociaos, celebrada esti sábadu pasáu pa tratar los proyectos a desarrollar nun añu que califiquen como “fundamental”. Amás, afirmen que quieren afitar y afondar nel trabayu desarrolláu con empreses y políticos “de toles estayes y sensiblidaes” y pal 2018 esperen medrar el númberu de socios.

Al traviés d’una nota de prensa, Iniciativa informó de la puesta en marcha d’estes agrupaciones locales, “asina como d’estremaos planes de trabayu qu’averen a la sociedá asturiana la situación del idioma y apoyen el marcu nuevu nel que ta l’idioma depués de los cambios qu’asocedieron esti añu y que ponen la oficialidá más cerca que nunca”.

Read Full Post »

El proyectu de presupuestos propón crear un SNL en Ribeseya y la homoxeneización de la normalización a nivel local

El proyectu de presupuestos xenerales del Principáu d’Asturies pa 2018 inclúi partíes presupuestaries pa 17 servicios de normalización llingüística, ente ellos el de Ribeseya, que va ser de creación nueva. Pa la mayoría de servicios propónse una partida de 14.400 euros, lo que supón la homoxeneización presupuestaria ente toos ellos.

Asina se recueye nel proyectu de llei de presupuestos xenerales del Principáu d’Asturies pal 2018, qu’incrementa hasta los 1.677.000 euros la cantidá pa la normalización y promoción de la llingua asturiana, lo que significa una medría de 93.377 euros.

Read Full Post »