Convoquen el V Concursu de Microrrellatos Luisa Rebollar «La Sariega»

El Conceyu de Sariegu, al traviés de la so biblioteca municipal y nel marcu de la Selmana Cultural de Sariegu, convoca la quinta edición del Concursu de microrrelato Luisa Rebollar «La Sariega». Ábrese de nuevu’l procesu de recepción de relatos a concursu que va tar abiertu hasta’l día 20 de marzu.

Puede participar cualquier persona mayor de 16 años residente n’España (anque hai que tener en cuenta que les persones que fueren premiaes van tener espresa obligación de l’asistencia presencial nel actu d’entrega de premios o delegar nuna persona qu’actúe na so representación) que presente un relatu (máximu dos) que la so estensión nun supere les 200 palabres.

Read Full Post »

Sariegu convoca’l IV Concursu de Microrrellatos La Sariega

El Conceyu Sariegu acaba de dar anuncia de la convocatoria, per cuarta vegada, del Concursu de Microrrellatos Luisa Rebollar «La Sariega». A ella pueden presentase obres escrites en llingua castellana o llingua asturiana hasta’l 22 de marzu a les 23:59 hores.

A esta convocatoria pue presentase cualquier persona mayor de 16 años residente nel estáu español y que pueda asistir a la entrega de premios en casu de ser nomada vencedora, que se va celebrar previsiblemente’l 1 d’abril, dientro de la XXVI Selmana Cultural de Sariegu qu’organiza’l conceyu. Amás, cada participante pue presentar un máximu de dos obres, les cuales nun han pasar de les 200 pallabres y han ser orixinales ya inédites. La temática de los microrrellatos ye llibre.

Read Full Post »

La promoción del asturianu mantiénse nel 0,04% del total del presupuestu

La partida pa promoción del asturianu recoyida nel proyectu de presupuestos pa 2023 xube a 2.535.701 euros, lo que supón –al igual que nes cuentes del 2019, 2020 y 2021– el 0,04% del total.

Nos presupuestos vixentes la promoción del asturianu tenía una partida de 2.205.441 euros, polo que la política llingüística pal 2023 xube en 330.260 euros. Sicasí, al producise una medría xeneral del presupuestu autonómicu, la partida continúa representando’l 0,04% del total de les cuentes.

Read Full Post »

El discu del concursu ‘Al son del cantar’, un recursu nuevu pa la clase de Llingua Asturiana y Gallego-asturiano

Les maestres y maestros de Llingua Asturiana y Gallego-asturiano disponen d’un recursu nuevu pa trabayar nes aules col alumnáu. Yá ta disponible en plataformas dixitales y va distribuyise de manera física per toles escueles del país el discu coles diez canciones de ‘Al son del cantar’, concursu que ta acabante de celebrar la so gala.

Destináu a escolines y escolinos de cuartu de Primaria a segundu de la ESO, esta iniciativa buscaba estimular el deprendimientu significativu del alumnáu per aciu de la investigación, el descubrimientu y la creatividá nel campu de la música. Nel aula habríen de componer una lletra pa un cantar a partir d’una melodía tradicional o orixinal pa valoración del xuráu encargáu de facer la escoyeta de los diez meyores pa la grabación del discu por parte de bandes o artistes con trayeutoria.

Read Full Post »

La Rede de Normalización Llingüística falla los cantares ganadores del concursu escolar ‘Al son del cantar’

El proyectu ‘Al son del cantar’ yá tien ganadores de la edición 2021/2022. Nesta convocatoria participaron centros educativos de primaria y secundaria de los conceyos de Cuaña, Navia, Grandas de Salime, Xixón, Cangas del Narcea, Grau, Nava, Sariegu, Ḷḷena, Gozón, Carreño y Castrillón, convocaos polos Servicios de Normalización Llingüística de los conceyos mentaos.

Trátase d’un proyectu en forma de concursu musical pa los cursos de cuartu, quintu y sestu de Primaria y primeru y segundu de la ESO, que quier estimular l’aprendizaxe del alumnáu al traviés de la investigación, el descubrimientu y la creatividá nel campu de la música.

Read Full Post »

Cultura va producir el discu colos cantares ganadores del concursu escolar ‘Al son del cantar’

La Conseyería de Cultura, Política Llingüística y Turismu del Gobiernu asturianu va entamar la gala y va producir el discu colos cantares ganadores del concursu escolar ‘Al son del cantar’, entamáu pola Rede de Normalización Llingüística y con unes bases que puen consultase na web Educastur.Esti proyectu d’innovación educativa ta dirixíu a los centros d’Avilés, Candamu, Cangas, Castrillón, Corvera, Grau, Samartín del Rei Aurelio, L.lena, Xixón y a los conceyos de les mancomunidaes de la Comarca de la Sidra, Ozcos-Eo, Cabu Peñes y Parque Históricu del Navia.

Read Full Post »

La Rede de Normalización nos Conceyos presenta una campaña consumu

La Rede de Normalización Llingüística nos Conceyos presenta una campaña conxunta qu’afala’l consumu responsable: ¿Qué mos toca…? Esta campaña, entamada yá l’añu pasáu pol Conciyu Ḷḷena, ofrez a la ciudadanía información d’interés sobre los productos propios de cada momentu y anímala a mercar en pueblu, nel comerciu de proximidá.

La campaña, pensada pa la promoción peles redes, renuévase según avanza l’añu, actualizando productos pa garantizar un consumu sostenible y consciente. Otramiente y anque se mantién un deseñu común, cada conceyu va adaptando a les sos particularidaes llingüístiques el conteníu textual de la iniciativa, siempre en ficies d’un impactu social favoratible nos sos ámbitos d’influencia.

Read Full Post »

El Taller d’Asturianu de Sariegu lleva les sos clases a la rede

El Taller d’Asturianu de Sariegu, qu’echó a andar el pasáu día 3, nun va aparar mientres les midíes de prevención afitaes pol Gobiernu por cuenta de la pandemia de COVID-19 pol coronavirus. El Serviciu de Normalización Llingüística ‘Comarca de la Sidra’ caltién les clases tolos martes nestes selmanes próximes pela rede al traviés de YouTube.

Aprovechando la circunstancia, va abrir l’accesu a les mesmes a toles persones interases en deprender más sobre l’idioma. Asina, un poco enantes de les 18 hores d’esta tarde, cuando principia la sesión, va tar emitiendo pela canal del SNL en YouTube.

Read Full Post »

Pónense en marcha cursos d’asturianu n’Uviéu, Xixón, Avilés y Sariegu

La Xunta pola Defensa de la Llingua Asturiana entama un cursu d’asturianu de nivel básicu n’Uviéu, Xixón y Avilés. Per otru llau, el Serviciu de Normalización de la Comarca de la Sidra abrió un taller de llingua asturiana en Sariegu. N’Uviéu’l cursu empieza’l martes 3 de marzu, nel local de l’asociación, na cai Cimavilla 15. L’horariu va ser de 19.30 a 21.30 hores, los martes y xueves. Otra manera, en Xixón, el cursu empieza’l 2 de marzu y va ser los llunes y vienres, de 19.00 a 21.00 hores, nel Conseyu de la Mocedá. N’Avilés, el cursu empieza’l día 2 de marzu, y va ser los llunes y xueves, de 20.00 a 22.00 hores, nel IES Carreño Miranda.

Estos cursu tienen 20 hores de duración y tán dirixíu sobre manera a persones adultes. Nél, los alumnos y alumnes van poder deprender el bon usu del idioma tanto a nivel escritu como oral. El preciu de la matrícula completa ye de 30 euros, incluyendo tol material. Toles persones interesaes puen apuntase mandando un mail a la dirección info@exunta.org enantes del vienres 28 de febreru, onde han indicar el cursu nel que tán interesaes.

Read Full Post »

Concurso Microrrelatos de Sariego

El Ayuntamiento de Sariego convoca la tercera edición del Concurso de microrrelatos Luisa Rebollar “La Sariega”, dentro de las actividades de la XXV Semana Cultural.

Puede participar cualquier persona mayor de 16 años que presente un relato cuya extensión no supere las 200 palabras.

Cada participante podrá presentar un máximo de dos obras.

La temática es libre.

Las obras deben ser originales e inéditas, en cualquier formato, y pueden estar escritas en asturiano o en castellano.

Read Full Post »