Vero Rubio mereció’l XV Premiu Camaretá al Meyor Cantar col tema n’occidental ‘Dixo miou padre’

PABLO R. GUARDADO

Un tema escritu na variante occidental del idioma, ‘Dixo miou padre’, resultó ganador del XV Premiu Camaretá al Meyor Cantar. Vero Rubio, de Cangas del Narcea, ye l’autora d’esta pieza que convenció al xuráu presente na gala celebrada nel xixonés Teatru de la Llaboral.

Sentada al tecláu y acompañada por un tríu de cuerda y dos voces presentó n’escena Rubio’l so ‘Dixo miou padre’, abriendo una gala emitida nesta ocasión en diferío per TPA a la que tamién ganara accesu Marisa Valle Roso, con ‘Tonada’; Alienda, con ‘Zanca de cabra’, tamién n’occidental; y José Manuel Tejedor, con ‘Les tos nales’. Tamén xubiera al escenariu’l domingu Algaire, nesti casu como ganador del añu pasáu col so ‘Coral y maera’, mientres el xuráu tomaba la difícil decisión dau l’altu nivel de toles actuaciones y propuestes.

Read Full Post »

L’actu institucional del Día de les Lletres va facese nel Campoamor y va contar cola actuación de Silvia Quesada

La Xunta Estraordinaria de l’Academia de la Llingua Asturiana (ALLA) va celebrase’l 5 de mayu a les 19.00 hores nel Teatru Campoamor d’Uviéu y va contar, amás, cola actuación de Silvia Quesada.

Ensin restricciones depués de tres años, el principal actu del Día de les Lletres Asturies va ser con entrada llibre al públicu y nél va entregase a la poeta Lourdes Álvarez el III Premiu Nacional de Lliteratura Asturiana.

Read Full Post »

Yá ta na cai l’Anuariu de la Música Asturiana 2022

Esta selmana entama a distribuyise y asoleya online la edición 2022 del Anuariu de la Música Asturiana, publicación editada por Goxe Producciones que lleva ventidós años faciendo un repasu fondu a lo que dio de sí’l recién pasáu añu en rellación a la música d’espresión asturiana. Como de costume les temátiques céntrense n’estilos como la música tradicional, el folk, el rock o la canción d’autor, con secciones qu’inclúin reportaxes, informes, entrevistes, crítiques, opinión, recoyida de material o anuncies. L’Anuariu ye de baldre, inclúi un CD compilatoriu y pue consiguise en dellos llocales repartíos pel país .

L’Editorial, nesta ocasión, titúlase «Optimismu ensin trunfalismu» y nél fálase de la variedá y calidá de la música asturiana anguaño, nesti sen, manifiéstase: «Creación y consumidores, un binomiu imprescindible pa caltener una escena musical tan especial como l’asturiana. Les bases tán puestes, agora namás falta que los poderes públicos del país, particularmente’l Gobiernu Asturianu y la RTPA, apoyen amañosamente con polítiques y acciones reales, permanentes y ambicioses. Nun cabe ser trunfalistes y hai que siguir trabayando, pero paga la pena aparar per un momentu, mirár atrás, sentir satisfacción pola xera fecha y coyer impulsu pa siguir alantre».

Read Full Post »

«Música d’eiquí, música p’agora» lleva la producción musical contemporánea n’asturianu a Cangas del Narcea

Cangas del Narcea va acoyer esti xueves, 8 d’avientu, el conciertu Música d’eiquí, música p’agora, un eventu promovíu dende la Conseyería de Cultura, Política Llingüística y Turismu p’allegar al públicu la producción musical contemporánea en llingua asturiana de la mano de los sos creadores y intérpretes.

El conciertu va empezar a les 13:30 hores y va celebrase na cai Mayor de la capital canguesa, abiertu a tol públicu que quiera y con calter gratuitu. El cartel de Música d’eiquí, música p’agora incluye les actuaciones d’Alfredo González, Silvia Quesada y el dúu L-R, integráu por Leticia González y Rubén Bada.

Read Full Post »

Alfredo González espubliza “Asuntu de fe” y “La insistencia”

Bones noticies pa la música asturiana, tenemos nos cartelos otra vuelta a ún de los cantautores más respetaos del panorama asturianu y estatal.  Esti fin de selmana salieron  a la venta los trabayos séptimu y octavu d’Alfredo González, “La insistencia” (Carcajada Records) y “Asuntu de fe” (Algamar Producciones).

Falamos de dos EP’s, ún en castellán y otru n’ asturianu, que fueron adelantándose con
dellos singles dende’l febreru pasáu. ”La insistencia”, producíu por Pachi “Alis”, ye un discu con cuatro canciones de pop rellumante, ente les qu’atopamos lo que ye yá un clásicu pal públicu d’ Alfredo,
“Corredera”, un single nel que collabora Ismael Serrano y que, en malapenes tres selmanes, yá dexó atrás les 20.000 reproducciones.

Read Full Post »

El IX Día de la Reciella llega’l sábadu 1 d’ochobre con un desfile de moda y música xamaicana ente les novedaes principales

PABLO R. GUARDADO

La xornada más esperada del añu pa los más mozos yá ta equí. El sábadu viniente’l Muséu del Pueblu d’Asturies va acoyer el IX Día de la Reciella con actividaes d’años anteriores que repiten y novedaes, como un desfile de moda y una pinchada didáutica de música xamaicana, a los qu’hai que sumar un conciertu d’Alfredo González.

Va ser, como siempre, un día enllenu d’actividaes variaes pa tola familia, toes n’asturianu, nun entornu privilexáu col tendayu como centru principal d’operaciones. Una xornada pa vivir y disfrutar en llingua asturiana dafechu entama ‘Reciella. Families pol Asturianu’ y na que collaboren dellos coleutivos y clubes, asina como la Oficina de Normalización Llingüística de Xixón.

Read Full Post »

El discu del concursu ‘Al son del cantar’, un recursu nuevu pa la clase de Llingua Asturiana y Gallego-asturiano

Les maestres y maestros de Llingua Asturiana y Gallego-asturiano disponen d’un recursu nuevu pa trabayar nes aules col alumnáu. Yá ta disponible en plataformas dixitales y va distribuyise de manera física per toles escueles del país el discu coles diez canciones de ‘Al son del cantar’, concursu que ta acabante de celebrar la so gala.

Destináu a escolines y escolinos de cuartu de Primaria a segundu de la ESO, esta iniciativa buscaba estimular el deprendimientu significativu del alumnáu per aciu de la investigación, el descubrimientu y la creatividá nel campu de la música. Nel aula habríen de componer una lletra pa un cantar a partir d’una melodía tradicional o orixinal pa valoración del xuráu encargáu de facer la escoyeta de los diez meyores pa la grabación del discu por parte de bandes o artistes con trayeutoria.

Read Full Post »

Alfredo González entama una campaña de mecenalgu n’internet pa publicar dos discos

El cantautor asturianu Alfredo González va llanzar dos trabayos en 2022, ún n’asturianu y otru en castellanu. Pal llanzamientu d’estos trabayos, González punxo en marcha un crowdfunding al traviés de la web d’Alternativa Management.

Esta campaña de mecenalgu va valir pa “llanzar con más fuerza dambos eps, llegar a más públicu y ayudar a Alfredo González a siguir xubiendo pasos”, indicaron dende Alternativa Management al traviés de nota de prensa.

Los trabayos discográficos van llamase ‘La insistencia’, en castellanu, y ‘Asuntu de fe’, n’asturianu’.

ENLLAZ: Campaña de mecenalgu.

(d’Europa Press, 02-12-2021)

Read Full Post »

Cristina Gestido y Mario Bernardo recuperan las “Canciones asturianas” de Antón García Abril

DAVID ORIHUELA

La violista Cristina Gestido y el pianista Mario Bernardo han recuperado y dado una nueva vida a las “Canciones asturianas” de Antón García Abril.

Abril compuso y orquestó las “Canciones Asturianas” para la Orquesta Filarmónica de Londres en 1984, siendo Joaquín Pixán el impulsor y el tenor protagonista del proyecto.

Read Full Post »

Más cultura asturiana na RTPA

Col títulu de ‘Por una RTPA al serviciu de la cultura asturiana’ 118 persones del campu cultural y musical roblen un escritu nel que reclamen “apostar por dignificar la presencia de conteníos culturales y musicales del país (mui especialmente n’asturianu y gallego-asturianu) na programación, con un tratamientu dignu, global y permanente nella”. La fundación nel añu 2005 de Radiotelevisión del Principáu d’Asturies (RTPA) enllenó d’esperances a los y les trabayadores/ dinamizadores/creadores culturales y musicales asturianos/es. Rixida nos primeros años pola Llei 2/2003, nel so preambulu falaba de potenciar las peculiaridades y el afianzamiento de la identidad asturiana, a través de la difusión, conocimiento y desarrollo de los valores históricos y culturales en toda su variedad y riqueza recuerden los firmantes del manifiestu. “La puesta en marcha efectiva del serviciu de televisión (TPA) fixo qu’aquelles esperances primerices s’esvanecieren en viendo’l modelu pel qu’empobinó la so programación; el fracasu social y económicu al que llevó obligó a un cambiu de rumbu radical que se caltuvo nel tiempu, con una visión de lo asturiano mui restrictiva y simplista” señalen. Tamién consideren que “los primeros pasos del serviciu radiofónicu (RPA) paecíen ufiertar bonos augurios, asina la so parrilla enllenóse de programes y espacios en llingua asturiana colos más variaos conteníos y atentos al fechu cultural y musical del país, pero namás foi un espeyismu nel tiempu y darréu foron desapaeciendo dafechu de les so emisiones”.

Read Full Post »