La Vuelta dexa d’emplegar la toponimia oficial n’Asturies

PABLO R. GUARDADO

‘Infiesto’ y ‘Luanco’ son les dos salíes d’etapa que va tener La Vuelta del 2024 n’Asturies y non ‘Infiesto/L’Infiestu’ nin ‘Lluanco/Luanco’. Depués d’unos años respetando la toponimia asturiana, única oficial, esta edición de la carrera ciclista torna a emplegar nel llibru de ruta nomes de llugar derogaos, dalgo que nun asocede cola gallega nin vasca.

El Madrid Marriott Auditórium Hotel acoyó ayeri la gala de presentación del percorríu de La Vuelta 2024, competición na qu’Asturies siempre ye protagonista. Por esti motivo munchos yeren los güeyos que taben pendientes por conocer qué finales d’etapa programaba Unipublic esta ocasión.

Read Full Post »

Los lletreros nuevos instalaos na N-634 al so pasu per Piloña nun respeten la toponimia oficial

PABLO R. GUARDADO

‘Oviedo’, ‘Infiesto’ y ‘Campo de Caso’, topónimos derogaos nel 2019, 2008 y 2007, de manera respeutiva, son los emplegaos nos lletreros nuevos instalaos pol Ministeriu de Tresportes, Movilidá y Axenda Urbana na N-634 al so pasu per Piloña. La Xunta pola Defensa de la Llingua Asturiana (XDLA) reclama al Gobiernu una quexa formal por esti incumplimientu de la única toponimia oficial, l’asturiana.

La billingüe Oviedo/Uviéu, L’Infiestu y El Campu son les úniques formes válides y, poro, les que deberían apaecer na cartelería oficial. Esta situación ye pa la XDLA “otru despreciu más de la Demarcación de Carreteres n’Asturies, de la Delegación del Gobiernu y del conxuntu del Executivu central hacia al patrimoniu llingüísticu asturianu”.

Read Full Post »

La 44 Selmana de les Lletres Asturianes va rindir homenaxe al poeta y críticu lliterariu Xosé Bolado

La 44 Selmana de les Lletres Asturianes, que va celebrase ente’l 28 d’abril y el 6 de mayu, va rindir homenaxe a la figura del poeta y críticu lliterariu Xosé Bolado, fallecíu en mayu del 2021. Xosé Bolado, académicu de la llingua asturiana y profesor, ye una figura central de la recuperación llingüística y lliteraria d’Asturies na Transición. La programación incluye la estrena del documental Na firida del cementu. Vida y obra de Xosé Bolado, dirixíu por Ana Lamela, y tamién la edición de dos llibros conmemorativos alredor de la contribución decisiva que la figura de Xosé Bolado supunxo pa la llingua y la lliteratura asturianes.

Asina, Xosé Bolado. Fálame duce recueye la semblanza que distintos amigos y personalidaes del mundu de la cultura tracen sobre l’autor uviedín, no personal y tamién na aportación que fizo como poeta, como militante sindical y políticu y na so dimensión de críticu y estudiosu de la llingua y de la lliteratura n’asturianu. La obra, coordinada por Marta Mori, edítala’l Gobiernu del Principáu d’Asturies con realización editorial de Trabe.

Read Full Post »

David Guardado, del Xixón Sound a l’Academia de la Llingua Asturiana

XAIME MARTÍNEZ

Cuando’l periodista ya historiador Pablo Batalla Cueto retuitió la noticia de que David Guardado Díez (Xixón, 1970) taba acabante de ser nomáu académicu de númberu de l’Academia de la Llingua Asturiana, Carolina del Olmo —filósofa y autora de Dónde está mi tribu (Clave intelectual, 2013)— entrugó nes respuestes: «¿es el de Penélope Trip?».

Esta entruga reflexa perbién la trayectoria intelectual y artística de David Guardado, que pa dalguna xente puede presentar una aparente contradicción, pero que’l nuevu académicu nun vive d’esa manera. La participación nos movimientos de reivindicación llingüística del asturianu, la militancia política y la conexón coles maneres más nueves de facer cultura pop nun son categoríes mutuamente escluyentes, como amuesa’l perfil del filólogu xixonés.

Read Full Post »

Principáu y ayuntamientos afalen l’aprendimientu d’asturianu y gallego-asturiano p’adultos al traviés de ‘Falamos’

El programa Falamos, afaláu pola Conseyería de Cultura, Política Llingüística y Turismu y desenvueltu pola Federación Asturiana de Conceyos (FACC), entama la segunda edición con un presupuestu que medra nun 52 por cientu al respeutive del añu pasáu y algama los 131.500 euros.

La ufierta de cursos gratuitos y semipresenciales p’adultos p’adquirir nociones básiques d’asturianu o gallego-asturiano tuvo una respuesta bien bona l’añu pasáu, superando llargamente los 300 participantes.

Read Full Post »

El Principáu celebra’l Día de la Llingua Materna con actividaes en dellos conceyos

El Gobiernu d’Asturies va conmemorar la selmana qu’entra la celebración del Día de la Llingua Materna (21 de febreru) con un programa d’actividaes que va desenvolver en Grandas de Salime, Piloña, Noreña y Cangas del Narcea. La Conseyería de Cultura, Política Llingüística y Turismu, al traviés de la Dirección Xeneral de Política Llingüística, impulsa actividaes d’artes plástiques, teatru y talleres empobinaos al públicu infantil cola mira de reivindicar la importancia y la riqueza que l’asturianu y l’eonaviegu representen dientro de la cultura asturiana. Toles actividaes van ser gratuites pal públicu interesao.

El llunes que vien la Casa de Cultura de L’Infiestu va acoyer a partir de les 17:00 hores Mazcaraes d’iviernu, a cargu d’Aladanza Educación y Tradición. Una actividá que celebra la llegada de los díes de más lluz y onde, aprovechando l’antroxu, los más pequeños van poder preparar una mázcara del personaxe protagonista de les mazcaraes tradicionales que quieran más. Yá’l martes la Casa de Cultura de Noreña va ser l’escenariu de la representación de Les aventures del cuélebre tragón, teatru de marionetes a  cargu d’Elisabet Martín Teatro. La función va empezar a les 18:00 hores.

Read Full Post »

Percorríu poles lletres asturianes n’ochobre con Asturies, Cultura en Rede

El programa Asturies, Cultura en Rede ufierta un percorríu poles lletres asturianes con un ampliu programa d’actividaes de los circuitos de lliteratura y Autores nel Camín pal mes d’ochobre. Asturies, Cultura en Rede ye un proyectu de la Conseyería de Cultura, Política Llingüística y Turismu, realizáu en collaboración colos conceyos asturianos y xestionáu pola Sociedá Pública de Xestión y Promoción Turística y Cultural del Principáu d’Asturies, que tamién incluye circuitos temáticos d’artes escéniques, Xacobéu, artes visuales, música y cultura tradicional por distintos conceyos del Principáu.

17 actividaes en 13 conceyos conformen la programación del circuitu de lliteratura pal mes viniente. Tras la Puerta Títeres va llevar Cuentos de casa a Castrillón, Gozón y Noreña; El Arca de Mozart, Operación Zanahorias, a Mieres, y ¿A qué suenan los libros? a Cuaña; Carlos Alba Cellero, La Caja Mágica, a Ribeseya; Elisabet Martín Teatro, Descubriendo a Gloria Fuertes, a La Ribera; y Producciones Viesqueswood, Asturias: voces femeninas de nuestra historia, a Tinéu. Va haber un alcuentru lliterariu con Xaime Martínez en Llangréu y va esponese en Gozón el poemariu ilustráu Una mitología. Seres y mitos del norte con alcuentru colos sos autores, Aurelio González Ovies y Toño Velasco, incluyíu. Storytellers va actuar en Cangas; El Velcro, en Llangréu; y Puppys, en Cuaña y Llaviana. Tamién van realizase los talleres Palabras como llaves, de Musa Cafeína, en Grau y La Ribera, y El sombrero que voló ¡Ilústralo tú! con Pintar-Pintar Editorial en Villaviciosa.

Read Full Post »

“Esti trabayu lliterariu nuevu ye un diariu de suaños”, describe Maxi Areñes

PABLO R. GUARDADO

‘Suañando dende Areñes’ ye la obra nueva de Maxi Areñes, una colleición de rellatos y poemes que sigue la llinia de ‘Cuentinos dende Areñes’ y que’l músicu y escritor va presentar el vienres en L’Infiestu. Maitetxu Isla encárgase de les ilustraciones d’un trabayu lliterariu que’l xixonés define como “un diariu de suaños”.

Esti axitador cultural, como se define, presenta en ‘Suañando dende Areñes’ una serie de poemes de calter munchu más intimistes, ensín escaecer los rellatos en mou fábula. La so compañera de vida repite coles ilustraciones y les semeyes nesta autoedición.

Read Full Post »

«Con mis cuentinos quiero poner Areñes en el mapa»

ENRIQUE CARBALLEIRA INFIESTO.

Maxi Areñes, alter ego de Pedro Martínez, fundador del grupo folk piloñés Fontoria y también impulsor de diferentes actividades culturales, presentó este viernes en el local social de Areñes su libro ‘Cuentinos dende Areñes’, que publica después de elaborar numerosas mini historias en verso, centradas en un ambiente muy rural e inspiradas por la localidad en la que reside desde hace algunos años. Estos cuentinos se fueron publicando primeramente a través de las redes sociales, antes de tomar forma de libro. Por sus páginas desfilan personas, animales y seres mitológicos, actuando de forma coordinada para tejer historias abiertas al público infantil y adulto.

¿Satisfecho con el resultado del libro?
Por supuesto, muy contento. Nació después de que muchas personas me animasen a publicar los cuentinos que iban conociendo a través de internet. Me decían que estaban bien y que podían gustar así que, al final, ya lo tenemos aquí, en papel. Quedó bastante bien.

Read Full Post »

Los alumnos de Llingua de Infiesto cantan con Anabel Santiago

C.C.

“En el pozu María Luisa”, “La lloca” o “Chalaneru” fueron sólo algunos de los temas que los ciento cuarenta alumnos del colegio público “L’Ablanu” de Infiesto matriculados en Llingua Asturiana pudieron entonar ayer junto a la cantante Anabel Santiago. La actividad, que gozó de una gran aceptación entre los menores, forma parte de la Axenda Didáctica de la Consejería de Educación. Santiago también hizo una visita al instituto de la capital piloñesa.

(de La Nueva España, 15-09-2018)

Read Full Post »