Navia, Ayande, Cuideiru y Ibias son los únicos conceyos pendientes d’oficializar la so toponimia

El Conseyu de Gobiernu aprobó esti vienres la toponimia oficial de Somiedu, polo yá son 74 de 78 los conceyos colos sos nomes tradicionales oficializaos. Asina, namás Navia, Ayande, Cuideiru y Ibias tán pendientes d’acabar esti procesu.

Los trés primeros tán gobernaos pol PSOE, mentes qu’Ibias tien una alcaldesa ‘popular’. A lo llargo d’esti mandatu, l’Executivu autonómicu dio lluz verde a la toponimia de 8 de los 12 conceyos pendientes d’oficializar, concretamente la de Cabrales, Castropol, El Valle Baju Peñamellera, Llanera, Pravia, Salas, Caravia y Somiedu.

Read Full Post »

La Rede de Normalización Llingüística falla los cantares ganadores del concursu escolar ‘Al son del cantar’

El proyectu ‘Al son del cantar’ yá tien ganadores de la edición 2021/2022. Nesta convocatoria participaron centros educativos de primaria y secundaria de los conceyos de Cuaña, Navia, Grandas de Salime, Xixón, Cangas del Narcea, Grau, Nava, Sariegu, Ḷḷena, Gozón, Carreño y Castrillón, convocaos polos Servicios de Normalización Llingüística de los conceyos mentaos.

Trátase d’un proyectu en forma de concursu musical pa los cursos de cuartu, quintu y sestu de Primaria y primeru y segundu de la ESO, que quier estimular l’aprendizaxe del alumnáu al traviés de la investigación, el descubrimientu y la creatividá nel campu de la música.

Read Full Post »

Cultura va producir el discu colos cantares ganadores del concursu escolar ‘Al son del cantar’

La Conseyería de Cultura, Política Llingüística y Turismu del Gobiernu asturianu va entamar la gala y va producir el discu colos cantares ganadores del concursu escolar ‘Al son del cantar’, entamáu pola Rede de Normalización Llingüística y con unes bases que puen consultase na web Educastur.Esti proyectu d’innovación educativa ta dirixíu a los centros d’Avilés, Candamu, Cangas, Castrillón, Corvera, Grau, Samartín del Rei Aurelio, L.lena, Xixón y a los conceyos de les mancomunidaes de la Comarca de la Sidra, Ozcos-Eo, Cabu Peñes y Parque Históricu del Navia.

Read Full Post »

Percorríu poles lletres asturianes n’ochobre con Asturies, Cultura en Rede

El programa Asturies, Cultura en Rede ufierta un percorríu poles lletres asturianes con un ampliu programa d’actividaes de los circuitos de lliteratura y Autores nel Camín pal mes d’ochobre. Asturies, Cultura en Rede ye un proyectu de la Conseyería de Cultura, Política Llingüística y Turismu, realizáu en collaboración colos conceyos asturianos y xestionáu pola Sociedá Pública de Xestión y Promoción Turística y Cultural del Principáu d’Asturies, que tamién incluye circuitos temáticos d’artes escéniques, Xacobéu, artes visuales, música y cultura tradicional por distintos conceyos del Principáu.

17 actividaes en 13 conceyos conformen la programación del circuitu de lliteratura pal mes viniente. Tras la Puerta Títeres va llevar Cuentos de casa a Castrillón, Gozón y Noreña; El Arca de Mozart, Operación Zanahorias, a Mieres, y ¿A qué suenan los libros? a Cuaña; Carlos Alba Cellero, La Caja Mágica, a Ribeseya; Elisabet Martín Teatro, Descubriendo a Gloria Fuertes, a La Ribera; y Producciones Viesqueswood, Asturias: voces femeninas de nuestra historia, a Tinéu. Va haber un alcuentru lliterariu con Xaime Martínez en Llangréu y va esponese en Gozón el poemariu ilustráu Una mitología. Seres y mitos del norte con alcuentru colos sos autores, Aurelio González Ovies y Toño Velasco, incluyíu. Storytellers va actuar en Cangas; El Velcro, en Llangréu; y Puppys, en Cuaña y Llaviana. Tamién van realizase los talleres Palabras como llaves, de Musa Cafeína, en Grau y La Ribera, y El sombrero que voló ¡Ilústralo tú! con Pintar-Pintar Editorial en Villaviciosa.

Read Full Post »

Rodrigo Cuevas, Silvia Quesada, Mapi Quintana y Slum Suit, finalistas del Premiu Camaretá al Meyor Cantar

El jurado del Premiu Camaretá al Meyor Cantar, convocado por la Consejería de Cultura, Política Llingüística y Turismo, ha anunciado este miércoles los cuatro cantares finalistas de la XII edición del galardón: ‘Rambalín’, de Rodrigo Cuevas, ‘La mesma revolución’, de Silvia Quesada, ‘Cantar pa durmir un ninin’, de Mapi Quintana, y ‘L’espeyu’, de Slum Suit. Estos cantares se interpretarán en la gala final del Premiu Camaretá, que se celebrará el próximo 13 de noviembre en el Teatro Fantasio de Navia y tras la que se dará a conocer el tema vencedor.

El director general de Política Llingüística, Antón García, ha presidido el jurado integrado por los músicos Alicia Álvarez Sanguino, Pablo Moro y Naomí Suárez, la periodista y escritora Aitana Castaño, y la filóloga y profesora Mercedes Ruisánchez.

Read Full Post »

Un total de 12 conceyos esperen pola so toponimia

Tres l’aprobación de la toponimia d’Eilao, 66 de los 78 conceyos asturianos yá tienen la so toponimía tradicional aprobada. Solo falten 12 conceyos por aprobar la recuperación llingüística tradicional. En toos ellos, el procesu yá entamó pero ta en distintes fases. Nel final de la llista tán Pravia y Navia, qu’acaben d’entamar el so espediente.

D’otra manera, Salas y Castropol tiénenla mui avanzada namás pendiente de llegar a un alcuerdu p’afitar dos topónimos. Sicasí, en cinco conceyos l’espediente ta paralizáu por distintes causes. Esta situación socede en Cuideiru, Caravia, Llanera, Somiedu y Allande.

Read Full Post »

L’Academia de la Llingua publica un númberu nuevu de ‘Cultures’ centráu nos xuegos tradicionales

L’Academia de la Llingua Asturiana publicó un númberu nuevu de la revista ‘Cultures’, que fai’l 21 y que nesta ocasión ye un monográficu dedicáu a la cultura del xuegu n’Asturies, sobre manera nos bolos anque tamién hai referencia a otros deportes tradicionales.

Dirixida por Roberto González-Quevedo y coordinada nesti exemplar pol Carlos Suari, a lo llargo de más de 400 páxines,’Cultures’ inclúi artículos d’investigación sobre’l xuegu tradicional y les rellaciones sociales que xeneren, la so importancia antropolóxica y sobre les sos posibilidaes deportives y educatives.

Read Full Post »

El Gobiernu asturianu afirma que la llei diz que los topónimos “tienen que tar na so forma tradicional”

El director xeneral de Planificación Llingüística y Normalización del Principáu, Fernando Padilla, afirmó que’l programa de gobiernu del Executivu al que pertenez fala de dar un impulsu a la normalización y que, nesi sentíu, “la toponimia ye una parte fundamental”. “Esto nun ye namás qu’aplicar lo que diz la Llei d’Usu, qu’establez que los topónimos d’Asturies tienen que tener la so denominación oficial d’alcuerdu cola so forma tradicional”, indicó.

En declaraciones a Europa Press, el director xeneral afirmó qu’asina se recueye na llexislación vixente y nel programa de política llingüística que presentó’l conseyeru d’Educación y Cultura, Genaro Alonso, “y dende que principiamos esta llexislatura yá hubo 13 sesiones de la Xunta Asesora de Toponimia énte les siete qu’hubo nes dos anteriores”.

Read Full Post »

El mapa de la toponimia asturiana entra en su recta final

El mapa de la toponimia asturiana comenzó a dibujarse hace 14 años. Hoy cuentan con decretos de oficialización 53 concejos, el 67% del total.

Los cuatro concejos que faltan por solicitarla, Muros, Navia, Pravia e Illano, lo harán próximamente.

Los primeros en colocar carteles bilingües fueron Carreño, El Franco y Llanes en mayo de 2005.

Otros 20 han iniciado el proceso, un camino voluntario y lento que en el mejor de los casos se resuelve en dos años, aunque en otros se estira hasta los siete.

De ellos, los más avanzados son Castropol, Llanera, Salas, Somiedo, Tapia y Oviedo. Por contra, Allande está atascado.

En los dos últimos años, la Xunta de Toponimia se ha reunido ochos veces. Su último trabajo, la toponimia de Tineo se publicará en el BOPA en el plazo de 45 días.

(de la Radiotelevisión del Principáu d’Asturies, 22-01-2017)

Read Full Post »

La Xunta Asesora de Toponimia celebra la tercer reunión d’anguaño

El llunes 16 d’avientu la Xunta Asesora de Toponimia (XAT) reúnese pela tercer vez nesti añu pa siguir col so llabor de recuperación de los topónimos asturianos. Esti órganu tien reguláu’l so funcionamientu dende l’añu 2002 como entidá consultiva y asesora de l’Alministración del Principáu y tien ente les sos funciones facer el dictame previu, primero de que’l Conseyu de Gobiernu determine la forma oficial de los topónimos. Na sección Toponimia d’esta web puen consultase los miembros que componen actualmente la XAT, l’estáu de los trabayos de toponimia, el procedimientu de trabayu y los decretos que regulen el so funcionamientu.

Otra manera, p’apoyar el llabor de la XAT, la Dirección Xeneral de Política Llingüística encargó a tres espertos en trabayu de campu informes sobre Salas, Pravia y Navia col fin de tener una información toponímica actualizada y completa. Estos trabayos van siguir l’añu que vien hasta completar los datos sobre tolos conceyos asturianos.

(de la Dirección Xeneral de Política Llingüística, 12-12-2013)

Read Full Post »