Feeds:
Antradas
Comentairos

Archive for the ‘Música’ Category

El Gobiernu d’Asturies avera l’asturianu a los más mozos al traviés de la cultura y l’ociu en #SerondaMoza, una cita nueva que va ofrecer el sábadu 26 en Llanera un programa d’actividaes gratuites empobinaes al públicu d’ente 16 y 35 años.

La Conseyería de Cultura, Política Llingüística y Turismu suma un recursu nuevu p’averar la llingua asturiana al públicu más mozo. «Seronda Moza» naz como una cita n’asturianu onde los más xóvenes pueden atopar una ufierta cultural y d’ociu n’asturianu y gratuita. La primer edición de «Seronda Moza» va celebrase esti sábadu 26 de payares nel IES de Posada, en Llanera.

(more…)

Read Full Post »

La cantante Mapi Quintana presenta pela primer vez n’Asturies, depués de que se pudiera ver en Lorient, ‘Música pa tornar páxaros’, nun conciertu que va ufiertar el 3 d’avientu, a les 20:30 hores, nel Teatru de la Llaboral.

Esta obra musical inclúi un repertoriu compuestu a costafecha pal conciertu inaugural del Festival Intercélticu de Lorient, onde Asturies foi la convidada d’honor, según esplicó esti llunes el director xeneral de Política Llingüística del Principáu, Antón García, xunto a Mapi Quintana.

(more…)

Read Full Post »

PABLO R. GUARDADO

Del 22 al 25 de payares van celebrase en Xixón los X Alcuentros de Músiques Asturianes, qu’estrenen sede: el Muséu del Ferrocarril. Esta edición lleva la etiqueta ElectronicAst! y va contar con sesiones con Fruela 757, Tasio, Bimenes Underprau y Llevólu’l Sumiciu, amás de la participación de Tever con trés vídeos creaos a costafecha pa esti ciclu.

La electrónica, poro, va ser protagonista “tanto nel llinguaxe sonoru de les propuestes que tán na programación como na ellaboración de conteníos dixitales que s’espublizarán nel canal de YouTube del Taller de Músicos”, esplicó Eduardo G. Salueña, direutor de programes de la entidá que collabora na organización d’esta actividá xunto de la Fundación Municipal de Cultura, Educación y Universidá Popular al traviés de la Oficina de Normalización Llingüística. Na presentación, celebrada nel Antiguu Institutu, tuvo acompañáu por Miguel Barrero, direutor de la Fundación.

(more…)

Read Full Post »

Les conseyeríes d’Educación y de Cultura convoquen el I Certame de Cantares d’Iviernu y Avientu / I Certame de Cántigas d’Inverno. Esti certame formúlase como un proyectu abiertu a toles árees y situaciones d’aprendimientu. El certame tien la modalidá d’interpretación pa coros escolares en dos categoríes: Primaria y Secundaria/Bachilleratu.

Pue participar tol alumnáu d’Educación Primaria y/o d’Educación Secundaria y Bachilleratu qu’ha tar organizáu en coros. Cada centru pue participar con dos cantares d’iviernu y Navidá, con acompañamientu o non.

(more…)

Read Full Post »

Nesti númberu espublícense ocho artículos venceyaos a cuestiones llingüístiques, abarcando fonética, música, lliteratura, torna ya incluso apuntes sobro llingua y cine

La investigación sobro lliteratura ocupa bona parte de la revista; asina, Adrián Expósito fae un averamientu  a la obra inédita del Padre Galo, Víctor Suárez Piñero estudia la presencia de l’asturianu en “Sinfonía Pastoral” y la so adautación cinematográfica y Hector García Gil apurre notes sobre la torna de “Retornu a Tagen Ata”.

Non tolos artículos tan escritos n’asturianu, Manuel Duarte João Pires apurre un trabayu d’investigación alrodiu’l mirandés escritu nesa llingua y Isabel Álvarez Sancho utiliza l’inglés pa falar de nueva tradición y activismu musical.

Llingüísticamente interesante abulta tamién el trabayu conxuntu de Natalia Riego Arredondas y Carmen Siñeriz Rico, alrodiu los avances fechos na creación del Diccionario Normativo d’Eonaviego.

Pa finar, nel separtáu de reseñer bibliográfiques alcontramos los artículos de Covadonga Martínez Sánchez , que fae un averamientu a los trabayos de fonética en 22 llingües d’Antonio Pamiés Bertrán, y de Xaime Martínez Menéndez, que fae una reseña bibliográfica del trabayu “Sound, Syntax and Contact in the Languages of Asturias, Amsterdam / Philadelphia”.

ENLLAZ: Lletres Asturianes, 127.

(d’InfoAsturies, 04-11-2022)

Read Full Post »

El Ayuntamiento de León, a través de la Concejalía de Acción y Promoción Cultural, y la Asociación Cultural Faceira organizan el VII ‘Curso d’iniciación a la llengua y cultura tradicional llionesas’ que se desarrollará en la ciudad de León y se impartirá en las aulas de la Consultoría de Formación Skala.

El curso, patrocinado por el Ayuntamiento de León, tendrá una duración total de 50 horas lectivas que se impartirán cada viernes entre las 17.00 y las 19.00 horas, desde el 11 de noviembre de 2022 hasta el 26 de mayo de 2023, informa el Consistorio a través de un comunicado remitido a Europa Press.

(more…)

Read Full Post »

Candás va acoyer del xueves al domingu’l I Reguerada Fest, iniciativa del Gobiernu pa crear un espaciu d’alcuentru de la cultura en llingua asturiana. Van entamase más d’una docena d’actividaes estos cuatro díes y la Fábrica d’Ortiz va agospiar un Mercáu y Feria d’Empreses na que participen un total de quince firmes qu’empleguen l’asturianu.

“Carreño ye una zona mui vinculada a la cultura n’asturianu”, aseguró na presentación Antón García, direutor xeneral de Politica Llingüístca, Antón García, qu’apuntó qu’anque en Candás “suelen dicir que ye’l ñero de la lliteratura asturiana, yo creo que ye un poco más que’l ñero, ye l’aniciu, l’orixe de la lliteratura n’asturianu y paecíanos un bon sitiu pa rindir homenaxe a Antón de Marirreguera”, autor del autor del primer testu conserváu de la historia de les nueses lletres, el ‘Pleitu entre Oviedo y Mérida: Sobre la posesión de las cenizas de Santa Eulalia’, del 1639. Asina, escoyóse’l nome de Reguerada Fest pa esta iniciativa.

(more…)

Read Full Post »

El grupu Algaire foi’l ganador del XIV Premiu Camaretá al Meyor Cantar n’asturianu que convoca la Conseyería de Cultura, Política Llingüística y Turismu. La banda femenina compitió col tema ‘Coral y maera’, un cantar con lletra y música de Luis Ángel Fernández Santos.

El director xeneral de Política Llingüística, Antón García, foi l’encargáu d’entregar el gallardón a los ganadores del certame al términu de la gala na qu’actuaron los trés finalistes y qu’emitió la Televisión Pública del Principáu d’Asturies dende’l Teatru de La Llaboral.

(more…)

Read Full Post »

Llaboral Ciudá de la Cultura va acoyer el próximu sábadu 22 d’ochobre, a les 22:00 hores, la Gala final del XIV Premiu «Camaretá» al Meyor Cantar n’asturianu que convoca la Conseyería de Cultura, Política Llingüística y Turismu. 

La gala, que va ser retresmitida en directo per TPA, va acoyer les actuaciones de los trés grupos finalistes (Algaire, Mostru l’horru y Dixebra), escoyíos nuna primer fase pol xuráu especializáu ente toles composiciones musicales escrites n’asturianu o eonaviegu, espublizaes a lo llargo del añu 2021 y que se presentaron a esta convocatoria.

(more…)

Read Full Post »

El Conservatoriu Superior de Música d’Uviéu ‘Eduardo Martínez Torner’ va acoyer esti vienres 7 d’ochobre a les 19.00 hores la presentación del llibru ‘Canción lírica asturiana de conciertu’, de Vicente J. Sánchez García.

L’actu va cuntar amás cola actuación d’Eliana Sánchez (declamación), Beatriz Díaz (sopranu) y Mario Bernando (pianu) y la participación del director xeneral de Política Llingüística del Principáu, Antón García, y la responsable d’Ediciones Trabe, Esther Prieto, encargada de la publicación d’esta obra.

Esta actividá, con entrada llibre hasta enllenar l’aforu, enmárcase dientro de les actividaes de la Seronda Musical, qu’entama’l Principáu d’Asturies.

(d’Europa Press, 06-10-2022)

Read Full Post »

Older Posts »