L’ALLA comunica los ganadores de los sos concursos del Certame d’Investigación

Yá se conocen tamién los finalistes de la Olimpiada Escolar de Redaición Urbano Rodríguez que se celebra’l día 21.

Ocho años depués l’Academia de la Llingua Asturiana (ALLA) tornó a convocar los sos concursos. Per un llau tán los del Certame d’Investigación y, per otru, los destinaos a escolines y escolinos.

Los diferentes xuraos convocaos pola institución académica decidieron conceder el Xosé Bolado de recoyida de material lliterario inédito anterior a 1970 a Adrián Martínez Expósito por ‘Nel corazu de casina (1932-1934) de Fernán Coronas’; el de Documentalismu Sociocultural Curtiu a Pablo Cueto pa ‘Indianos d’azucre’; y el de Recoyida, Trescripción y Estudiu de Testos Oralespa Claudia Elena Menéndez Fernández por ‘Averamientu a la caracterización del asturianu de La Güeria Carrocera (Samartín del Rei Aurelio)’, que tamién recibe un premiu especial.

Read Full Post »

Inaciu Galán faise col Premiu Pepe Campo de monólogu por «Nel tiempu l’andanciu»

El xuráu del Premiu «Pepe Campo» de monólogu n’asturianu, na so edición XVIII, aconceyó esti llunes 23 de mayu en Morea pa determinador el resultáu de la convocatoria del 2022.

El xuráu d’esti concursu convocáu pola Sociedá Humanitarios de Samartín tuvo conformáu esti añu por Pablo Xuan Manzano, Ánxel Álvarez Llano, Octavio Trapiella, y la ganadora de la edición cabera, Aymara González Montoto, y decidió da-y el premiu al testu «Nel tiempu l’andanciu», que resultó ser d’Inaciu Galán.

Read Full Post »

Iniciativa pol Asturianu llamenta la muerte del P. Pepín Álvarez Lobo

Güei 12 de xunetu morrió na Casa Sacerdotal d’Uviéu’l relixosu dominicu Pepín Álvarez Lobo, popularmente conocíu como’l Padre Lobo o “Pepín el de Manuela la d’Antón”. Ñació nel añu 1937 nel pueblu de Nembra (Ayer). Ingresó mui mozu na Orden de Predicadores na que recibió la ordenación presbiteral. Foi misioneru en Nicaragua, xunto a Gaspar García Laviana, y tuvo destináu en delles parroquies del conceyu de Tinéu. Siempres caltuvo un compromisu llingüísticu col asturianu que lu llevó a tornar una montonera d’obres relixoses al asturianu, como “El tchibru de Xob”, “El tchibru de Nehemíes”, “Isaíes”, amás del “El Sentu Roseriu” o les homilíes. Asoleyó tamién un estudiu de toponimia y vocabulariu de Nembra nel qu’amosaba’l so fondu conocimientu de la variedá del asturianu de la so zona.

Iniciativa pol Asturianu llamenta la muerte de P. Pepín Álvarez Lobo O.P. y tresllada a la so familia y comunidá’l pésame de tola organización.

(d’Iniciativa pol Asturianu, 12-07-2021)

Read Full Post »

Humanitarios convoca’l Concursu de Monólogos «Pepe Campo» coincidiendo col centenariu del autor

Tres queda en suspensu pola crisis sanitaria del covid en 2020, torna convocase’l Concursu de Monólogos «Pepe Campo», qu’esti añu coincide col centenariu del autor. Si yes una persona a la que-y presten los llargos parllamentos y nun puedes dexar de dialogar contigo mesmu o de montate los tos propios monólogos, esta ye la to oportunidá. La Sociedá Humanitarios de Samartín de Morea (Ayer) convoca’l XVII Concursu de Monólogos, que tará abiertu hasta’l 17 d’abril.

La obra podrá tar escrita tanto en versu como en prosa, con una estensión máxima de cinco fueyes o ente 150 y 250 versos, y deberá ser inédita y tratar sobre un tema d’actualidá tanto social como políticu y cultural.

Read Full Post »

Plazu abiertu pal XVII Concursu de Monólogos “Pepe Campo” de los Humanitarios de Samartín

Si yes una persona a la que-y presten los llargos parllamentos y nun puedes dexar de dialogar contigo mesmu o de montate los tos propios monólogos, esta ye la to oportunidá. La Sociedá Humanitarios de Samartín de Morea (Ayer) convoca’l XVII Concursu de Monólogos, que tará abiertu hasta’l 17 d’abril.

La obra podrá tar escrita tanto en versu como en prosa, con una estensión máxima de cinco fueyes o ente 150 y 250 versos, y deberá ser inédita y tratar sobre un tema d’actualidá tanto social como políticu y cultural.

Read Full Post »

Iniciativa quier animar al conceyu ayerán a visibilizar la llingua

Iniciativa pol Asturianu vieno acabante d’espublizar esti día una nota de prensa na qu’anima al conceyu d’Ayer a facer un esfuerciu pa la presencia y normalización del asturianu nesti añu 2020 porque “la presencia del asturianu na páxina web institucional del Conceyu ye inexistente”. La organización anima a facer presente l’idioma n’otros espacios como ye’l casu del Centru d’Interpretación de la Vía Carisa onde nun se cumple la toponimia oficial.

Felicitas Fernández, secretaria d’Iniciativa pol Asturianu, fizo unes declaraciones esti día pa reclamar al Conceyu d’Ayer una mayor presencia de la llingua asturiana. La representante de la organización comentó que “invitamos al Gobiernu d’Ayer a facer un esfuerciu pa consiguir una presencia que faiga normal l’usu del asturianu nel conceyu. Dende Iniciativa pol Asturianu creemos que puede ser un bon oxetivu en materia llingüística pa esti añu 2020 pal gobiernu municipal”.

Read Full Post »

El 89,91 por cientu de los escolinos de la pública na cuenca’l Nalón va a Llingua Asturiana

PABLO R. GUARDADO

La matriculación na materia en Llingua Asturiana y Lliteratura na cuenca’l Nalón algama’l 89,91 por cientu nos centros públicos de Primaria, cuando la media nel país ye del 50,05. Nel Caudal destaca la cifra d’Ayer, con un 94,95 por cientu nos sos siete centros.

Los conceyos de les dos cuenques son los que más porcentaxe d’escolines y escolinos rexistra, anque tamién hai una demanda grande de la materia en sitios como Bimenes (87,04 por cientu), Candamu (92,86), Les Regueres (90,63), Muros (88,24), Onís (94,59), Sariegu (94,44) y, nel casu del gallego-asturiano, Santalla d’Ozcos (94,29). Nel Nalón atopamos a Casu, col 100 por cien, mentes que Samartín del Rei Aurelio llega al 92,68 por cientu, Llaviana al 89,85 por cientu y Llangréu al 77,10 por cientu.

Pa la del Caudal, Ayer cuenta col 94,95 por cientu de los alumnos de Primaria dando clase d’asturianu, cantidá que ye del 88,20 por cientu en Mieres, del 87,72 por cientu en Ḷḷena y del 83,72 por cientu en Riosa. Namái en Morcín y La Ribera hai un porcentaxe baxu, del 46,08 y del 33,33 por cientu, de manera respeutiva.

(d’Asturies.com, 20-06-2019)

Read Full Post »

Abierta la convocatoria del XVI Premiu Pepe Campo de monólogos n’asturianu

La Sociedá Humanitarios de Samartín de Morea (Ayer) convoca’l XVI Concursu de Monólogos Pepe Campo. Nesti concursu pueden participar toles persones interesaes, col númberu de trabayos que-yos pete. Premiaráse con 300 € aquel monólogu, ensin asoleyar qu’a xuiciu del xuráu presente más valir lliterariu.

El monólogu tendrá que tratar d’un tema d’actualidá social, política o cultural y podrá ser en versu o prosa, siempres n’asturianu. Va valorase la corrección llingüística y gramatical, asina como’l so calter normalizador del idioma. El llargor de los trabayos tendrá de ser d’un máximu de cinco folios, en prosa, o d’ente 150 y 250 versos.

Read Full Post »

Educación niega l’Asturianu al alumnáu d’Educación Infantil

Entamó’l cursu y 38 alumnos del total de los tres grupos d’Educación Infantil (EI) del Colexu Públicu de Morea (Ayer) nun recibirán enseñances de Llingua Asturiana. Suponen el 88, 8 per cientu del alumnáu d’esta Etapa y los sos padres escoyeron voluntariamente (derechu recoyíu nel artículu 4 del Estatutu d’Autonomía d’Asturies y l’artículu 10 de la Llei d’Usu) recibir clases con esi conteníu

La Conseyería d’Educación solo dotó a esta escuela con una maestra d’Asturianu a media xornada, magar que la dirección del centru y los pas y mas yá lleven reclamando dende últimos del cursu pasáu, la necesidá d’una profesora a tiempu completu p’atender les necesidaes del aria na escuela.

Read Full Post »

La canción asturiana alza la voz

LYDIA IS

El presidente de la Asociación de Folclore Amigos de la Tradición (Afatra) y director del Concurso de Canción Asturiana Concejo de Siero, Valentín Fuente, anunció ayer que el certamen -organizado de forma conjunta con la Fundación Municipal de Cultura- incorporará el próximo año la canción allerana como nueva modalidad.

No fue el único adelanto que dejó la gala de entrega de premios de la octava edición, en la que Fuente defendió su apuesta por lograr una categoría juvenil y aprovechando la presencia del director general de Planificación Lingüística, Fernando Padilla, y del presidente de la Academia de la Llingua, Xosé Antón González Riaño, lanzó el guante de un proyecto elaborado por el colectivo para organizar un concurso regional de canción asturiana.

Read Full Post »