Mori abandona la vicepresidencia de l’ALLA

La docente va dir na llista municipal d’IX en Xixón qu’encabeza Javier Suárez Llana.

Marta Mori abandona’l cargu de vicepresidenta de l’Academia de la Llingua Asturiana (ALLA). Comunicó esta decisión el pasáu día 3 de marzu al considerar necesario nesti momentu dar prioridá al so compromisu políticu y social.

La institución amuesa’l so respetu pola decisión de la tamién direutora de la revista ‘Lliteratura’, que diz entender, y confirma que va siguir cuntando “coles sos valibles aportaciones como académica de númberu”. Mori llevaba nel cargu dende’l 2017, cuando Xosé Antón González Riaño resultó escoyíu como presidente de la entidá tres la decisión d’Ana María Cano de nun presentase a la reeleición.

Read Full Post »

El conocimientu d’asturianu avanza nos núcleos urbanos gracies a la escolarización

Un 66,6% los habitantes mayores de 16 años d’Uviéu, Xixón y Avilés declárase falantes d’asturianu, de los que cuasi la metá muestra capacidá llectora (16,4%) o d’escritura (13,2%). Énte ellos, un 29% diz entendelo, pero nun lo fala, y otru 4,4% nin lo fala nin lo entiende.

Tanto los niveles de conocimientu, como d’alfabetización y normalización, avancen en función de la escolarización, que ye lo qu’espresa facer cuasi ún de cada cinco (18,2%) de la población metropolitana mayor de 16 años.

Asina se recueye nuna encuesta sociollingüística con 500 entrevistes realizaes pola Academia de la Llingua Asturiana (ALLA) y con un avance de resultaos que presentó esti martes el catedráticu de Socioloxía y autor del informe, Francisco Llera Ramo, y el presidente de l’ALLA, Xosé Antón González Riaño.

Read Full Post »

Educación abre’l plazu pa inscribise na X Sestaferia Educativa: «Allugándonos nel trabayu interdisciplinar»

El Teatru Nuevu de La Felguera va acoyer el día 1 de marzu la X Sestaferia Educativa, onde van ser ponentes Xesús A. Vicente Torga, Ástor Llaneza Prieto, Carlos Álvarez Viña, Nuria García Álvarez, Laura Prieto Rodríguez, Pablo Quiroga Prendes y Xosé Antón González Riaño.

Hasta’l día 26 de febreru ta abiertu’l plazu d’inscripción d’esta actividá, empobinada preferentemente pa profesoráu de Llingua Asturiana y Lliteratura y de Gallego-Asturianu o Eonaviegu nes estayes d’Educación Primaria, Secundaria y Bachilleratu.

Read Full Post »

La poeta Lourdes Álvarez, premiu Nacional de Lliteratura Asturiana

L’Academia de la Llingua Asturiana (ALLA), con un xuráu formáu tamién por representantes de la Universidá d’Uviéu y del Principáu, decidió concedéi a la poeta Lourdes Álvares el III Premiu Nacional de Lliteratura Asturiana.

El xuráu, presidíu pol presidente de l’ALLA, Xosé Antón González Riaño, tuvo formáu polos académicos Ana Cano, Xosé Ramón Iglesias y Carmen Muñiz; los profesores de la Universidá d’Uviéu Carmen Alfonso y Leopoldo Sánchez; el Premiu Nacional 2020 Xuan Xosé Sánchez Vicente; y, faciendo de secretariu’l director xeneral de Política Llingüística del Principáu, Antón García.

Read Full Post »

Publícase n’asturianu la obra de ‘Frato’

Con motivu del 50 aniversariu de la obra del psicopedadogu y dibuxante, Francesco Tonucci ‘Frato’, l’Academia de la Llingua Asturiana publica una traducción al asturianu de ’50 años cola güeyada del neñu’.

La traducción ye obra del presidente de l’ALLA, Xosé Antón González Riaño, y d’Alejandro Rodríguez Martín, director del Departamentu de Ciencies de la Educación de la Universidá d’Uviéu, y va presentase’l 31 de mayu na Biblioteca d’Asturies, n’Uviéu.

Los tres pedagogos van tar presentes y van falar, ente otres coses, de la contribución educativa universal de Frato, de la trescendencia d’esta obra traducida yá a munches llingües y del trabayu d’ellaboración de la so versión asturiana.

(d’Europa Press, 23-05-2022)

Read Full Post »

“Nun puede ser que lo que val pal PP en Galicia nun tenga aplicación n’Asturies”

Xosé Antón González Riaño (Siero 1956) ye pedagogu y catedráticu de la Universidá d’Uviéu, onde se doctoró en 1993 con una tesis doctoral sobre les interferencies llingüístiques ente l’asturianu y el castellanu, cola qu’algamó’l Premiu Estraordinariu de Doctoráu. Ye, amás, presidente de l’Academia de la Llingua Asturiana dende 2017 y miembru de la institución dende 1987. Nesta entrevista facemos balance nel día de les Lletres, del procesu fracasáu de negociación de la oficialidá y de les perspeutives qu’hai pa la próxima llexislatura.

El procesu de reforma del estatutu pa incluyir la oficialidá nun pudo ser nesta llexislatura, ¿qué valoración fai?

El procesu de reforma del estatutu que diba llevar a la oficialidá del estatutu foi un procesu que representó una deceición mui fonda pa les persones que llevábemos décades pidiendo que se cumpla n’Asturies l’Artículu 3 de la Constitución. Foi una oportunidá histórica perdida pola falta d’esperiencia. Pero la reivindicación va siguir hasta que se llogre y la deceición nun mos puede llevar a una frustración q xenere falta de puxu. Toi seguru que va haber más ocasiones y que la próxima puede ser inmediatamente nesta próxima llexislatura. 

Read Full Post »

Riaño (ALLA) llama a mantener la “unidá” a favor de la oficialidá y reclama afondar nel diálogu col centro-derecha

El presidente de l’Academia de la Llingua Asturiana (ALLA), Xosé Antón González Riaño, reclamó esti vienres mantener la “unidá” a favor de la oficialidá del asturiano y del gallego-asturianu. Amás, insistió na necesidá de buscar la “tresversalidá” y consideró “estratéxicu” el diálogu col centro-derecha.

Así lo indicó Riaño na Xunta Estraordinaria de la institución pol Día de les Lletres Asturianes nel Teatru Filarmónica, onde dixo qu’Asturies precisa d’un “activismu intelixente” a favor de la oficialidá, como’l qu’al so xuiciu representa l’académicu nuevu Inaciu Galán, porque “n’Asturies nun existe lo que tienen otres comunidaes”, en referencia a esti marcu llegal pa les llingües propies.

Read Full Post »

Xosé Antón González Riaño: «Que no se logre la oficialidad sería como si venciera el discurso de la intolerancia»

Xosé Antón González Riaño preside la Academia de la Llingua Asturiana (ALLA) en un momento en el que la oficialidad se perfila como un horizonte posible a corto plazo, de talante conciliador aboga porque los partidos que suman la mayoría reforzada encuentren un consenso viable en esta legislatura tras la primera toma de contacto de los grupos. Tras haber lamentado la «injerencia» de la Academia Galega esta semana en el debate del Principado ha advertido también sobre la importancia de rechazar discursos de crispación social.

Después de un periodo en navidad de demoras acumuladas en las conversaciones entre los partidos abiertos a la reforma, ha habido una primera toma de contacto ¿cómo la han percibido en la Academia? 

Ahora lo veo con un poco más de optimismo porque se retomaron las conversaciones, el clima entre las cuatro fuerzas políticas creo que es de búsqueda de una síntesis que permita lograr un acuerdo y que se haga lo más rápido posible para iniciar la tramitación en la Junta General y que dé tiempo a que la reforma del Estatuto se complete con la aprobación en el Congreso de los Diputados de España. Creo que las fuerzas políticas son conscientes de la responsabilidad histórica que tienen y, desde luego, la Academia habla con todas y siempre se nos transmite la convicción de lograr una reforma del Estatuto que incluya la oficialidad del asturiano. Desde ese punto de vista son optimista.

Read Full Post »

Xosé Antón González Riaño recibió l’Urogallo de Bronce na estaya de Llingua Asturiana

El presidente de l’Academia de la Llingua Asturiana, Xosé Antón González Riaño, recibió esti martes 10 d’agostu na Feria Muestres d’Asturies, en Xixón, el premiu Urogallo de Bronce na estaya de Llingua Asturiana, de 2019, que quedara ensin entregar nel 2020 pol andanciu de COVID-19.

Ñacíu en Viella (Siero), en 1956, Riaño ye maestru, pedagogu y Profesor Titular de la Universidá d’Uviéu, institución na que se doctoró en 1993 con una tesis sobre la interferencia llingüística escolar ente l’asturianu y el castellanu -investigación qu’algamó’l Premiu Estraordinariu de Doctoráu-, anguaño imparte docencia nel Departamentu de Ciencies de la Educación y ye Presidente de l’ALLA dende xunu de 2017. A lo llargo de les caberes cuatro décades vien implicándose de forma fonda nel llabor pol asturianu, n’especial nel ámbitu educativu, nel que les sos espublizaciones sobre didáctica y pedagoxía son refencia.

Read Full Post »

Homenaxe del mundu lliterariu asturianu a Xosé Bolado

Esti sábadu, 3 de xunetu, l’Academia de la Llingua Asturiana fixo homenaxe a Xosé Bolado García, académicu de Númberu fináu’l 20 de mayu pasáu. Nel actu, que tuvo llugar na Biblioteca d’Asturies «Ramón Pérez de Ayala», presentóse’l llibru homenaxe al autor, N’harmonía, Agora que sigues con nós…, nel que se recueyen les sos composiciones poétiques asoleyaes nes revistes de la Institución (Lletres Asturianes, Lletres Lliterariu y Lliteratura).

Na presentación d’esti llibru contóse coles pallabres iniciales del presidente de la
Institución, Xosé Antón González Riaño, que faló a los asistentes de la figura de Xosé Bolado y la so importancia ya implicación cola ALLA y la lliteratura asturiana. Darréu d’ello, Aurelio González Ovies, profesor de la Universidá d’Uviéu fixo un repás curtiu de la poética del autor homenaxáu, afondando nel so llinguaxe poéticu y les sos característiques más señalaes.

Read Full Post »