El Principáu recuperó cerca de 25.000 topónimos tradicionales

El Boletín Oficial del Principáu d’Asturies publicó esti 14 de xunu’l decretu pol que se determinen los topónimos oficiales de Somiedu, que ye’l númberu 74 de la llista de conceyos cola so toponimia oficializada. En total, aprobáronse 24.225 topónimos tradicionales nesti procesu.

A lo llargo d’esti mandatu, l’Executivu autonómicu dio lluz verde a la toponimia de 8 de los 12 conceyos pendientes d’oficializar, concretamente la de Cabrales, Castropol, El Valle Baju Peñamellera, Llanera, Pravia, Salas, Caravia y Somiedu.

Read Full Post »

La capital de Caravia va tener oficialmente’l nome de Caravia l’Alta en forma billingüe con ‘Prado’

Magar que la primer información del Gobiernu yera que ‘Prado’ diba ser el nome de la capital de Caravia cola aprobación de la recuperación de los nomes de llugar tradicionales, el decretu toponímicu rexistra la forma billingüe ‘Caravia l’Alta/Prado’. Cambia tamién el toponimu de la parroquia de Caravia la Baxa, mentes que se caltienen el de tolos núcleos de población como Bandalisque o Los Duesos.

“El Conseyu de Gobiernu aprobó la toponimia oficial del conceyu de Caravia, depués de que’l Conceyu validase’l dictame emitíu pola Xunta Asesora de Toponimia, qu’afita les denominaciones de la so capital como Prado y de les sos dos parroquies como Caravia l’Alta y Caravia la Baxa”, comunicaba’l pasaú día 1 l’Executivu. Una información que sorprendía pola escoyeta de ‘Prado’ como forma única.

Read Full Post »

Un total de 12 conceyos esperen pola so toponimia

Tres l’aprobación de la toponimia d’Eilao, 66 de los 78 conceyos asturianos yá tienen la so toponimía tradicional aprobada. Solo falten 12 conceyos por aprobar la recuperación llingüística tradicional. En toos ellos, el procesu yá entamó pero ta en distintes fases. Nel final de la llista tán Pravia y Navia, qu’acaben d’entamar el so espediente.

D’otra manera, Salas y Castropol tiénenla mui avanzada namás pendiente de llegar a un alcuerdu p’afitar dos topónimos. Sicasí, en cinco conceyos l’espediente ta paralizáu por distintes causes. Esta situación socede en Cuideiru, Caravia, Llanera, Somiedu y Allande.

Read Full Post »

El Gobiernu asturianu afirma que la llei diz que los topónimos “tienen que tar na so forma tradicional”

El director xeneral de Planificación Llingüística y Normalización del Principáu, Fernando Padilla, afirmó que’l programa de gobiernu del Executivu al que pertenez fala de dar un impulsu a la normalización y que, nesi sentíu, “la toponimia ye una parte fundamental”. “Esto nun ye namás qu’aplicar lo que diz la Llei d’Usu, qu’establez que los topónimos d’Asturies tienen que tener la so denominación oficial d’alcuerdu cola so forma tradicional”, indicó.

En declaraciones a Europa Press, el director xeneral afirmó qu’asina se recueye na llexislación vixente y nel programa de política llingüística que presentó’l conseyeru d’Educación y Cultura, Genaro Alonso, “y dende que principiamos esta llexislatura yá hubo 13 sesiones de la Xunta Asesora de Toponimia énte les siete qu’hubo nes dos anteriores”.

Read Full Post »

Braulio Vigón (Mieres, 1849 – Colunga, 1914)

El próximo martes, 29 de julio, se conmemora el centenario de la muerte de Braulio Vigón (Mieres, 1849 – Colunga, 1914), que fue el primer folclorista asturiano. Seguidor del método introducido en España por Antonio Machado Álvarez para el estudio del “saber popular”, mantuvo relaciones con destacados folcloristas europeos, como el francés Sébillot, el siciliano Pitré y el portugués Leite de Vasconcellos. Publicó tres estudios imprescindibles por su rigor: “Folk-Lore del mar en Asturias” (1889), “Juegos y rimas infantiles recogidos en los concejos de Villaviciosa, Colunga y Caravia” (1895) y “Romances y cantares populares asturianos” (1886).

El Muséu del Pueblu d’Asturies va a recordarlo con una pequeña exposición de sus publicaciones, que podrá verse a partir de hoy, y con una visita a su tumba en el cementerio de Colunga el 29 de julio.

(del Facebook del Muséu del Pueblu d’Asturies, 25-07-2014)

Read Full Post »

Uncal, un poeta escaecíu

LLUIS PORTAL

José María Uncal nació na parte baxa del conceyu de Caravia en 1902, y muerre en 1970, nel so pueblu fizo estudios elementales. En 1915 emigra a L’Habana incorporándose al mundu del comerciu, per aquella dómina ingresa nes aules del Centru Asturianu naquella capital. Estudió l’oficiu de tipógrafu, trabayando nos periódicos que se publicaben nesa época, yera un gran llector y fue maureciendo nél la vocación d’escritor. D’esa dómina son los sos primeros versos escritos en bable, que nunca vieron la lluz.

La vida yera dura en Cuba, y cuando llevaba malpenes seis años na emigración, decide volver a España colo que tenía aforrao. Viaxó per tola península faciendo versos, pero llegó’l nuevu desengañu, y decide volver a la capital caribeña onde aquel añu pública´l so primer llibru, una de les principales composiciones del autor, “Frondas silentes”, nuna dómina en que yera abegoso atopar papel na isla.

Read Full Post »

Iniciativa pol Asturianu esixe a les Mancomunidaes un Plan Llingüísticu conxuntu

Dende Iniciativa pol Asturianu quieren amosar el so fondu maltar pola situación política na que s’alcuentren les mancomunidaes del país, como la Mancomunidá d’Avilés y, principalmente, la Mancomunidá del Cabu Peñes, onde la engarradiella ente’l PP y el PSOE pue afeutar a la continuidá del so Serviciu de Normalización Llingüística (SNL). De fechu, el francimientu de dicha mancomunidá supondría que, polo menos, los gozoniegos quedaren privaos d’un serviciu que lleva furrulando dende 2004.

Read Full Post »

“Tendríemos que tener un conveniu como los bibliotecarios”

D. BARREIRO

Güei pieslla’l Serviciu de Normalización de Piloña. Paula Cristóbal, la so responsable, señala que tendríen que firmase convenios pa dar estabilidá a los Servicios y los trabayadores.

El mes d’avientu pasáu echó a andar el Serviciu de Normalización Llingüística de la Mancomunidá del Sueve, el primeru na zona oriental y qu’atiende a los conceyos de Piloña, Parres y Caravia. La oficina asítiase na Casa la Cultura de L’Infiestu y al frente d’ella taba la esperta en Llingua Asturiana Paula Cristóbal Caso, qu’acedió a la plaza depués d’una convocatoria por concursu-oposición. El SNL abrió con una inversión inicial de 12.000 euros.

Read Full Post »

El primer Serviciu de Normalización Llingüística del Oriente echa a andar n’avientu

Nel mes d’avientu echa a andar el Serviciu de Normalización Llingüística (SNL) de la Mancomunidá del Sueve, el primeru na zona oriental, que va atender a los conceyos de Piloña, Parres y Caravia. La oficina va tar na Casa la Cultura de L’Infiestu y al frente d’ella va tar la esperta en Llingua Asturiana Paula Cristóbal Caso, tal como s’informó dende’l Conceyu de Piloña.

Read Full Post »

La toponimia se hace oficial, en teoría

BÁRBARA MORÁN

Arriondas ya es oficialmente Les Arriondes -eso sí, en teoría- porque Parres ya tiene aprobada oficialmente su toponimia. El Consejo de Gobierno del Principado ha dado el sí definitivo a la relación de topónimos del concejo parragués hace unas semanas y con este trámite definitivamente la capital del concejo pasará de llamarse Arriondas a Les Arriondes. Con este mismo nombre también se llamará a la parroquia de Cuadroveña en la que está situada Arriondas. Es decir, Cuadroveña ahora se llama también Les Arriondes.

Read Full Post »