Asoleyáu’l númberu 130 de Lletres Asturianes

SUSANA SELA

El númberu 130 de Lletres Asturianes (LLAA), correspondiente al mes de marzu del añu 2024, agospia artículos qu’estudien aspeutos llingüísticos, llexicográficos, toponímicos, históricos y lliterarios. Estes contribuciones, de gran valir, faen por enanchar el corpus de la publicación y de los estudios sobre la llingua y la lliteratura asturianes.

Nesta ocasión los trabayos d’investigación son seyes y abarquen estremaos ámbetos, dende la hidronimia y la toponimia fasta un certeru analís del verbu sentir o un estudiu hestóricu de los anicios del proyeutu d’una Academia de la Llingua Asturiana, pente otros.

Read Full Post »

«Xentrificación»: neoloxismu asturianu del añu 2023

Nos últimos díes d’avientu, l’Academia de la Llingua Asturiana (ALLA)  convocara una votación pa escoyer el neoloxismu del añu 2023, col compromisu d’incorporalu al Diccionariu de l’Academia de la Llingua Asturiana (DALLA). Les propuestes, toes cinco, formaben parte del material de trabayu que la comisión lexicográfica de l’ALLA tresna, estudia y valida periódicamente pa l’actualización del DALLA, principal fonte normativa de tipu léxicu de la llingua asturiana: diccionariu.alladixital.org.

La menos votada de les propuestes foi «llimpieza étnica», qu’algamó’l 5% de los votos. Tampoco nun recibió munchu sofitu «xeollocalización», col 12%. Más igualada tuvo la eleición ente «intelixencia artificial» (24%), «cambéu climáticu» (26%) y la favorita, «xentrificación», que sacó ún de cada tres votos (33%).

Read Full Post »

Nuevu llibru: «Llingua, cultura y sociedá nel noroccidente ibéricu»

RAMÓN DE ANDRÉS DÍAZ

Esti llibru recueye les conferencies y comunicaciones presentaes al II Simposiu Internacional «Aspectos Llingüísticos del Noroeste Ibéricu» (SIALNI 2), celebráu na Facultá de Filosofía y Lletres de la Universidá d’Uviéu en noviembre del 2022. Coordínenlu los investigadores de la Universidá d’Uviéu, Miguel Rodríguez Monteavaro y Fernando Álvarez-Balbuena García, xunto con Enrico Torre, de la Univerità degli Studi di Genova (Italia). Los trabayos traten d’aspectos llingüísticos y sociollingüísticos referíos al asturlleonés, al gallegoportugués y a les variedaes noroccidentales del castellanu.

Read Full Post »

«Palabres d’Asturies, testigos d’historia y cultura»

Esti llibru recueye cuatro conferencies correspondientes a dos ciclos celebraos en temporaes distintes y coordinaos pol profesor Ramón d’Andrés.

N’abril del 2018 celebróse nel Real Instituto de Estudios Asturianos (RIDEA) un ciclu de conferencies dedicaes al tema «Palabres d’Asturies, testigos d’historia». L’oxetivu yera l’estudiu del léxicu d’Asturies, entendiendo como talu’l propiu del asturianu xunto col que forma parte del castellanu faláu nel Principáu. Trátase d’un campu d’estudiu trabayáu enforma nel ámbitu académicu, qu’ofrez temes suxerentes d’esposición y debate. Nesti casu, el focu d’interés púnxose nel devenir históricu del léxicu d’Asturies y el so estudiu.

Read Full Post »

L’ALLA entruga pol neoloxismu del añu

Una votación na rede pa escoyer el neoloxismu del añu 2023 ente cinco términos d’actualidá social. Ye la iniciativa novedosa de l’Academia de la Llingua Asturiana (ALLA) pa involucrar a la ciudadanía asturiana na escoyeta de pallabres qu’incorporar al Diccionariu.

Y ye que, según anuncia la institución, la que más votos reciba va entrar nesta gran obra, anque seguramente les cinco, pol so usu, van pasar a formar parte del léxicu de la llingua asturiana. Son cambéu climáticu, intelixencia artificial, xentrificación, llimpieza étnica y xeollocalización.

Read Full Post »

«El Padre Galo, poeta y filólogo»

RAMÓN DE ANDRÉS DÍAZ

Los díes 1, 8, 15 y 22 de marzu del 2022 celebróse nel Real Instituto de Estudios Asturianos (RIDEA) un ciclu conmemorativu de conferencies sobre la figura y la obra de Fernán-Coronas, el padre Galo. Esti ciclu, coordináu pola profesora Marta Pérez Toral, cuntó cola participación de cuatro filólogos espertos y estudiosos na obra del escritor de Cadavéu, qu’impartieron cuatro conferencies centraes en cuestiones de léxicu, ortografía o na propia poética de Fernán-Coronas.

Recupérase asina, y dase a valir, el so llabor filolóxicu ―enforma desconocíu hasta entós― y tamién poéticu. Por eso, los cuatro trabayos que se recueyen nesti llibru traten sobre diferentes aspectos de la obra llingüística y lliteraria de Fernán-Coronas.

Read Full Post »

Celebróse en Salamanca’l Simposiu SIALNI, con abondosa presencia del asturianu y asturlleonés

RAMÓN DE ANDRÉS DÍAZ

Los díes 5 y 6 d’ochobre del 2023 celebróse na Universidá de Salamanca’l III Simposiu Internacional d’Aspectos Llingüísticos del Noroeste Ibéricu (SIALNI). Los anteriores fixéranse en Xénova (Italia) y Uviéu, esti nel añu 2022.

Nel simposiu hebo 21 intervenciones (2 conferencies plenaries y 19 comunicaciones). D’elles, 9 teníen como oxetu d’estudiu l’asturianu y l’asturlleonés, incluyida una de les dos conferencies plenaries. Amás, una comunicación foi sobre’l gallegu d’Asturies.

Read Full Post »

Aymara González, traductora: «Cada vegada traducimos más, pero fai falta meyorar la formación dientro de les nueses fronteres»

E. G. BANDERA

Aymara González Montoto (Llanes, 1984) ye vicepresidenta de Verbéu, l’asociación de traductores profesionales n’asturianu, un oficiu «esencial» para dar continuidá a la llingua y afitar el modelu normativu. Traductora, intérprete y filóloga, considera que les nueves tecnoloxíes abren más oportunidaes para’l sector del llibru n’asturianu.

¿Cómo y por qué surde Verbéu?

La idea de Verbéu xurde na primer xunta de traductores en La Casina de la Traducción, en Cadavéu, n’avientu de 2021. Tuvimos la oportunidá de xuntanos munches persones del ámbitu, que nos conocíemos d’oyíes, pero que nunca aconceyáramos. Dempués de 3 díes de muncho falar y reflexonar sobre l’estáu de la nuesa profesión n’asturianu, los traductores llegamos a la conclusión de qu’había que facer daqué. ¿Cómo? Pues siguiendo los pasos d’otros compañeros del sector nel estáu: creando una asociación cola que podríemos dar puxu a les nueses reivindicaciones.

Read Full Post »

La pruma braba

ANTÓNIO BÁRBOLO ALVES

“El que quisiere apurarse
véngase muy sin temor
a la Fragua del Amor.”
Gil Vicente, Frágua de Amor

La Peinha de l Puio ye un de ls lhugares mais besitados de la Tierra de Miranda. De ls muitos que por alhá pássan poucos seran ls que se quédan sien un ah! de spanto delantre d’aqueilha bista de las arribas que l riu ajudou a scarbar cun la pacéncia de ls seclos.

Read Full Post »

Quiroga: “Ye necesario más cine n’asturianu, en cualesquiera de los xéneros y formatos”

PABLO R. GUARDADO

La ‘Terminoloxía de Cine’ ye la ventena primera propuesta del proyeutu TermAst de l’Academia de la Llingua Asturiana. Encargóse de la mesma Pablo A. Quiroga Prendes (Uviéu, 1978), cineasta y miembru de l’Academia del Cine Asturiano, énte la necesidá de “poner llendes al usu d’anglicismos y dar una propuesta de solución a los problemas terminolóxicos del asturianu nos estremaos contestos comunicativos”, con cerca de 400 entraes cola so correspondiente definición.

¿Por qué una propuesta terminolóxica sobre’l cine?

La idea cimera de TermAst ye la ellaboración de propuestes terminolóxiques d’aplicación a los nuevos usos de la llingua asturiana y la disponibilidá de consulta al traviés d’una estaya concreta dientro de la páxina web de l’Academia de la Llingua Asturiana. Tamos nuna dómina onde les emisiones y percepciones audiovisuales son la mayor fonte de comunicación social. Poro, el cine ta anguaño presente nel día a día de toles persones. Vimos la necesidá de trabayar nun pallabreru normativizáu cola fin de, na medida de lo posible, poner llendes al usu d’anglicismos y dar una propuesta de solución a los problemas terminolóxicos del asturianu nos estremaos contestos comunicativos. Agora hai que da-y visibilidá y entamar a remanalu correutamente.

Read Full Post »