Feeds:
Antradas
Comentairos

Archive for the ‘Uvieo’ Category

L’equipu de fútbol Rosal FC emitió esti llunes una nota de prensa na qu’alvierte de que va recurrir a la vía llegal si ye necesario énte cualquier resolución municipal que-yos niegue ayudes por usar el topónimu ‘Uviéu’.

Según la directiva del Rosal FC, los responsables políticos uvieinos “presionaron” pa qu’usen nel so logotipu ‘Oviedo’ y non ‘Uviéu’. Recuerden que’l topónimu tradicional ye oficial.

“Estes presiones, que ponen en riesgu la dotación económica que tolos clubes reciben pola so actividá deportiva n’Uviéu, suponen una vulneración de derechos y una discriminación llingüística mui grave”, llamenten.

Acusen amás al gobiernu local (PP y Ciudadanos) de nun respetar la toponimia aprobada nes sos propies comunicaciones. Dende’l Rosal FC tamién faen un llamamientu públicu a la movilización énte esti “ataque”.

(d’Europa Press, 22-03-2021)

Read Full Post »

L’asociación Iniciativa pol Asturianu reclamó al Conceyu d’Uviéu la presencia de la llingua na nueva señalética qu’esta Alministración va instalar. El Consistoriu capitalín anunció esta selmana’l cambiu, al traviés d’un contratu públicu, de cartelería y de rótulos na capital.

La organización quier, con esta propuesta, que la llingua asturiana vaya ganando presencia na capital asturiana. Dende la organización aclararon que “la presencia del asturianu nesta cartelería nun va xenerar nengún costu adicional al contratu. La capital d’Asturies nun puede quedar nun cercu nel que nun se faiga un usu normal del idioma y de la toponimia oficial dende la municipalidá”.

(more…)

Read Full Post »

La Xunta pola Defensa de la Llingua Asturiana (XDLA) denunció esti miércoles que les bases pa subvenciones de la Conceyalía de Deportes d’Uviéu excluyen a los equipos que lleven na camiseta’l topónimu ‘Uviéu’, dalgo que podía facese hasta agora. Asina, indiquen, namás permite la forma ‘Oviedo’.

Al traviés de nota de prensa, la organización recuerda que la toponimia tradicional de la capital asturiana ye oficial, y polo tanto d’usu llegal, dende 2019. Sicasí, l’equipu d’Alfredo Canteli “desprecia la llegalidá, ensin respetar la forma asturiana”.

(more…)

Read Full Post »

La organización desixe la presencia normal del idioma na nomenclatura de les estremaes especies arbories presentes nel parque d’Uviéu “L’usu de los nomes tradicionales de los árboles val pa que les nueves xeneraciones sigan usando pallabres como faya, carbayu o texu”

El Conceyu d’Uviéu anunció va unes selmanes delles reformes ya intervenciones pa meyorar el Campu San Francisco de la capital asturiana. Nesi sen, tamién va anovase la señalética y poro, Iniciativa pol Asturianu reclama la presencia del asturianu nos nuevos paneles informativos.

(more…)

Read Full Post »

Iniciativa pol Asturianu denuncia qu’estudiantes d’asturianu siguen ensin profesor a estes altures del cursu ya inclusu hai constancia d’un casu nel IES Aramo d’Uviéu nel que se modificó la matrícula ensin permisu del alumnu. Iniciativa pol Asturianu yá treslladó a la Conseyería ya la Dirección Xeneral de Política Llingüística esta situación.

Iniciativa pol Asturianu denuncia qu’estudiantes d’asturianu siguen ensin profesor a estes altures del cursu. La organización recibió varies quexes de diferentes centros d’Asturies con esta problemática qu’ocurre en centros tanto públicos como concertaos. Dende la entidá yá se treslladó a la Conseyería d’Educación y a la Dirección Xeneral de Política Llingüística una montenera de reclamaciones de calter educativu al traviés d’un informe nel que se señalaben situaciones graves dentro de l’asignatura de Llingua Asturiana.

(more…)

Read Full Post »

L’actu tuvo presidíu pol vicerrector d’Estensión Universitaria y Proyección Internacional, Francisco José Borge, y cuntó cola intervención del críticu lliterariu Ángel Alonso

El vicerrector d’Estensión Universitaria y Proyección Internacional, Francisco José Borge, presidió l’actu de presentación de les obres ganadores del Concursu Lliterariu de la Universidá d’Uviéu 2019, celebráu na Aula Rector Alas del Edificiu Hestóricu. El Vicerrector tuvo acompañáu de María Fernández Abril, ganadora na modalidá de prosa con «Una línea en la parde»; Lydia Castellanos, que s’impunxo na modalidá de poesía con «Luz»; y Ángel Alonso, críticu lliterariu y miembru del xuráu del concursu. Nel actu tamién tuvo presente la directora d’Área d’Estensión Universitaria, María Álvarez, amás de profesoráu del Departamentu de Filoloxía Española de la institución académica: Inmaculada Urzainqui, Javier García Rodríguez y Eduardo San José.

(more…)

Read Full Post »

La selmana pasada, nel marcu de la 41 Selmana de les Lletres Asturianes, la Dirección Xeneral de Planificación Llingüística y Normalización y l’Institutu Asturianu de la Mocedá entamaron la quita edición del «Entaína a escribir», concursu de microrrellatos improvisaos n’asturianu pa la xente mozo ente 14 y 35 años.

El concursu consistió na ellaboración d’un microrrellatu nun tiempu máximu de 20 minutos, a partir del tema que’l presentador del actu, l’escritor Dolfo Camilo Díaz propunxo, la fras de la película «El sestu sentíu»: «Dacuando veo muertos».

(more…)

Read Full Post »

“Yá tuvo bien d’aplazamientos y del ‘agora nun toca’” censuró la Xunta pola Defensa de la Llingua Asturiana (XDLA) na concentración pola oficialidá del asturianu y de gallego-asturiano celebrada nel XLI Día de les Lletres Asturianes. La organización entiende que “esta llexislatura nun pue convertise n’otra llexislatura fallida”.

La Federación Socialista Asturiana (FSA), al ser “l’únicu partíu con representación parllamentaria abondo pa entamar la reforma del Estatutu d’Autonía y porque amás ye’l partíu del Gobiernu”, foi’l principal destinatariu d’esta reclamación na intervención de María Xosé Martínez, presidenta de la XDLA, na cai Suárez de la Riva, ente la Xunta Xeneral y Presidencia. “Na llexislatura pasada pidimos-yos qu’asumiera’l mandáu del so últimu congresu y apoyara la propuesta de reforma del Estatutu que presentaren los grupos de Podemos y Izquierda Xunida. Diximos que nun yera entendible reconocer una falta de derechos y al tiempu nun poner los medios pa correxila. Llamentablemente nun tuviemos éxitu. Esta reivindicación volvió inmediatamente al caxón de les coses aplazables. Dixéronnos: será pa la otra llexislatura…”, recordó.

(more…)

Read Full Post »

El II Premiu Nacional de Lliteratura Asturiana, Xuan Xosé Sánchez Vicente, afirmó esti vienres que dientro del patrimoniu llingüísticu mundial “nun hai nengún idioma pequeñu” y que, polo tanto, “ye urxente protexer el patrimoniu llingüísticu, por mui pequeña que sía esta llingua”.

Asina lo indicó na Xunta Estraordinaria de l’Academia de la Llingua Asturiana pol Día de les Lletres Asturianes, onde-y entregaron el II Premiu Nacional de Lliteratura Asturiana.

(more…)

Read Full Post »

Durante la mañana de hoy ha tenido lugar en Asturias la primera convocatoria oficial de Llingua organizada por el Principado. Han sido un total de 400 personas las que se han presentado a esta prueba, que se compone de cuatro horas de examen divididas en dos bloques, uno escrito y otro oral.

Este examen, que ha generado un gran interés, con más de 800 aspirantes para 500 plazas, otorgará a quienes lo aprueben un certificado B2. Este nivel intermedio acreditará sus conocimientos de Llingua en el marco común europeo. Muchos de los que se han presentado lo han hecho para adquirir competencias de cara a una futura especialidad docente que les permita impartir clases de asturiano.

(more…)

Read Full Post »

Older Posts »