Preséntase’l programa de la Selmana de les Lletres dedicada a Conceyu Bable

El Gobiernu d’Asturies homenaxa a Conceyu Bable na 45 Selmana de les Lletres Asturianes, que se va desenvolver del 29 d’abril al 8 de mayu. Esti movimientu , que tuvo un papel bien importante na defensa de la llingua y la cultura d’Asturies na transición democrática, centra la programación d’esta cuadraxésima quinta edición.

Los actos, qu’incluyen esposiciones, conciertos, meses redones y presentaciones, amás de la entrega de premios de los certámenes escolares, van tar repartíos ente Uviéu, Xixón, A Veiga, y Corvera. 

Read Full Post »

“Los cuatro últimos díes en Villabona foron un torbolín de sentimientos”, recuerda l’insumisu Fernando González

PABLO R. GUARDADO

‘El pesu la llibertá (insumisa)’ ye’l tercer llibru de Fernando González Rodríguez, una novela que va presentar esti vienres na Casa Sindical de Xixón. “Ye un testimoniu real”, esplica l’autor, que pasó 432 díes presu nos 90 por negase a facer el serviciu militar obligatoriu.

El xixonés cuenta nesta obra autoeditada “los últimos cuatro díes que paso en Villabona por insumisu”. Un llibru nel que llector va topar “les vivencies d’un presu, nesti casu d’un presu políticu, dende la nueche qu’él piensa que ye la última en prisión, porque cree qu’al día siguiente va salir, pero nun saldrá hasta cuatro díes depués”, rellata.

Read Full Post »

Nacho Fonseca fai una escoyeta de ‘Canciones pa la Xentiquina’ pal títulu nuevu de La Fabriquina

PABLO R. GUARDADO

‘Canciones pa la Xentiquina. Una selección sentimental de Nacho Fonseca’ ye’l títulu nuevu de la coleición de música infantil n’asturianu de La Fabriquina qu’abrió ‘Kikirikikí’ d’Alicia Álvarez. Ye un llibru-CD con 10 temes que s’acompañen de les lletres y tienres ilustraciones de Bitxo.

Nacho Fonseca, creador de los famosos coros d’escolinos Seliquín y Xentiquina y autor de la banda sonora de la infancia de delles xeneraciones n’Asturies, escoyó esta decena de temes a partir de los sos recuerdos y emociones, “tantos como, de xuru, espertaron nes neñes y nos neños que crecieron imaxinando l’asientu tocín de la moto de Pachín, esi cañicón que raspiaba’l cielu o aquel vieyu sultán qu’iguaba los conflictos xugando al parchís”, apunten dende la editorial. “Canciones escrites y interpretaes n’asturianu, enllenes de lluz y humor, y grabaes a lo llargo de tres décades en siete esitosos discos, lo qu’ayudó de manera fundamental a normalizar l’usu del asturianu y a promover la so tresmisión”, rescamplen.

Read Full Post »

L’Anuariu de la Música fai repasu a 2023 con entrevistes a Rodrigo Cuevas, La Bonturné, Alienda y Mapi Quintana

L’Anuariu de la Música Asturiana publicó un númberu nuevu pa facer repasu a la producción del 2023, onde destaquen los trabayos de Rodrigo Cuevas, Alienda, Mapi Quintana y La Bonturné.

Como de costume les temátiques céntrense n’estilos como la música tradicional, el folk, el rock o la canción d’autor, con secciones qu’inclúin reportaxes, informes, entrevistes, crítiques, opinión, recoyida de material o anuncies.

Read Full Post »

Espublizáu’l IV Estudiu sociolingüísticu d’Asturies: “La urbanización del asturianu. Conocimientu del asturianu nos ámbetos urbanos d’Uviéu, Xixón y Avilés”

ALBERTO RODRÍGUEZ

El cuartu estudiu sociollingüísticu espublizáu pola Academia la Llingua Asturiana céntrase n’analizar el conocimientu del asturianu nes tres principales ciudaes d’Asturies

La metodoloxía d’esti trabayu, desendolcáu por Francisco J. Llera Ramo, permite facer comparances sistemátiques colos niveles de conocimientu rexistraos na encuesta del añu 1991. Un últimu bloque, sobre les perceiciones sociales alredor del idioma, facilita’l control de la evolución en dalgunos de los aspeutos clave que, nesti sen, yá recoyeren los tres estudios anteriores.

Read Full Post »

Iniciativa reclama l’usu de la toponimia oficial nos Paradores de Cangues d’Onís, Xixón y Courias

Iniciativa pol Asturianu reclamó a Paradores la incorporación de la toponimia tradicional asturiana a los nomes de los tres establecimientos colos que la sociedá pública cuenta en Asturies –Cangués d’Onís, Xixón y Courias–.

Trátase d’una de les propuestes que la organización de reivindicación llingüística treslladó a la presidenta nueva de Paradores, Raquel Sánchez, al traviés d’una carta, na que tamién se fai referencia a la traducción al asturianu de la páxina web de la rede hotelera y la incorporación de volúmenes nes llingües propies de la comunidá a les biblioteques d’estos equipamientos.

Read Full Post »

Cuarenta años de llucha pola supervivencia de la llingua asturiana

XUNE ELIPE

En 1974 echaba a andar el colectivu Conceyu Bable (C.B.), que taría activu hasta qu’escomenzó la so decadencia por cuenta de la creación de l’Academia de la Llingua Asturiana en 1980, yá que munchos de los sos dirixentes pasaron a integrase nesa institución. Darréu d’ello C.B., que llegaría a tener grupos llocales estables en tol área central (Uviéu, Xixón, Avilés y les dos Cuenques fundamentalmente) y milenta socios per tol país, diba dir amenorgando la so presencia y actividaes hasta convertise namás cásique nun nome testimonial. Surden entós otros grupos que se dediquen a la reivindicación llingüística de manera llocal (por exemplu, Arfueyu n’Avilés o Andecha Asturianista en Xixón), anque inconexos ente ellos. Ye entós cuando escomienza a vese la necesidá d’una organización unitaria qu’atropara a distintos colectivos, sectores sociales, lliterarios, culturales y/o musicales venceyaos cola llingua asturiana. Nun primer momentu llancen la idea dos escritores qu’entamaben a espolletar lliterariamente daquella, Adolfo Camilo Díaz y Xuan Bello; convócase una primer reunión na sé de la CNT n’Uviéu, a la qu’asisten representantes de delles entidaes y partíos políticos (ENA, MCA, ORT…), amás de persones (enseñantes, actores, escritores, músicos, etc.) a títulu individual. Decídese entós fundar esa organización unitaria y tresversal a la que se-y da’l nome de Xunta pola Defensa de la Llingua Asturiana, yera l’añu 1984 y la so presentación oficial diba desenvolvese nel salón d’actos del Muséu de Belles Artes n’Uviéu un 26 de xineru. La respuesta foi perpositiva y, pasín a pasu, diría estructurándose pelos conceyos, con distintes árees de trabayu.

Read Full Post »

L-R presenta’l so discu nuevu’l 10 de febreru en Xixón

L-R presenten el so discu nuevu ‘V.O.S.’ na Sala Acapulco – Casinu d’Asturies, en Xixón, el 10 de febreru a les 21.00 hores. La banda formada por Rubén Bada y Leticia Baselgas va cuntar con Ferla Megía como artista invitáu.

‘V.O.S.’, el discu nuevu de L-R, xuega col conceptu de ‘Versión Orixinal Subtitulada’ pa preguntase a qué suena un llugar na memoria colectiva y mostrar como la tresmisión de la música tradicional ye al traviés de distintes versiones.

Read Full Post »

Ricardo Candás gana’l III Premiu de Novela curtia Andrés Solar Santurio

El xuráu del tercer “Premiu de Novela Curtia Andrés Solar Santurio”, aconceyó’l martes 21 de payares de 2023 nel Centru de Cultura Antiguu Institutu a les 13:00 hores, presidíu por Dña. Ana Montserrat López Moro, Conceyala Delegada de Cultura, Mocedá y Museos del Conceyu de Xixón; D. Xandru Martino Ruz, filólogu, escritor y académicu de la llingua asturiana; D. Luis Casteleiro Oliveros, filólogu de la Dirección Xeneral d’Acción Cultural y Normalización Llingüística y escritor; Dña. Montserrat Machicado Compañy, filóloga especialista en llingua asturiana y responsable de la “Estaya de la Llingua del Conceyu d’Avilés” y Dña Mª Xosé Rodríguez López, responsable de la Oficina de Normalización Llingüística de la FMCE y UP que fizo amás de Secretaria.

Read Full Post »

El traductor inglés Robin Munby estrena la Residencia Lliteraria Xixón

La Residencia Lliteraria Xixón, espaciu dirixíu pol escritor Inaciu Galán y pensáu pa la estancia d’escritores en periodos de tiempu nos que van dedicase a la creación lliteraria o la traducción de distintos xéneros, recibe la selmana qu’entra al so primer residente, el traductor inglés Robin Munby.

Esti llunes 4 d’avientu va abrir les sos puertes esti espaciu dedicáu a la creación lliteraria y a la traducción, el primeru del so tipu n’Asturies. Na so estancia, Robin Munby va avanzar nos sos proyectos venceyaos a la traducción de lliteratura asturiana al inglés.

Read Full Post »