Abierta la matriculación pal cursu d’asturianu online d’Iniciativa pol Asturianu

Iniciativa pol Asturianu abrió esti llunes el plazu de matriculación p’apuntase al cursu de llingua asturiana (nivel básicu 1) que va facese a distancia, al traviés d’una plataforma dixital.

La formación va tener una duración de 36 hores llectives y va principiar el llunes 29 d’abril y va acabar el 12 de xunetu. El nivel que s’ufierta ta dirixíu a persones ensin formación d’asturianu o con nivel baxu de conocencia. Los estudiantes que lu superen van algamar una acreitación de l’Academia de la Llingua Asturiana.

El preciu de la matrícula ye de 60 euros. Les inscripciones pal cursu puen cubrise nun formulariu na páxina web d’Iniciativa pol Asturianu. El plazu d’inscripción acaba’l 28 d’abril.

(d’Europa Press, 15-04-2024)

Read Full Post »

Educación principia una campaña pa incentivar la matriculación del alumnáu en llingua asturiana y gallego-asturianu

La Conseyería d’Educación principió güei una campaña p’afalar la matriculación del alumnáu de Primaria, Secundaria y Bachilleratu en llingua asturiana y en gallego-asturianu en centros sosteníos con fondos públicos pal cursu viniente. La principal novedá ye qu’esta iniciativa va desenvolvese en dos temporaes coincidiendo colos periodos de solicitú de places y d’inscripción.

La campaña publicitaria, que lleva por lema ‘Apúntome, apuntámoslos’, va tar presente en medios impresos, dixitales y nes redes sociales Facebook y Instagram. D’esta manera, compaxínense los formatos tradicionales coles canales nueves de comunicación utilizaes pola mocedá.

Read Full Post »

Les pruebes de certificación d’asturianu incorporen al B2 y C1 el nivel básicu A2

PABLO R. GUARDADO

La convocatoria del 2024 de les pruebes de certificación de Llingua Asturiana adaptaes al Marcu Común Européu de Referencia pa les Llingües vien con novedá. Éstes son les feches, plazos de matrícula y númberu de places pa caún de los niveles.

Al nivel intermediu B2 y al avanzáu C1 incorpórase esti añu’l primeru de nivel básicu, en concretu un A2. Quedaríen entós por entamar l’A1 y B1 d’ente tolos niveles establecíos nel decretu del 2019.

Read Full Post »

Mori: “Ye urxente captar llectores y pa eso hai qu’aumentar l’alfabetización”

 PABLO R. GUARDADO

El 11 d’abril va presentase na Llibrería Trabe’l décimu títulu de la colección ‘Calume’, la obra ‘Cacofonía’ de Ken Bugul. Marta Mori d’Arriba (Xixón, 1965) encargóse de la traducción d’esti títulu de la escritora senegalesa.

¿Cómo se ta recibiendo la traducción de ‘Cacophonie’?

Ye pronto pa tener datos sobre les ventes, pero lo que sí toi viendo ye que l’autora llama l’atención, sobre too de la xente más mozo y sobre manera ente les rapaces.

Read Full Post »

Educación va incluyir l’asturianu y el gallego-asturianu nes Escueles Oficiales d’Idiomes nel cursu 2025-2026

La conseyera d’Educación, Lydia Espina, anunció esti xueves en comisión parllamentaria que’l so departamentu trabaya pa introducir la enseñanza d’asturianu y gallego-asturianu nes Escueles Oficiales d’Idiomes dende’l cursu 2025-2026.

“Nestos momentos la nuestra Dirección Xeneral d’Ordenación Académica yá ta planiando tol desenvolvimientu curricular pa qu’a partir del cursu 25-26 podamos empezar a estudiales nes mesmes escueles d’idiomes d’una manera totalmente reglada”, confirmó en respuesta a una entruga sobre les llingües propies d’Asturies de la diputada del Grupu Mistu, Covadonga Tomé.

Read Full Post »

Miranda do Douro acolhe encontro para revitalização das línguas minoritárias europeias

Miranda do Douro acolhe a 11 de abril o 3.º encontro OWL+, promovido pela União Europeia, que visa aumentar a sensibilização para o papel dos professores e educadores na revitalização e manutenção das línguas minoritárias, foi hoje divulgado.

Em declarações à agência Lusa, o presidente da Associação de Língua e Cultura Mirandesa (ALCM), Alfredo Cameirão, disse que este encontro vai permitir levar a Miranda do Douro, no distrito de Bragança, especialistas europeus ligados ao ensino, preservação e divulgação das línguas minoritárias.

Read Full Post »

“Una solución ensin perda de trabayu”: les 3 propuestes d’un centenar de docentes d’asturianu

PABLO R. GUARDADO

Asturies.com tuvo accesu al documentu ellaboráu por maestros afeutaos, qu’analiza 5 consecuencies del plan de la conseyería no que respeuta a la especialidá de Llingua Asturiana, y faló con profesores que participaron na so redaición.

Docentes de Llingua Asturiana y Lliteratura en Primaria –101 hasta’l momentu– roblen esti testu nel que presenten 3 propuestes pa que nun haya perda d’emplegu y ameyora la calidá educativa. Un total de 40 maestres y maestros d’asturianu aconceyaron la selmana pasada de manera telemática pa organizase énte la posibilidá de perder el so puestu de trabayu cola idea d’Educación de combinar places asitiaes a menos de 15 quilómetros pa consiguir un horariu completu itinerante. La precaria situación de la materia d’asturianu, con trés de cada cuatro profesores a media xornada, convierte a esta especialidá na única con un problema real de perda d’emplegu al nun poder absorber la xunión de places a tiempu parcial con xubilaciones como asocede con otres asignatures.

Read Full Post »

Decenes de docentes d’asturianu van movilizase énte la posibilidá de perder el trabayu

L’incumplimientu de la Llei d’Usu, la precariedá y la falta de la especialidá docente condicionen la enseñanza del asturianu.

La Conseyería d’Educación plantega reducir un 76 por cientu les medies xornaes en Llingua Asturiana: 120 places a tiempu parcial convertiríense en 60 a xornada completa, una midida que se recibe ente l’allegría pola dignificación que supón pal puestu de profesor d’asturianu al meyorar la situación de precariedá que supón la media xornada y el mieu a una perda importante del emplegu al reducise’l númberu de persones que podríen trabayar, lo que dexaría ensin la so plaza d’interinidá a decenes de persones.

Read Full Post »

Mecenas criam prémio anual para distinguir melhores alunos de Língua Mirandesa

De acordo com os promotores destes “Agabones” (elogio, traduzido do mirandês), o objetivo passa por distinguir os novos e antigos estudantes do 12.º ano com média acima dos 16 valores que tenham frequentado a disciplina de mirandês no seu trajeto escolar.

Os mecenas do prémio são a família Schmidberger Fernandes, Aníbal Fernandes, nascido em Angueira, no concelho de Vimioso e sua mulher, Vera Schmidberger Fernandes, que assim traduzem “o amor e carinho que sentem pela cultura e língua mirandesa e desejam animar e incentivar os alunos do Agrupamento de Escolas de Miranda do Douro ao estudo da língua mirandesa e sua consequente preservação, bem como recompensar o esforço e o mérito”, lê-se numa nota enviada à agência Lusa pela Associaçon de la Lhéngua i Cultura Mirandesa (ALCM).

Read Full Post »

Educastur ufierta los currículos de Primaria y ESO n’asturianu

La Conseyería d’Educación publicó nel portal Educastur una serie de recursos y conteníos dixitales, dirixíos a la comunidá escolar. Una de les novedaes ye que les persones interesaes pueden acceder a los currículos n’asturianu de Llingua Asturiana y Lliteratura, lo mesmo de la etapa de Primaria como de la ESO. Depués van llegar traducciones d’otros currículos de la nueva llei educativa (LOMLOE).

Amás, actualizóse’l repositoriu de recursos dixitales «Estoyu/Estoiro» pa que’l profesoráu pueda utilizalu nel aula con un alumnáu nativo dixital. Son más de 500 recursos n’asturianu y unos 200 en gallego-asturianu, entamaos con criterios educativos, qu’incorporen actividaes dedicaes a efemérides concretes y realizaes pol Centru del Profesoráu y Recursos (CPR) Cuenques Mineres. Tamién se creen secciones nueves de podcast, aplicaciones y xuegos dixitales.

Read Full Post »