Posted in Ansino / Educación, Villaviciosa, tagged Conceyu de Villaviciosa, Serviciu de Normalización Llingüística de la Comarca de la Sidra on Janeiro 25, 2023| Leave a Comment »
El Serviciu de Normalización Llingüística de la Comarca de la Sidra, en collaboración col Conceyu de Villaviciosa, abre’l plazu pa la inscripción nun nuevu Taller d’Asturianu.
El cursu va celebrase nes instalaciones del Atenéu Obreru los martes de 18.00 a 20.00, dende’l 7 de febreru hasta’l 31 de mayu. El taller ta empobináu a toa persona interesada n’ampliar los sos conocimientos sobre llingua asturiana independientemente del nivel.
(more…)Posted in Asturies, Audiovisual, Avilés, Ḷḷena, Bimenes, Cabrales, Cabranes, Candamu, Cangas, Carreño, Castrillón, Casu, Colunga, Comunicación /Comunicaçon, Corvera, Gozón, Grau, Lhiteratura / Lliteratura, Llanera, Llangreo, Llaviana, Música, Mieres del Camín, Nava, Política lhenguística / Política llingüística, Ribesella, Samartín del Rei Aurelio, Sariegu, Siero, Sobrescobiu, Villaviciosa, tagged Academia de la Llingua Asturiana, Fundación Valdés Salas, Radiotelevisión del Principáu d'Asturies, Selmana de les Lletres Asturianes, Sociedá Pública de Xestión y Promoción Turística y Cultural, Universidá d'Uviéu on Dezembre 7, 2022| Leave a Comment »
La partida pa promoción del asturianu recoyida nel proyectu de presupuestos pa 2023 xube a 2.535.701 euros, lo que supón –al igual que nes cuentes del 2019, 2020 y 2021– el 0,04% del total.
Nos presupuestos vixentes la promoción del asturianu tenía una partida de 2.205.441 euros, polo que la política llingüística pal 2023 xube en 330.260 euros. Sicasí, al producise una medría xeneral del presupuestu autonómicu, la partida continúa representando’l 0,04% del total de les cuentes.
(more…)Posted in Lhiteratura / Lliteratura, Política lhenguística / Política llingüística, Villaviciosa, tagged Conceyu de Villaviciosa, Francisco Álvarez González, Marta López Fernández, Pablo Rodríguez Medina, Pablo Suárez Fernández, Rafael Rodríguez Valdés, Xosé Caveda y Nava on Nobembre 14, 2022| Leave a Comment »
L’escritor entreguín Pablo Rodríguez Medina (L’Entregu, 1978) resultó ganador de la sesta edición del Premiu de Rellatos Curtios ‘Xosé Caveda y Nava’, convocáu pol Conceyu de Villaviciosa y que cunta con una dotación económica de 1000 euros. El xuráu, formáu pol escritor Francisco Álvarez González, ganador de la edición anterior, el técnicu en normalización llingüística Rafael Rodríguez Valdés y la filóloga Marta López Fernández, actuando como secretariu Pablo Suárez Fernández, del Serviciu de Normalización Llingüística de la Comarca de la Sidra, decidió conceder el premiu al rellatu del autor tituláu ‘Redención’ del que destacó la cotidianidá y emotividá de la trama y la cercanía y actualidá de la temática.
(more…)Posted in Ansino / Educación, Asturies, Avilés, Ḷḷena, Bimenes, Cabranes, Candamu, Cangas, Carreño, Castrillón, Colunga, Corvera, Gozón, Grau, Música, Nava, Navia, Política lhenguística / Política llingüística, Samartín del Rei Aurelio, Sariegu, Villaviciosa, Villayón, Xixón, tagged Conseyería de Cultura Política Llingüística y Turismu del Principáu d'Asturies on Outubre 16, 2021| Leave a Comment »
La Conseyería de Cultura, Política Llingüística y Turismu del Gobiernu asturianu va entamar la gala y va producir el discu colos cantares ganadores del concursu escolar ‘Al son del cantar’, entamáu pola Rede de Normalización Llingüística y con unes bases que puen consultase na web Educastur.Esti proyectu d’innovación educativa ta dirixíu a los centros d’Avilés, Candamu, Cangas, Castrillón, Corvera, Grau, Samartín del Rei Aurelio, L.lena, Xixón y a los conceyos de les mancomunidaes de la Comarca de la Sidra, Ozcos-Eo, Cabu Peñes y Parque Históricu del Navia.
(more…)Posted in Ḷḷena, Bimenes, Cabranes, Candamu, Cangas, Carreño, Colunga, Gozón, Grau, Nava, Política lhenguística / Política llingüística, Sariegu, Villaviciosa, Xixón, tagged Rede de Normalización Llingüística nos Conceyos on Febreiro 16, 2021| Leave a Comment »
La Rede de Normalización Llingüística nos Conceyos presenta una campaña conxunta qu’afala’l consumu responsable: ¿Qué mos toca…? Esta campaña, entamada yá l’añu pasáu pol Conciyu Ḷḷena, ofrez a la ciudadanía información d’interés sobre los productos propios de cada momentu y anímala a mercar en pueblu, nel comerciu de proximidá.
La campaña, pensada pa la promoción peles redes, renuévase según avanza l’añu, actualizando productos pa garantizar un consumu sostenible y consciente. Otramiente y anque se mantién un deseñu común, cada conceyu va adaptando a les sos particularidaes llingüístiques el conteníu textual de la iniciativa, siempre en ficies d’un impactu social favoratible nos sos ámbitos d’influencia.
(more…)Posted in Asturies, Lhiteratura / Lliteratura, Política lhenguística / Política llingüística, Villaviciosa, tagged Conceyu de Villaviciosa, Lluis Portal Hevia, Pilar Arnaldo Rubio, Rafael Rodríguez Valdés, Xavi Cayado Valdés, Xosé Caveda y Nava on Nobembre 28, 2020| Leave a Comment »
L’autor Xavi Cayado Valdés (Xixón,1987) resultó ganador de la cuarta edición del Premiu de Rellatos Curtios ‘Xosé Caveda y Nava’, convocáu pol Conceyu de Villaviciosa y que cunta con una dotación económica de 1000 euros. El xuráu, formáu polos escritores Pilar Arnaldo Rubio y Lluis Portal y l’hestoriador y técnicu en normalización llingüística Rafael Rodríguez Valdés, decidió por unanimidá conceder el premiu al rellatu tituláu ‘A pie firme’, del que destacó’l realismu nel tratamientu’l tema, la construcción equilibrada del relatu y l’usu acertáu de los distintos rexistros llingüísticos.
Cayado ye profesor d’asturianu y pertenez a la xeneración más moza d’escritores nesta llingua, siendo conocíu hasta’l momentu principalmente como poeta. Tien collaborao en revistes como Formientu, A Quemarropa o El Cuaderno Digital, amás d’apaecer n’antoloxía Canigú Lliterariu. En ‘A pie firme’ Cayado constrúi’l rellatu al traviés de la memoria hestórica y los rellatos familares recoyíos na zona oriental del conceyu maliayu, onde l’autor tien los sos raigaños.
(de Formientu, 24-11-2020)
Posted in Asturies, Lhiteratura / Lliteratura, Villaviciosa, tagged Conceyu de Villaviciosa, Xosé Caveda y Nava on Outubre 2, 2020| Leave a Comment »
El Conceyu Villaviciosa ta acabante convocar la cuarta edición del Premiu de Relatos Curtios ‘Xosé Caveda y Nava’concursu que, magar de la so mocedá, yá s’afita como ún de los más importantes dientro del panorama narrativu asturianu.
Cada participante va poder presentar una obra, escrita n’asturianu, d’ente 3 y 12 folios, d’acordies colos requisitos qu’establecen les bases del concursu. Los trabayos han presentase ente’l 1 y el 30 d’ochobre de 2020 nel Rexistru del Conceyu de Villaviciosa, o bien mandase per corréu postal a Casa Conceyu de Villaviciosa (Ref. IV Premiu de relatos curtios “Xosé Caveda y Nava” Plaza del Ayuntamientu, 1, 33300 Villaviciosa-Asturies.
(more…)Posted in Asturies, Lhiteratura / Lliteratura, Villaviciosa, tagged Conceyu de Villaviciosa, Xosé Caveda y Nava on Outubre 2, 2020| Leave a Comment »
El Conceyu Villaviciosa ta acabante convocar la cuarta edición del Premiu de Relatos Curtios ‘Xosé Caveda y Nava’concursu que, magar de la so mocedá, yá s’afita como ún de los más importantes dientro del panorama narrativu asturianu.
Cada participante va poder presentar una obra, escrita n’asturianu, d’ente 3 y 12 folios, d’acordies colos requisitos qu’establecen les bases del concursu. Los trabayos han presentase ente’l 1 y el 30 d’ochobre de 2020 nel Rexistru del Conceyu de Villaviciosa, o bien mandase per corréu postal a Casa Conceyu de Villaviciosa (Ref. IV Premiu de relatos curtios “Xosé Caveda y Nava” Plaza del Ayuntamientu, 1, 33300 Villaviciosa-Asturies.
(more…)Posted in Asturies, Lhiteratura / Lliteratura, Villaviciosa, tagged Contraste, Etelvino González López, Lluis Portal, María Teresa Villaverde, Ramón Menéndez Pidal, Rosendo Villaverde, Tuxa, Un coruxu, Villaviciosa, Xurde Blanco on Outubre 1, 2020| Leave a Comment »
MARÍA LUZ PONTÓN ÁLVAREZ
L’autora maliayesa de principios de sieglu, María Teresa Villaverde, Tuxa, qu’escribió tanto poesía, como narrativa y teatru, va ser la figura homenaxada na 41 edición de la Selmana de les Lletres Asturianes que va celebrase na seronda, y non a principios de mayu, como yera costume, por mor de la pandemia provocada pola COVID-19. Conozse mui poco sobre la obra d’esta escritora, yá que parte d’ella destruyóse nel saquéu del Palaciu de Villaverde, depués d’un aciar accidente de tráficu en Sariegu en 1934. Amás de Tuxa, morrieron so ma y la so tía. Esti socesu aciar causó un gran duelu en Tornón y en toa Villaviciosa. Afortunadamente parte de la so producción recuperóse gracies al trabayu d’autores como Etelvino González López, Xurde Blanco o Lluis Portal nos años 90, anque entá nun se fixo nenguna recopilación de toa esa producción. Con too, nel añu 2010 el teatru «Contraste» repasó la so vida ya incluyó dalgún fragmentu de la so obra.
Tuxa yera la pequeña d’una familia de fidalgos con una gran estensión de terrén y que teníen un palaciu en Tornón, nel que ñaciera, fundáu pol so pá, Rosendo Villaverde, que-y sacaba 36 años a la so muyer, que yera la so sobrina, y que morrió cuando ella tenía cinco añinos. Descríbenla como conservadora, cercana al carlismu, discreta, piadosa y relixosa, da catecismu a los vecinos de la parroquia, y el casu ye que l’únicu mozu que tuvo yera sacristán. Eso nun quita pa que tuviera un caráuter fuerte y singular: un día que pisó una boñica con unos zapatos nuevos, como yera abondo escrupulosa, al llegar a casa tirólos darréu a la basura, anque, per otru llau, al so perru dexábalu comer del so platu.
Nos años diez del sieglu pasáu, Tuxa escribió les primeres poesíes en dellos periódicos y tamién cróniques d’actualidá que firmaba con ún de los sos alcuños: Un coruxu. El gripe terrible de 1918, el «mal de moda» causó munchos muertos en tolos pueblos d’Asturies, y como non, na comarca d’esta escritora de Tornón. Nel selmanariu Villaviciosa, cuando l’andanciu entamaba a amenorgar, escribió que «era hora de dir viéndonos llibres de les penes y males qu’agora como nunca llenaron les nuestres aldees». Contra los años venti compón delles obres de teatru, dalgunes conservaes de puñu y lletra de l’autora. Prestaríame destacar un artículu de Tuxa «Sobre’l bable» nel qu’amás de cuntar la so historia, etimoloxía llatina, nes que caltién discrepancia col tamién maliayu Ramón Menéndez Pidal, cuando lu llama tamién lleonés, fai una defensa acérrima de la llingua asturiana: «de fonética exquisita, parece creado para la expresión de la más delicadas e íntimas afecciones que, por otra parte, tan admirablemente encajan en la idiosincrasia astur; y para la poesía préstase de modo maravilloso, avalorándola con matices de intensa identidad. Lamentar la decadencia del bable de nuestros amores y sobre todo que haya asturianos que de ella experimenten algo así como vergüenza, al par que hacemos fervientes para que en el corazón de los hijos de Pelayo prenda una chispa siquiera de cariño…».
(de La Voz de Asturias, 29-09-2020)
Tierra alantre, la mesma fala 