Mori abandona la vicepresidencia de l’ALLA

La docente va dir na llista municipal d’IX en Xixón qu’encabeza Javier Suárez Llana.

Marta Mori abandona’l cargu de vicepresidenta de l’Academia de la Llingua Asturiana (ALLA). Comunicó esta decisión el pasáu día 3 de marzu al considerar necesario nesti momentu dar prioridá al so compromisu políticu y social.

La institución amuesa’l so respetu pola decisión de la tamién direutora de la revista ‘Lliteratura’, que diz entender, y confirma que va siguir cuntando “coles sos valibles aportaciones como académica de númberu”. Mori llevaba nel cargu dende’l 2017, cuando Xosé Antón González Riaño resultó escoyíu como presidente de la entidá tres la decisión d’Ana María Cano de nun presentase a la reeleición.

Read Full Post »

El proceso históricu d’escolarización aporta a la colección Estaya Sociolingüística

La coleición Estaya sociollingüística llega al so númberu 9 cola publicación d’El proceso histórico de escolarización de la lengua asturiana: dimensiones políticas y sociales, del doctor Marcos Rodríguez, na que se fala a lo llargo de 900 páxines del procesu escolarizador 

L’autor fai nesti nesta obra, resultáu de la so tesis doctoral, una diseición cronolóxica del procesu históricu d’escolarización del asturianu nel so contestu sociocultural.

Read Full Post »

Les XLI Xornaes Internacionales d’Estudiu sedrán del 7 al 9 de payares

L’Academia de la Llingua vieno acabante facer anuncia que les «XLI Xornaes Internacionales d’Estudiu» van tener llugar n’Uviéu los díes 7, 8 y 9 del mes de payares d’esti añu 2023. Nesi sen, quierens tamién informar de que yá ta abiertu’l plazu pa unviar propuestes de comunicaciones.

En casu de qu’esta convocatoria seya del so interés, ha remitise’l títulu de la comunicación xunto a un resume, de 200 a 300 pallabres, onde se conseñen los oxetivos y el desarrollu de la mesma y unes referencies bibliográfiques. El día 26 d’abril de 2023 ta previsto zarrar la receición de propuestes y, enantes del mes de xunu, anunciar les comunicaciones aceutaes y el so allugamientu dientro del programa.

(d’Asturnews, 28-02-2023)

Read Full Post »

Lourdes Álvarez: » El Premiu Nacional de Lliteratura Asturiana supón un estímulu grande pa siguir creando»

Lourdes Álvarez foi reconocida col Premiu Nacional de Lliteratura Asturiana el 31 de xineru d’esti añu y que convoca l’Academia de la Llingua Asturiana cada dos años. Güei, en Formientu, falamos con ella del reconocimientu, la so xera lliteraria y la situación de la lliteratura.

Norabona pol Premiu Nacional de Lliteratura Asturiana. ¿Qué sentisti cuando s’anunció y qué supón pa ti recibir esta reconocencia?

Munches gracies. Al recibir la noticia sentí a lo primero incredulidá y depués una emoción  intensa. Esta reconocencia  amás d’afalagar la vanidá supón un estímulu grande pa siguir  creando.

Read Full Post »

L’ALLA publica la propuesta de terminoloxía asturiana pal mundu del cine

L’Academia de la Llingua Asturiana publicó un númberu nuevu de la colección ‘TermAst’. Trátase de la ventésima primer propuesta que nesi casu ta dedicada al mundu del cine y que recueye cuasi 400 propuestes terminolóxiques.

El trabayu ye obra del productor y director audiovisual Pablo Quiroga, que recueye la terminoloxía de cine nun exemplar que yá ta abiertu pa la consulta llibre dende la páxina web de TermAst.

Read Full Post »

Reedítase’l primer númberu de la coleición Testos de recoyida oral

El títulu Cuentos de tradición oral d’El Cuartu los Vaḷḷes, de Marta López Fernández, llegó a la so segunda edición el pasáu añu 2022. Esta obra, espublizada la primer vez en 2005, echó a andar la coleición na que Academia de la Llingua Asturiana quixo atropar la bayura de la lliteratura de tresmisión oral n’Asturies, Testos de recoyida oral.

Con esta reedición cúbrese la demanda d’esti númberu, escosáu dende va dellos años, y refuérzase la idea que s’espunxo na primer tirada, el trabayu recopilatoriu de campu ye ún de los que tien más continuidá nel tiempu dientro l’ámbitu investigador de la cultura asturiana, pero que siempre ye merecedor de mecanismos d’espardimientu y publicación. D’esta miente, cola reactivación de la coleición, tamién se quier facer un llamáu a qu’etnógrafos y recopiladores vean nestes publicaciones la reconocencia d’un llabor imprescindible pa la cultura y les llingües d’Asturies.

(de l’Academia de la Llingua Asturiana, 09-02-2023)

Read Full Post »

Llibrería Llingüística llega al so númberu 31

Llibrería Llingüística, una de les coleiciones con más percorríu de l’ALLA, llega al so númberu 31 con El sistema temporal en asturianoleonés: el habla de Somiedu, de Helmut Brammerts.

Col espublizamientu d’esta obra, l’Academia aprovecha pa facer un anovamientu nel diseñu y el formatu de la coleición cola fin de facer d’estos llibros ferramientes calidables y fáciles de remanar pa llectores ya investigadores.

Read Full Post »

La poeta Lourdes Álvarez, premiu Nacional de Lliteratura Asturiana

L’Academia de la Llingua Asturiana (ALLA), con un xuráu formáu tamién por representantes de la Universidá d’Uviéu y del Principáu, decidió concedéi a la poeta Lourdes Álvares el III Premiu Nacional de Lliteratura Asturiana.

El xuráu, presidíu pol presidente de l’ALLA, Xosé Antón González Riaño, tuvo formáu polos académicos Ana Cano, Xosé Ramón Iglesias y Carmen Muñiz; los profesores de la Universidá d’Uviéu Carmen Alfonso y Leopoldo Sánchez; el Premiu Nacional 2020 Xuan Xosé Sánchez Vicente; y, faciendo de secretariu’l director xeneral de Política Llingüística del Principáu, Antón García.

Read Full Post »

Abierta la matrícula nos nuevos cursos d’asturianu d’Iniciativa pol Asturianu

Iniciativa pol Asturianu abrió esti martes el plazu de matriculación p’apuntase a los nuevos cursos de llingua asturiana (nivel básicu 1 y nivel básicu 2) que van facese a distancia, al traviés d’una plataforma dixital.

Los cursos van tener una duración de 36 hores llectives y van entamar el llunes 6 de febreru y van acabar a mediaos d’abril. La modalidá a distancia favorez la auto organización del alumnáu y permite-yos dir faciendo les actividaes según l’horariu de caún, de manera mas conveniente.

Read Full Post »

El Principín y 1809, les obres n’asturianu más vendíes en Cervantes en 2022

La llibreria Cervantes, la más importante en volume de ventes n’Asturies, tien como obra lliteraria n’asturianu más vendida a lo llargo de 2022 la traducción de Xosé Lluis García Arias d’El Principín, la clásica obra d’Antoine de Saint-Exupéry tornada a más de quinientes llingües y, nesti casu, editada pola ALLA. Darréu, la obra más vendida ye 1809: Cartes de la Revolución de Trubia, escrita por Andrés Fernández con namás que diecisiete años y editada por Radagast. Esta obra de xéneru epistolar presenta un Asturies ucrónica que se dixebra históricamente de la real.

De siguío, les obres más vendíes en Cervantes son de non-narrativa:

La primera, la historia de la música asturiana que percuerre Xune Elipe n’Hai una llinia trazada, editada por Trabe. La segunda, la guía gastronómica de David Castañón Les Farturrutes: Caleyar y comer n’Asturies, editada por Delallama. Y la tercera, el llibru-CD Ente la niebla de Dixebra, que nuna coincidencia sorprendente empata en ventes coles trés siguientes obres de narrativa, que comparten el bronce nesti xéneru.

Read Full Post »