Reculando a reblagos: preslla’l Serviciu de Normalización Llingüística de Castrillón

ALBERTO RODRIGUEZ

La decisión llega depués de que’l responsable del Serviciu tuviere ensin ocupación dala nel so puestu de trabayu dende la llegada a la Casa Conceyu del equipu de gobiernu municipal nuevu

La entrada del PP na Ca’l Conceyu de Castrillón traxo consigo el desdexamientu del Serviciu de Normalización Llingüística, qu’agora anuncia’l so preslle. De seguir p’alantre con esa decisión, aparte d’afondar na discriminación llingüística de los asturfalantes castrillonenses y dase un pasu p’atrás na necesaria llabor polos drechos llingüísticos, Castrillón perdería los 19.400 euros destinaos a esti serviciu nel borrador de presupuestos del Gobiernu asturianu pal próximu añu.

Read Full Post »

La promoción del asturianu mantiénse nel 0,04% del total del presupuestu

La partida pa promoción del asturianu recoyida nel proyectu de presupuestos pa 2023 xube a 2.535.701 euros, lo que supón –al igual que nes cuentes del 2019, 2020 y 2021– el 0,04% del total.

Nos presupuestos vixentes la promoción del asturianu tenía una partida de 2.205.441 euros, polo que la política llingüística pal 2023 xube en 330.260 euros. Sicasí, al producise una medría xeneral del presupuestu autonómicu, la partida continúa representando’l 0,04% del total de les cuentes.

Read Full Post »

El proyectu ‘Falamos’ lleva 19 cursos en 17 conceyos

El proyectu Falamos d’enseñanza non reglada gratuita d’asturianu y gallego-asturianu pa persones adultes qu’entama’l Principáu cola Federación Asturiana de Conceyos (FACC) yá tien 19 cursos en 17 conceyos.

Asina, hai dos cursos en Mieres y Uviéu y ún en Ribeseya, Llanes, Bimenes, Llangréu, Carreño, Corvera, Grau, Valdés, L.lena, Llaviana, Castrillón, Tapia, El Franco, Navia y Xixón.

Read Full Post »

Iniciativa reclama al Aeropuertu de Santiagu’l Monte l’usu del asturianu na cartelería y llocuciones

Iniciativa pol Asturianu solicitó a AENA la presencia de la llingua asturiana nel aeropuertu de Santiagu’l Monte na cartelería y nes llocuciones, amás del usu de la toponimia oficial.

Al traviés de nota de prensa, l’asociación indicó que fixeron llegar estes reclamaciones a la empresa Aeropuertos Españoles y Navegación Aérea (AENA) al traviés d’una solicitú.

Read Full Post »

El discu del concursu ‘Al son del cantar’, un recursu nuevu pa la clase de Llingua Asturiana y Gallego-asturiano

Les maestres y maestros de Llingua Asturiana y Gallego-asturiano disponen d’un recursu nuevu pa trabayar nes aules col alumnáu. Yá ta disponible en plataformas dixitales y va distribuyise de manera física per toles escueles del país el discu coles diez canciones de ‘Al son del cantar’, concursu que ta acabante de celebrar la so gala.

Destináu a escolines y escolinos de cuartu de Primaria a segundu de la ESO, esta iniciativa buscaba estimular el deprendimientu significativu del alumnáu per aciu de la investigación, el descubrimientu y la creatividá nel campu de la música. Nel aula habríen de componer una lletra pa un cantar a partir d’una melodía tradicional o orixinal pa valoración del xuráu encargáu de facer la escoyeta de los diez meyores pa la grabación del discu por parte de bandes o artistes con trayeutoria.

Read Full Post »

“‘Amor y deséu en tiempos virales’ son poemes escritos nun momentu d’esaltación emocional”, rellata García López

‘Apurémonos a querenos’ ye’l versu que, cuenta María Esther García López, meyor resume ‘Amor y deséu en tiempos virales’. Tratáse del nuevu poemariu de la escritora valdesana, compuestu por nueve “poemes escritos nun momentu d’esaltación emocional”, que presenta esti xueves en Piedrasblancas.

Pata Negra edita esti llibru, que cuenta con dos formatos: ún artísticu y otru, billingüe, estándar. El primeru, con una tirada de namái 30 exemplares numberaos, ta fechu a mano con papel especial y cuenta con seis grabaos orixinales d’arte abstractu obra d’Enrique Tirador qu’acompañen a los poemes y un prólogu d’Aurelio González Ovies de títulu ‘Tres de la ventana’.

Read Full Post »

La Rede de Normalización Llingüística falla los cantares ganadores del concursu escolar ‘Al son del cantar’

El proyectu ‘Al son del cantar’ yá tien ganadores de la edición 2021/2022. Nesta convocatoria participaron centros educativos de primaria y secundaria de los conceyos de Cuaña, Navia, Grandas de Salime, Xixón, Cangas del Narcea, Grau, Nava, Sariegu, Ḷḷena, Gozón, Carreño y Castrillón, convocaos polos Servicios de Normalización Llingüística de los conceyos mentaos.

Trátase d’un proyectu en forma de concursu musical pa los cursos de cuartu, quintu y sestu de Primaria y primeru y segundu de la ESO, que quier estimular l’aprendizaxe del alumnáu al traviés de la investigación, el descubrimientu y la creatividá nel campu de la música.

Read Full Post »

Cultura va producir el discu colos cantares ganadores del concursu escolar ‘Al son del cantar’

La Conseyería de Cultura, Política Llingüística y Turismu del Gobiernu asturianu va entamar la gala y va producir el discu colos cantares ganadores del concursu escolar ‘Al son del cantar’, entamáu pola Rede de Normalización Llingüística y con unes bases que puen consultase na web Educastur.Esti proyectu d’innovación educativa ta dirixíu a los centros d’Avilés, Candamu, Cangas, Castrillón, Corvera, Grau, Samartín del Rei Aurelio, L.lena, Xixón y a los conceyos de les mancomunidaes de la Comarca de la Sidra, Ozcos-Eo, Cabu Peñes y Parque Históricu del Navia.

Read Full Post »

Percorríu poles lletres asturianes n’ochobre con Asturies, Cultura en Rede

El programa Asturies, Cultura en Rede ufierta un percorríu poles lletres asturianes con un ampliu programa d’actividaes de los circuitos de lliteratura y Autores nel Camín pal mes d’ochobre. Asturies, Cultura en Rede ye un proyectu de la Conseyería de Cultura, Política Llingüística y Turismu, realizáu en collaboración colos conceyos asturianos y xestionáu pola Sociedá Pública de Xestión y Promoción Turística y Cultural del Principáu d’Asturies, que tamién incluye circuitos temáticos d’artes escéniques, Xacobéu, artes visuales, música y cultura tradicional por distintos conceyos del Principáu.

17 actividaes en 13 conceyos conformen la programación del circuitu de lliteratura pal mes viniente. Tras la Puerta Títeres va llevar Cuentos de casa a Castrillón, Gozón y Noreña; El Arca de Mozart, Operación Zanahorias, a Mieres, y ¿A qué suenan los libros? a Cuaña; Carlos Alba Cellero, La Caja Mágica, a Ribeseya; Elisabet Martín Teatro, Descubriendo a Gloria Fuertes, a La Ribera; y Producciones Viesqueswood, Asturias: voces femeninas de nuestra historia, a Tinéu. Va haber un alcuentru lliterariu con Xaime Martínez en Llangréu y va esponese en Gozón el poemariu ilustráu Una mitología. Seres y mitos del norte con alcuentru colos sos autores, Aurelio González Ovies y Toño Velasco, incluyíu. Storytellers va actuar en Cangas; El Velcro, en Llangréu; y Puppys, en Cuaña y Llaviana. Tamién van realizase los talleres Palabras como llaves, de Musa Cafeína, en Grau y La Ribera, y El sombrero que voló ¡Ilústralo tú! con Pintar-Pintar Editorial en Villaviciosa.

Read Full Post »

Pillarno rescata los nombres tradicionales de los espacios históricos del pueblo

B. PINO

Pocos son los habitantes de Pillarno que, a día de hoy, saben que ‘El pedrusco’, ‘El batán’ o ‘La canalina’ son términos que, lejos de designar algún vetusto apero de labranza, llegaron a nombrar algunos de los caminos y sendas más concurridos del pueblo. Sólo los más mayores recuerdas esa conexión, lo que convierte dicho patrimonio cultural en un bien en franco peligro de extinción. Para evitar tan aciago futuro, el colectivo Las Salguerinas, parte de la Asociación de Vecinos de Pillarno, ha iniciado un proyecto de recopilación de todos los antiguos nombres populares de la geografía del pueblo, con el fin de evitar su olvido.

«Nuestra meta es escarbar en la memoria de los habitantes, y poder documentar y rescatar esos nombres que, en muchos casos, se desconocen», expone Mónica Menéndez, presidenta de la Asociación de Vecinos de Pillarno. El proyecto vio la luz en los primeros días de febrero, y ya ha obtenido una muy buena acogida por parte de los vecinos, que «nos hacen llegar escritos con palabras que recuerdan de su juventud, o que les contaron antaño sus padres o sus abuelos».

Read Full Post »