L’asturianu desapaez de paneles informativos de carreteres de titularidá autonómica

La sustitución de paneles informativos nes cuenques conlleva la desapaición del asturianu nos mesmos al emplegase namái’l castellanu. Iniciativa pol Asturianu presentó una reclamación énte la conseyería por “esti pasu atrás” y el so responsable Alejandro Calvo respondió en X.

Dellos vecinos de los conceyos de Llangréu y Mieres punxéronse en comunicación cola organización pa dar a conocer esta situación qu’Iniciativa pol Asturianu asitia nun comunicáu na carretera AS-249 y que podría repetise n’otros llugares al caltener la mesma uniformidá los dos cartelos: forma rectangular, color verde, l’escudu del conceyu y el testu ‘Concejo de’ xunto col nome del mesmu. Nesti casu concretu ‘Concejo de Langreo’ y ‘Concejo de Mieres’.

Read Full Post »

La Sociedá La Montera convoca’l II Concursu Mánfer de la Llera de Narraciones Curties

La Sociedá La Montera ta acabante convocar el II Concursu Mánfer de la Llera de Narraciones Curties (en castellán y asturianu). Estes son les bases:

• Van poder presentase al premiu toles persones que lo deseyen, seya la que seya la so nacionalidá y edá, con esceición de les que llograren el primer premiu n’ediciones anteriores d’esti Certame.
• Nun puen participar persones que desempeñen cualesquier mena de función o xera na Sociedá La Montera, incluyíos a estos efectos los miembros del Xuráu, o los sos familiares directos en primer grau.
• Establécense dos modalidaes: obres escrites n’asturianu y obres escrites en castellán. En caúna de les dos modalidaes, establécense dos categoríes: mayores d’edá y menores d’edá.
• Nengún participante va poder ser premiáu en más d’una categoría y, nel supuestu que se presentare en delles y fuera merecedor de ser premiáu naquelles, namás va otorgáse-y el premiu na modalidá y categoría con mayor dotación económica.
• Les obres presentaes a esti Certame tienen de tar escrites n’asturianu o castellán y tienen de ser cuentos inéditos, non premiaos enantes nin suxetos a compromisu dalgunu d’edición, pudiendo cada concursante unviar un únicu rellatu per modalidá. Magar que’l tema seya llibre, estimaráse que la obra seya espeyu de los valores que guiaron la vida del escritor de Les Cuestes.
• Los rellatos van presentase en lletra Times News Roman, tamañu de fonte 12 a doble espaciu y marxes estándar (marxe derechu: 3; izquierdu: 2,5; superior 2; inferior: 2), que representa unes 300 pallabres per páxina. La estensión mínima de cada rellatu va ser de 2 páxines y la máxima de 10 páxines. Los trabayos presentaos nun van llevar el nome del autor o autora, sinón que van ser roblaos con alcuñu.
•   Los orixinales van poder presentase de dos maneres:

Read Full Post »

Cuarenta años de llucha pola supervivencia de la llingua asturiana

XUNE ELIPE

En 1974 echaba a andar el colectivu Conceyu Bable (C.B.), que taría activu hasta qu’escomenzó la so decadencia por cuenta de la creación de l’Academia de la Llingua Asturiana en 1980, yá que munchos de los sos dirixentes pasaron a integrase nesa institución. Darréu d’ello C.B., que llegaría a tener grupos llocales estables en tol área central (Uviéu, Xixón, Avilés y les dos Cuenques fundamentalmente) y milenta socios per tol país, diba dir amenorgando la so presencia y actividaes hasta convertise namás cásique nun nome testimonial. Surden entós otros grupos que se dediquen a la reivindicación llingüística de manera llocal (por exemplu, Arfueyu n’Avilés o Andecha Asturianista en Xixón), anque inconexos ente ellos. Ye entós cuando escomienza a vese la necesidá d’una organización unitaria qu’atropara a distintos colectivos, sectores sociales, lliterarios, culturales y/o musicales venceyaos cola llingua asturiana. Nun primer momentu llancen la idea dos escritores qu’entamaben a espolletar lliterariamente daquella, Adolfo Camilo Díaz y Xuan Bello; convócase una primer reunión na sé de la CNT n’Uviéu, a la qu’asisten representantes de delles entidaes y partíos políticos (ENA, MCA, ORT…), amás de persones (enseñantes, actores, escritores, músicos, etc.) a títulu individual. Decídese entós fundar esa organización unitaria y tresversal a la que se-y da’l nome de Xunta pola Defensa de la Llingua Asturiana, yera l’añu 1984 y la so presentación oficial diba desenvolvese nel salón d’actos del Muséu de Belles Artes n’Uviéu un 26 de xineru. La respuesta foi perpositiva y, pasín a pasu, diría estructurándose pelos conceyos, con distintes árees de trabayu.

Read Full Post »

‘Asturies, Cultura en Rede’ pon de los talleres de lliteratura en payares

El circuitu de lliteratura d’Asturies, Cultura en Rede intensifica en payares la so programación con talleres creativos, lliterarios y d’animación a la llectura y charles y recitales poéticos per tola rexón.

Los circuitos d’Asturies, Cultura en Rede son un proyectu de la Viceconseyería de Cultura, Política Llingüística y Deporte, fechu en collaboración colos Conceyos asturianos y xestionáu pola Sociedá Pública de Xestión y Promoción Turística y Cultural del Principáu d’Asturies.

Read Full Post »

Cauce analiza la literatura en asturiano en el valle del Nalón

D. O.

La Asociación Cauce del Nalón se adentra en el otoño y continúa con su programa de actividades. Esta semana, el viernes 29, no estarán en la Casa de la Buelga, en Ciaño, sino en Casa de Cultura de El Entrego (San Martín del Rey Aurelio), con la mesa redonda “Lliteratura n’asturiano nel Valle del Nalón” en la que participarán los escritores Solinca Turbón, Beatriz Quintana, Chechu García, Xulio Arbesú y Miguel Allende.

En la cita, a las 20.00 horas, los escritores hablarán de su obra y de lo que se está haciendo ahora, en cuanto a literatura en asturiano, en la cuenca del Nalón. También analizarán la salud de la literatura en asturiano y su proyección en el futuro.

(de La Nueva España, 26-09-2023)

Read Full Post »

Iván Llera, presidente d’Iniciativa pol Asturianu: «Tenemos que ser quien a garrar el tren de les nueves tecnoloxíes»

G. G.

Iván Llera, presidente d’Iniciativa pol Asturianu, repasa l’actualidá del colectivu y analiza’l momentu que vive l’idioma.

Iniciativa pol asturianu ye una asociación con más d’una década de trayectoria y asitiada na rexón. Pa quien tovía nun la conoza, ¿cómo la definiría? 

Ye un garrapiellu de xente esmolecío pola llingua que sentimos tola vida en casa. Munchos crecimos sintiendo qu’en casa falábemos mal. Magar tol trabayu d’estos años, tovía falta muncha pedagoxía y valtar estereotipos bien enraigonaos na sociedá. Por eso faen falta polítiques de normalización y defender los derechos de quien queremos vivir n’asturianu. Creo qu’Iniciativa pol Asturianu ye importante amás porque nació nun momentu de desánimu del movimientu de reivindicación llingüística. Echar a andar l’asociación contribuyó a camudar esa situación. Esi ye ún de los ésitos nesti tiempu, nel que consiguimos avances, por pequeños que fueran. Y que cambiara la percepción del movimientu ente la xente qu’ensin ser roceano a la cuestión, víala dende fuera. Quiero aprovechar pa dar gracias a tolos socios y socies que lo ficieron posible nestos años. Nun recibimos nenguna sovención nin ayuda pública, ellos son quien permiten qu’Iniciativa pol Asturianu siga furrulando casi doce años depués.

Read Full Post »

Denuncien qu’un ciudadanu nun pudo incluyir nel pasaporte’l topónimu ‘Llangréu’, oficial dende 2005

Iniciativa pol Asturianu denunció qu’un home qu’acudió’l 30 de marzu a renovar el pasaporte a la
Comisaría de Llangréu nun-y permitieron l’usu de la toponimia tradicional del so conceyu, que ye oficial
dende 2005, por nun aparecer nel llistáu de la base de datos policial.

Sicasí, según denunció Iniciativa al traviés de nota de prensa, si foi posible rexistrar el topónimu ‘Riañu’.
Instáu polos trabayadores del serviciu, el ciudadanu rexistró una reclamación.

Read Full Post »

La XDLA critica la “falta de sensibilidá” de Carreteres del Estáu cola toponimia asturiana

El portavoz de la Xunta pola Defensa de la Llingua Asturiana (XDLA), Xosé Candel, criticó esti martes que la Demarcación de Carreteres del Estáu n’Asturies nun tien “la mínima sensibilidá cola llingua del territoriu nel que tienen competencies”.

En declaraciones a Europa Press, Candel esplicó que nel proyectu p’acuriosar un tramu de la N-634, que ta en fase d’información pública, los cartelos de la señalización vertical nun cumplen la llexislación asturiana sobre toponimia oficial.

Read Full Post »

Concursos de lliteratura y de música pa grupos mozos

Convoca: La Sociedá Cultural y Recreativa La Montera de Sama de Llangréu 

“Premio Mánfer de la Lera” de narración breve

Plazo para la entrega de originales: Hasta el 31 de marzo de 2023

Originalidad: Las obras tienen que ser originales e inéditas y no haber sido premiadas en ningún otro concurso.

Idioma: Este premio de narraciones breves tendrá cuatro partes, dos en asturiano y dos en castellano (cada uno de los dos idiomas contará con una categoría para mayores de edad y otra para menores de edad).

Read Full Post »

Educación abre’l plazu pa inscribise na X Sestaferia Educativa: «Allugándonos nel trabayu interdisciplinar»

El Teatru Nuevu de La Felguera va acoyer el día 1 de marzu la X Sestaferia Educativa, onde van ser ponentes Xesús A. Vicente Torga, Ástor Llaneza Prieto, Carlos Álvarez Viña, Nuria García Álvarez, Laura Prieto Rodríguez, Pablo Quiroga Prendes y Xosé Antón González Riaño.

Hasta’l día 26 de febreru ta abiertu’l plazu d’inscripción d’esta actividá, empobinada preferentemente pa profesoráu de Llingua Asturiana y Lliteratura y de Gallego-Asturianu o Eonaviegu nes estayes d’Educación Primaria, Secundaria y Bachilleratu.

Read Full Post »