Iniciativa pide que l’alumnáu pueda esaminase na EBAU de Llingua Asturiana

Iniciativa pol Asturianu reivindica que l’alumnáu de Llingua Asturiana pueda esaminase de l’asignatura na EBAU. Nuna nota de prensa asoleyadsa esti día, Iniciativa reclama la posibilidá d’evaluar los conocimientos de la materia de Llingua Asturiana y Lliteratura nes pruebes al igual que se fai col restu de llingües d’España y les llingües estranxeres.

Iniciativa pol Asturianu reclama la valoración de los conocimientos d’asturianu dientro de les nueves convocatories de la Evaluación del Bachilleratu pal Accesu a la Universidá (EBAU) de manera voluntaria pa subir nota nel conxuntu de la prueba.

Read Full Post »

La XDLA decide cola familia de Solar entregar l’últimu premiu que lleva’l so nome

“Nestes décades d’historia, el premiu cumplió yá de sobra’l so papel”, considera’l coleutivu, que dedica l’últimu a tola militancia.

El XXXVIII Premiu Andrés Solar va ser el postreru. Asina lo decidió la Xunta pola Defensa de la Llingua Asturiana (XDLA) xunto cola familia del escritor de Deva.

Read Full Post »

L’inglés Robin Munby, nuevu ‘Embaxador de la Llingua Asturiana’

Iniciativa pol Asturianu valora con esti títulu honoríficu “l’interés del traductor en deprender asturianu y el so trabayu de traducción”.  

Inaciu Galán, vocal de la organización, entregó esta mañana a Robin Munby el títulu de ‘Embaxador de la Llingua Asturiana’. Nacíu en Liverpool nel 1991 y residente anguaño en Madrid, estudió’l grau de Llingües Modernes, especializándose en castellanu, rusu y portugués, na University of Sheffield, continuando la so formación depués con un máster de Traducción na University of Glasgow,

Read Full Post »

El Principáu edita un compendiu xurídicu sobre la normativa llingüística d’Asturies

La Conseyería de Cultura, Política Llingüística y Turismu editó ‘Derechu llingüísticu del Principáu d’Asturies. Normativa y xurisprudencia’, el primer compendiu xurídicu qu’axunta tola llexislación y xurisprudencia de los últimos 40 años sobre la llingua asturiana y el gallego-asturianu.

El trabayu ye obra del abogáu y académicu correspondiente de la llingua Nicolás Bartolomé Pérez y va presentase al públicu’l xueves, 30 de marzu, a les 19.00 hores na biblioteca del Colexu d’Abogaos d’Uviéu. La presentación del llibru cuerre a cargu del profesor de la Universidá d’Uviéu y lletráu del Tribunal Constitucional José Manuel Pérez.

Read Full Post »

Associação Língua Mirandesa diz que urge ratificação da carta das línguas minoritárias

A Associação de Língua e Cultura Mirandesa (ALCM) reiterou hoje a necessidade urgente de o Estado fazer a retificação da Carta Europeia das Línguas Regionais e Minoritárias do Conselho da Europa, para assegurar o futuro da língua mirandesa.

“Portugal assinou a Carta Europeia das Línguas Regionais e Minoritárias do Conselho da Europa, mas ainda não a ratificou. O processo estará a andar mas não temos informação se estará a andar com a velocidade desejada”, explicou à agência Lusa o presidente da ALCM, Alfredo Cameirão.

Read Full Post »

El III Seminariu ‘Oficialidá’ va dar a conocer modelos d’otros territorios y va afondar en polítiques de normalización

Iniciativa pol Asturianu ta trabayando en zarrar la participación pal III Seminariu ‘Oficialidá, el camín constitucional pal futuru del asturianu’, que va celebrar el 21 y 22 d’abril nel Aula Magna de la Universidá d’Uviéu. Responsables de política llingüística d’otros territorios van intervenir nesta cita que pretende dar a conocer modelos d’oficialidá.

Depués de les ediciones del 2018 y del 2019, la organización que trabaya pola normalización del idioma recupera esti formatu con convidaos de sonadía nos sos ámbitos y que tan bon sabor de boca dexo tanto ente los entamadores como nos participantes. La pandemia de COVID-19 dexó aparcada la fórmula, optando nel 2021, nel momentu de l’apertura de les negociaciones pa la reforma del Estatutu d’Autonomía, por un alderique de formatu reducíu con representantes de tolos grupos parllamentarios –a esceición de VOX al ser conocida la so postura–, pero agora n’otru momentu importante, coles eleiciones de mayu nel horizonte y la oficialidá otra vuelta nel centru del debate, considera afayadizu retomar el seminariu.

Read Full Post »

L’asturlleonés nun volume colectivu sobre variación llingüística nes llingües minoritaries

Apaeció va pocos meses esti llibru del que damos la ficha bibliográfica:

GÓMEZ BAUTISTA, Alberto; Helena REBELO; Luís PINTO SALEMA; Lurdes DE CASTRO MOUTINHO & Tamara FLORES PÉREZ (2022): Línguas minoritárias e variação linguística, Aveiro: Universidade de Aveiro Editora, 159 páxines. ISBN: 978-972-789-825-1.

Read Full Post »

La XDLA critica la “falta de sensibilidá” de Carreteres del Estáu cola toponimia asturiana

El portavoz de la Xunta pola Defensa de la Llingua Asturiana (XDLA), Xosé Candel, criticó esti martes que la Demarcación de Carreteres del Estáu n’Asturies nun tien “la mínima sensibilidá cola llingua del territoriu nel que tienen competencies”.

En declaraciones a Europa Press, Candel esplicó que nel proyectu p’acuriosar un tramu de la N-634, que ta en fase d’información pública, los cartelos de la señalización vertical nun cumplen la llexislación asturiana sobre toponimia oficial.

Read Full Post »

El Catálogu de Biblioteques estrena páxina web ensin versión n’asturianu

Iniciativa pol Asturianu ta acabante de rexistrar una reclamación énte la Conseyería de Cultura, Turismu y Política Llingüística pola ausencia de la llingua asturiana nes opciones de consulta nel nuevu portal web del Catálogu de la Rede de Biblioteques d’Asturies, dependiente de la conseyería de Berta Piñán.

La asociación de reivindicación llingüística considera incomprensible que nuna iniciativa dependiente de la conseyería de Piñán nun tean presentes l’asturianu y l’eonaviego, pero sorprendentemente sí otres llingües como’l francés o l’inglés, amás del castellán.

Read Full Post »

La Xira pola Oficialidá va percorrer los conceyos “en defensa de la llingua asturiana y d’esti derechu constitucional”

PABLO R. GUARDADO

La movilización cívica Xira pola Oficialidá, impulsada pola Fundación Almastur y Iniciativa pol Asturianu, y abierta a tola ciudadanía y entidaes “con una sensibilidá asturianista y democrática”, va percorrer los conceyos del país y otres autonomíes con idioma propiu “en defensa de la llingua asturiana y del derechu constitucional que ye la oficialidá”. Carlos Rubiera y Iván Llera roblaron un conveniu de collaboración.

L’actu fíxose nel Atenéu Obreru de Xixón, al qu’agradecieron la cesión del espaciu. “Llevamos conversando y falando dende la seronda cola intención de collaborar ente les dos organizaciones de manera formal y continuada nel tiempu y a lo llargo d’estos meses vinimos madurando esta decisión de trabayar conxuntamente, una collaboración que tuvimos concretando nun conveniu nel que ponemos en común esi interés por trabayar en defensa y pol futuru de la llingua y cultura asturianes, que ye l’enfotu que tenemos en común les dos organizaciones”, apuntó nun primer momentu Llera, presidente d’Iniciativa pol Asturianu.

Read Full Post »