Esti xueves 8 d’ochobre, a les 23.00 hores, TPA va estrenar la serie documental ‘D’ayeri a güei’, que va percorrer los últimos 150 años d’historia de la música asturiana al traviés de cinco capítulos, con una duración aproximada d’una hora caún.
Nella trátense los fechos más destacaos, los movimientos y tendencies más importantes y los intérpretes y grupos que más incidencia tuvieron dende los primeros rexistros sonoros en cilindros de cera hasta los nuestros díes.
Nes cinco entregues van tratase temes como’l nacionalismu musical asturianu, les primeres grabaciones, la edá d’oru de l’asturianada, la música coral, les bandines tradicionales, los concursos de tonada, el folk testimoniu, el Nuevu Canciu Astur, la música celta, el boom de la gaita, el rock n’asturianu o les últimes tendencies, ente otros munchos; amás de conocer la vida y obra d’intérpretes históricos como El Gaiteru Lliberdón, Los Cuatro Ases, Remis Ovalle, Diamantina Rodríguez o La Pastorina.
Too ello al traviés de les palabres de más d’una trentena d’intervinientes ente musicólogos, escritores, periodistes, historiadores, antropólogos, etnógrafos, cantantes y músicos.
(d’Europa Press, 06-10-2020)
Tierra alantre, la mesma fala 
Deixar ua Respuosta