La editorial Trabe ta acabante poner nes llibreríes del país una reedición del llibru tituláu Andalucía y Asturies, del que foron autores los escritores Diego Terrero y Tiadoro Cuesta. Esti volume fai’l númberu 4 de la colección Clasicos & contemporanios.
Andalucía y Asturies sigue siendo una muestra brillante del inxeniu d’estos dos escritores, andalúz ún y asturianu l’otru. Trátase d’una polémica amable, llírica y enllena d’humor. Un clásicu, qu’esta editorial uviedina vuelve a poner d’actualidá gracies a esta reedición.
Diego Terredo (1830-1892) y Tiadoro Cuesta (1829-1895), los contendientes nesta amarradiella prestosa sobre les escelencies d’Asturies y d’Andalucía, yeren bien ayenos a la d’entamala de que diben llograr l’éxitu qu’algamaron. Escritu n’asturianu y andaluz percuerre con chancia y socarronería lo meyor de caúna d’eses comunidaes, al traviés de les composiciones coles que desenvolvieron una polémica, pacífica y lliteraria, nos años 1870 y 1881.
(de la Estaya d’Asturianu de la RTPA, 12-09-2010)
Tierra alantre, la mesma fala 
Deixar ua Respuosta