«Nun somos quién a entender cómo ye posible que la Dirección Xeneral de Política Llingüística dea subvenciones pa los Servicios de Normalización Llingüística (SNL) y nun garantice’l so funcionamientu l’añu enteru y nin siquiera lleve un control de cuála ye la política llingüística que se desenvuelve nesi conceyu». D’esta manera critica l’Asociación de Trabayadores de la Normalización Llingüística (ATNLL) la situación del Serviciu de Mieres, que lleva ciarráu dende’l 31 d’agostu pasáu, «dalgo qu’asocede tolos años», espliquen nun comunicáu.
Otra manera, según esti colectivu, el pieslle del SNL de Mieres «tien un problema añadíu» y ye que nestos meses pasaos los SNL desenvolvieron, diseñaron y xustificaron toles campañes empobinaes a la normalización del asturianu: «¿Cómo les desenvolvió en Mieres si nun hai un personal técnicu dende’l 31 d’agostu?», pregunten. Nesi sentíu, dende l’ATNLL esixen abrir el Serviciu de Normalización Llingüística de Mieres nunes condiciones que garanticen «la so estabilidá y continuidá» col oxetivu de que la normalización social del asturianu «sía un procesu activu y participativu y non como se vien desenvolviendo nesti Conceyu que se-y permite tar en funcionamientu seis meses al añu, col preste de la Conseyería de Cultura».
(de Les Noticies, 22-02-2011)
Tierra alantre, la mesma fala 
Deixar ua Respuosta