El día 27 de mayu va pesllar La Casa Posafuelles. El chigre de la Xunta pola Defensa de la Llingua Asturiana pieslla depués de seis años (más añu y picu, si se cuenta el so chigre predecesor, El Naranco). Según comunica la organización, diferentes circunstancies normatives y, sobre manera, económiques qu’afecten al local actual, fáen-yos optar pol pieslle temporal a la espera de topar con un sitiu y unes condiciones más afayadices.
Posts Tagged ‘Defensa’
La Casa Posafuelles pieslla
Posted in Asturies, Uvieo, tagged asturiana, de, Defensa, la, Llingua, pola, Xunta on Maio 25, 2011| Leave a Comment »
La reclamación d’oficialidá pal asturianu enllenó les cais d’Uviéu
Posted in Asturies, Derechos llingüísticos / Dreitos lhenguísticos, Política lhenguística / Política llingüística, Uvieo, tagged asturiana, de, Defensa, la, Llingua, pola, Xunta on Maio 8, 2011| Leave a Comment »
La lluvia paró esti vienres pa permitir que la Manifestación pola Oficialidá percorriera la cai Uría d’Uviéu ensin problemes. Miles de persones salieron un poco más tarde de los programao tres de delles pancartes d’organizaciones como la Xunta pola Defensa de la Llingua Asturiana, qu’organizaba la yá tradicional manifestación, Unión URAS-PAS, Izquierda Xunida-Los Verdes d’Asturies, Bloque por Asturies-UNA, Conceyu Abiertu, CSI Mocedá, SUATEA, CCOO Enseñanza, Trafego, Xunta Moza, Darréu, Mocedá Bloque-UNA y PCPE-CMC.
Amás, otres organizaciones tuvieron presentes ensin pancarta, incluyíos miembros de Foru Asturies, el partíu d’Álvarez Cascos, como ye’l casu d’Inaciu Iglesias o Xicu Yepes, o de Frente de la Izquierda.
“Da-y al play, movilízate”, lema pa la manifestación pola oficialidá de 2011
Posted in Asturies, Derechos llingüísticos / Dreitos lhenguísticos, Política lhenguística / Política llingüística, Uvieo, tagged asturiana, de, Defensa, la, Llingua, pola, Xunta on Abril 20, 2011| Leave a Comment »
La Xunta pola Defensa de la Llingua Asturiana acaba de facer públicu’l lema y cartelu de la Manifestación pola Oficialidá del Día de les Lletres Asturianes 2011, que comenten “tien que ser una xornada de fiesta pa la lliteratura asturiana pero tamién ye un momentu pa facer balance de la situación del idioma y pa reivindicar un estatus d’igualdá pa tola ciudadanía que quier usar l’asturianu como la so llingua de cada día”. Amás, recuerden qu’esti añu “tamos a pocos díes d’unes elecciones onde vamos poder escoyer diputaos y diputaes pa la Xunta Xeneral: eses persones van tener la responsabilidá hestórica d’aprobar un estatutu d’autonomía p’Asturies que recueya la oficialidá de la llingua asturiana”. Por ello, albidren que ye’l momentu de “da-y al play”, de movilizase pa poder exercer los nuestros derechos y posibilitar la salvación del asturianu. La manifestación va celebrase’l vienres 6 de mayu, a les siete y media la tarde, n’Uviéu.
La Xunta entama un cursu d’asturianu n’Uvieo
Posted in Ansino / Educación, Asturies, Uvieo, tagged asturiana, de, Defensa, la, Llingua, pola, Xunta on Janeiro 20, 2011| Leave a Comment »
XICU ARIZA
La Xunta pola Defensa de la Llingua Asturiana entama otru añu más un cursu d’asturianu n’Uviéu. Les clases van arrancar el próximu 27 de xineru nel Llar Solidariu d’Uviéu.
El cursu tien 60 hores de duración y, como afirmen dende la organización, nél “los y les alumnos y alumnes van poder deprender el bon usu del idioma tanto a nivel escritu como oral”.
Uviéu acueye’l vienres próximu la manifestación pola oficialidá del asturianu
Posted in Ansino / Educación, Asturies, Comunicación /Comunicaçon, Derechos llingüísticos / Dreitos lhenguísticos, Política lhenguística / Política llingüística, Toponimia / Toponimie, Uvieo, tagged asturiana, de, Defensa, la, Llingua, pola, Xunta on Maio 3, 2010| Leave a Comment »
Un añu más, y van delles décades, los asturianos van salir a la cai pa, coincidiendo col XXXI Día de les Lletres Asturianes, manifestase pola reconocencia del estatus d’oficialidá pa la llingua asturiana. Un idioma qu’afirmen dende la Xunta pola Defensa de la Llingua Asturiana, vive un momentu “preocupante pola perda cada vez más grande de falantes”. La manifestación va entamar a les 19:30 hores na Estación del Norte, d’Uviéu, y va siguir pela cai Uría llegando hasta les puertes del Teatru Campoamor. A les puertes del mesmu va dase llectura al discursu añal de la XPDLLA.
La Xunta aprovecha esta convocatoria pa denunciar la presencia “testimonial” del asturianu nos medios de comunicación públicos y el so usu “tan escasu” pola Alministración asturian, que comenten “nun ayuda precisamente a que la nuestra llingua gane prestixu y reconocimientu ente la xente”.
La Xunta pola Defensa de la Llingua inaugura esti vienres la so nueva sede de Xixón
Posted in Asturies, Derechos llingüísticos / Dreitos lhenguísticos, Xixón, tagged asturiana, de, Defensa, la, Llingua, pola, Xunta on Março 4, 2010| Leave a Comment »
La Xunta Pola Defensa de la Llingua Asturiana retomará l’actividá reivindicativa en Xixón cola inauguración, esti vienres 5 de marzu, del nuevu llocal onde “se van aconceyar y trabayar, conxuntamente con otres asociaciones, a partir d’agora”, según esplica’l colectivu nuna nota prensa a la que tuvo accesu Europa Press.
La Xunta pola Defensa de la Llingua entama un cursu d’asturianu de 60 hores
Posted in Ansino / Educación, Asturies, Uvieo, tagged asturiana, de, Defensa, la, Llingua, pola, Xunta on Janeiro 14, 2010| Leave a Comment »
La Xunta pola Defensa de la Llingua Asturiana pon clase d’asturianu un añu más na so sede social d’Uviéu.
El cursu entama’l miércoles 27 de xineru, nel llocal uvieín de la organización, el Llar Solidariu, na cai La Gascona 12, númberu 3. El cursu tien 60 hores de duración ónde los y, según los organizadores, “les alumnos y alumnes van poder deprender el bon usu del idioma tanto a nivel escritu como oral”.
La Xunta pola Llingua pide a alumnos, pas y profesores que denuncien “les agresiones a los derechos del asturianu”
Posted in Ansino / Educación, Asturies, Derechos llingüísticos / Dreitos lhenguísticos, Política lhenguística / Política llingüística, tagged asturiana, de, Defensa, la, Llingua, pola, Xunta on Outubre 10, 2009| Leave a Comment »
La Xunta pola Defensa de la Llingua Asturiana encamentó güei, al traviés d’un comunicáu a “a tolos estudiantes, families, trabayadores de la enseñanza y a cualquier persona que pueda tener información sobre agresiones a los derechos na enseñanza del asturianu, a que se pongan en contactu cola Xunta pola Defensa de la Llingua pa denunciar y actuar contra estos fechos”.
La Xunta pola Defensa de la Llingua llama a manifestase’l próximu Día de les Lletres
Posted in Asturies, Derechos llingüísticos / Dreitos lhenguísticos, Uvieo, tagged asturiana, de, Defensa, la, Lingua, pola, Xunta on Abril 23, 2009| 3 Comments »
PABLO R. ALONSO
La Xunta pola Defensa de la Lingua Asturiana llama a movilizase en defensa de la oficialidá’l próximu día 8 de mayu, na tradicional manifestación del Día de les Lletres Asturianes. Baxó’l lema “Agora tenemos la palabra”, la XDLLA convoca a la ciudadanía a movilizase conseñando que “a les puertes d’una nueva reforma del Estatutu d’Autonomía d’Asturies ye necesario dar otru pasu y llograr el reconocimientu del asturianu como llingua oficial”.
La Xunta convoca una manifestación pal sábadu 7 escontra la esclusión de la llingua nel sistema educativu
Posted in Ansino / Educación, Derechos llingüísticos / Dreitos lhenguísticos, Uvieo, tagged asturiana, de, Defensa, la, Llingua, pola, Xunta on Febreiro 17, 2009| Leave a Comment »
La Xunta pola Defensa de la Llingua Asturiana convoca una manifestación el próximu sábadu 7 de marzu a les 17:00 contra la esclusión de la llingua asturiana nel sistema educativu.
L’intentu d’eliminación de la llingua asturiana nos planes d’estudiu de la Escuela de Maxisteriu y la situación irregular y illegal na que s’atopen los docentes y l’asignatura d’asturianu obliguen a la movilización na defensa de los derechos llingüísticos y educativos énte unes agresiones qu’amenacen con un retrocesu de más de 10 años na enseñanza de la llingua.
Tierra alantre, la mesma fala 