L’autor maliayu Lluis Portal Hevia foi’l ganador del premiu «Xosé Álvarez» pol so relatu «Ferre o palomba», según dio a conocer el xuráu del VII Concursu de relatu curtiu n’asturianu qu’organiza’l Centru Asturianu de Madrid y que se falló nel Día de les Lletres Asturianes qu’organiza cada añu esta asociación.
«Ferre o palomba» sitúa l’acción nos instantes previos a la Guerra Civil y tien como protagonista a un mozu sindicalista que busca venganza pola muerte de so pá a manos de falanxistes. Por ello, el mozu va trabar amistá con un xefe de la Falanxe cola intención de facese con armes qu’esta organización poseía.
Mientres, el xixonés Pablo Rodríguez Alonso llevó l’accésit «Xosé León Delestal» gracies a la so misteriosa historia «L’Abadía» que ye un rellatu más llargu que tien dos partes bien diferenciaes. Na primera, l’historiador xixonés fai una especie d’ensayu sobre’l conceptu d’historia a través de la figura d’un arqueólogu de la Universidá d’Uviéu que ta trabayando nel estudiu de la ilesia de Santu Adrianu de Tuñón. Con un rellatu enllenu de misteriu, Rodríguez Alonso centra la segunda parte de «L’Abadía» na aparición de una inscripción nuna piedra del templu que-y permite reflexonar sobre lo socedío nel llugar nel pasáu.
(d’Infoasturies, 3-11-2008)
Tierra alantre, la mesma fala 
Deixar ua Respuosta