Estudis Romànics, publicada pol Institut d’Estudis Catalans, ye una prestixosa revista nel ámbitu de la llingüística y filoloxía romániques. Diríxenla los profesores Joan Veny y José Enrique Gargallo, verdaderes autoridaes nesta estaya del saber.
Nel últimu númberu, el volume XLV d’anguaño 2023, Estudis Romànics acueye cinco presencies de la llingüística y filoloxía asturianes:
●Na sección «Articles», Claudia Elena MENÉNDEZ FERNÁNDEZ ye l’autora del trabayu «Interferencies llingüístiques nos Llibros expósitos del Real Hospiciu d’Uviéu: una muestra de los sieglos XVIII y XIX», redactáu n’asturianu.
●Na sección «Miscel·lània» apaez otru artículu, tituláu «Ubi sumus? Algunos aspectos de dialectología teórica a propósito de una importante síntesis sobre contínuums y transiciones peninsulares», del que autor Ramón d’ANDRÉS DÍAZ.
●Na sección «Recensions» son trés les referencies asturianes. Per un llau, el profesor José RAMÓN MORALA, de la Universidá de Lleón, fai la recensión del monumental Diccionariu etimolóxicu de la llingua asturiana (DELLA), de Xosé Lluis GARCÍA ARIAS, publicáu pola Universidá d’Uviéu y l’Academia de la Llingua Asturiana ente’l 2017 y el 2021.
●Loreto DÍAZ SUÁREZ fai la recensión del llibru d’Ana María CANO GONZÁLEZ Llingua, tierra, nomes… Estudios d’Onomástica Románica (1987-2017), publicáu pola Academia de la Llingua Asturiana nel 2021.
●Pela so parte, Inés FERNÁNDEZ-ORDÓÑEZ fai la recensión del llibru colectivu Origen aragonés de las Glosas Emilianenses. Estudios y edición facsímil (Zaragoza: Aladrada Ediciones), que ta precedíu d’una introducción de Ramón de ANDRÉS DÍAZ.
ENLLAZ: Estudis Romànics, XLV.
(del Seminariu de Filoloxía Asturiana, 09-03-2023)
Tierra alantre, la mesma fala 
Deixar ua Respuosta