La Xunta d’Escuela de Maxisteriu na que se votará la mención d’asturianu será’l próximu 31 de marzu

La Escuela de Maxisteriu convocó pal próximu martes 31 de marzu, a les 16.30 hores, la Xunta d’Escuela monográfica na que se someterá a votación la propuesta de crear una Mención de Llingua Asturiana, según fontes universitaries.

La Comisión de Docencia del centru universitariu aconceyóse esta mañana y decidióse por esta fecha, pese a que de primeres taba previsto que la sesión tuviere llugar esta mesma selmana.

La proposición d’asturianu va votase, poro, al marxe de les otres cuatro menciones (Llingua Estranxera, Educación Musical y Artística, Educación Física y Educación Especial), propuestes pola direición, sobre les que se va decidir n’otra sesión diferente. Los profesores de la xunta tendrán que votar sí o non a una mención de Llingua Asturiana, compuesta d’un bloque d’asignatures que van sumar un mínimu de 30 creitos.

Read Full Post »

La Xunta de Maxisteriu va votar la mención d’asturianu separada del restu de propuestes en sesión monográfica la próxima selmana

La Escuela de Maxisteriu va someter a votación la propuesta de creación d’una Mención de Llingua Asturiana nel so futuru plan d’estudios nuna sesión monográfica convocada espresamente pa esti tema, que va tener llugar a primeros de la próxima selmana, previsiblemente’l llunes. La proposición d’asturianu va votase, poro, al marxe de les otres cuatro menciones, que van dir incluyíes n’otra propuesta sobre la que se va decidir n’otra sesión diferente.

Fontes del personal de la Escuela de Maxisteriu y de la de Ciencies de la Educación, consultaes por Europa Press, informaron de qu’ésta foi la decisión de la direición del centru. Sicasí, la directora, Gloria López Téllez, informo güei, tamién a Europa Press, de que tovía nun hai fecha establecida.

Read Full Post »

Gotor afirma que’l Principáu y el Rectoráu recomendaron a Maxisteriu la creación d’una mención d’asturianu

El rector de la Universidá d’Uviéu, Vicente Gotor, aseguró güei ante los medios que tanto’l Principáu como’l Rectoráu recomendaron a la directora de la Escuela de Maxisteriu, Gloria López Téllez, la creación d’una mención d’asturianu de 30 creitos.

Al acabar una rueda de prensa p’anunciar la firma d’un conveniu, Gotor respondió a entrugues de los periodistes sobre’l ‘Plan Bolonia’ y sobre la reforma de los estudios de la Escuela de Maxisteriu, na que los sectores favorables a la enseñanza universitaria del asturianu piden que tea presente la llingua.

“La directora sabe que tien una recomendación tanto per parte del Principáu como del equipu de gobiernu, de tener una mención de 30 creitos d’asturianu”, señaló Gotor. Añadió que nel ‘máster’ de secundaria tamién va haber asturianu pa que los profesores que tean nél seyan los que dean les clases nes escueles.

Read Full Post »

La propuesta d’especialidaes de Maxisteriu dexa fuera Asturianu y Educación Musical

La Xunta de la Facultá de Maxisteriu va votar el próximu xueves la propuesta definitiva de menciones cualificadores, ye dicir, les especialidaes que, tres la reforma d’estos estudios pa la so adautación al espaciu européu, van poder cursar los estudiantes de la diplomatura d’Educación Primaria. La mesma consta de seis disciplines, ente les que nun tán nin Llingua Asturiana nin Educación Musical.

Concretamente, la propuesta que se va someter a votación inclúi seis meciones: Llingua Española, Matemátiques, Conocimientu del Mediu, Educación Física, Educación Especial y Educación Artística. Nun s’inclúi poro la especialidá d’Educación Musical, que nesti momentu cuenta con una diplomatura propia dientro de la escuela.

Per otra parte, la creación d’un mención de Llingua Asturiana, que se propunxere pol Seminariu de Filoloxía Asturiana de la Facultá de Filoloxía, descartóse, según esplicó la directora de la Escuela, Gloria López Téllez, nuna primer votación. Téllez matizó que los estudios d’asturianu “van incluyise próximamente”, pero como “asignatures optatives, y non como una mención”.

Read Full Post »

Profesores de asturiano proponen la creación de un título de ‘llingua’ similar al Minor de Filología

El Departamentu de Filoloxía de la Facultad de Filología de la Universidad de Oviedo presentó recientemente una propuesta a la directora de la Escuela de Magisterio de la Universidad, Gloria López Téllez, para que proponga la creación de unos estudios reglados de asturiano, semejantes a los que, bajo la calificación de Minor, se han aprobado por la Junta de la Facultad de Filología. La responsable del centro evitó pronunciarse al respecto y aseguró que aún no hay una decisión sobre la solución definitiva que se dará.

Magisterio debe afrontar en lo que queda de curso la reforma de sus estudios para su adaptación al Espacio Europeo de Enseñanzas Superiores (EEES). Actualmente la escuela cuenta con seis titulaciones: Infantil, Primaria, Lengua Extranjera, Educación Especial, Educación Física y Educación Musical. La orden del Ministerio de Educación de 2007 establece el mantenimiento únicamente de dos: Infantil y Primaria. Los estudiantes de Primaria podrán cursar unos estudios de cualificación que se denominarán menciones cualificadoras, y que constarán de entre 30 y 60 créditos. En el catálogo de menciones podrían estar las anteriores titulaciones, como Lengua Extranjera, Educación Física o Musical, a modo de especialización.

Read Full Post »