El Proyectu 2018 de la XDLA suma apoyos ente partíos y la universidá

Foro, Podemos y Izquierda Xunida (IX) amosaron el sábadu en Xixón el so sofitu al ‘Proyectu 2018 pola Oficialidá’, cola presencia destacada de l’alcadesa Carmen Moriyón. El rector Santiago García Granda apuntó na so intervención que la Universidá “ta comprometida y apoya la oficialidá”.

Una carpa instalada na cai Tomás y Valiente sirvió pa una presentación que, nun primer momentu, taba prevista pal Festival Arcu Atlánticu y que s’aplazó pola negativa d’Ana Montserrat López Moro, conceyala d’Educación y Cultura, y Raquel Huergo, direutora de la Fundación Municipal de Cultura, Educación y Universidá Popular de permitila por considerala política, una posición que Moriyón refugó díes depués. Sicasí, el cambiu de fecha permitió que’l ‘Proyectu 2018 pola Oficialidá’ ganara en visibilidá y sumara más apoyos entovía, como amosó l’amplia representación de partíos políticos, sindicatos, coleutivos y ámbitos académicos que tuvo l’actu.

Read Full Post »

Wikialcuentru 50.000 artículos

Con motivu del averamientu a los 50.000 artículos de Wikipedia n`asturianu entámase un Wikialcuentru en Bimenes el díi 29 de xunetu de 2017

Les actividaes —entamaes por Víctor Suárez col apoyu de Wikimedia— tán pensaes pa la comunidá de wikipedistes pero la participación nes mesmes tán abiertes a tol públicu interesáu previa iscripción.

Read Full Post »

Aitor García Corte: “La oficialidá traxo dignidá a los yerbatos y yerbates”

PABLO R. GUARDADO

L’alcalde de Bimenes, Aitor García Corte (Xixón, 1980), pasó recién l’ecuador de la llexislatura. Nestos dos años al frente de la Casa Conceyu, a la que llegó baxo les sigles del PAS, tuvo’l retu de controlar la deuda heredada y dio avances na normalización del idioma cola declaración d’oficialidá y l’aprobación de la ordenanza d’asturianu.

Un añu depués de la declaración de la oficialidá llega la ordenanza d’asturianu. ¿Qué supón esti documentu pal conceyu?
La ordenanza d’usu vien a plasmar nun documentu lo que yá se vien faciendo cuantayá. Nun inventamos nada nuevo: ye da-y un calter oficial a la forma de comunicase coles alministraciones.

Read Full Post »

Bimenes, sin miedo al asturiano

LYDIA IS

El uso del asturiano es una constante en la vida diaria de los vecinos de Bimenes. Ya lo dice con mucho sarcasmo su alcalde, Aitor García Corte: «Somos un pueblo de gente normal que hacemos cosas normales, hablamos asturiano y no pasa nada, no nos salió ningún gen recesivo».

Ayer, veinte años después de haber declarado por primera vez su oficialidad, el Pleno yerbato aprobó por unanimidad la ordenanza de uso del asturiano, coincidiendo con la Fiesta de la Oficialidá. «Es un paso más para normalizar la relación de las personas con la administración, que aquí ya se da en el día a día», señaló el regidor. La Corporación defiende que el uso de la lengua es uno de los derechos que tienen los vecinos y amparados en un amplio marco legal tanto internacional como regional, quieren darle valor jurídico. «Estamos perdiendo el miedo al asturiano», aseguró García Corte, quien añadió que «al igual que rescatamos la memoria de quienes fueron represaliados en la guerra, también hubo muchos represaliados lingüísticos».

Read Full Post »

Bimenes va aprobar la so ordenanza d’asturianu nel marcu de la XXI Fiesta de la Oficialidá

PABLO R. GUARDADO

El sábadu, coincidiendo cola XXI Fiesta de la Oficialidá, Bimenes va aprobar la so ordenanza d’asturianu nun Plenu estraordinariu. Hai un añu’l conceyu yerbatu declaraba la oficialidá per segunda vegada tres la del 1997 –torgada pol TSXA tiempu depués; sentencia ratificada pol Tribunal Supremu–, que ye orixe d’esta folixa.

“Con esta ordenanza lo que quermos ye plasmar realmente lo que yá se ta dando nel día a día nel Conceyu”, destaca l’alcalde Aitor García Corte. Basada na de Noreña, aprobada l’añu pasáu, va regular l’usu del asturianu y da-y validez al so emplegu xurídicu, “amás d’afitar la so presencia na señalización y documentación, dalgo que yá se vien faciendo, asina como’l compromisu del Ayuntamientu pa col idioma”.

Read Full Post »

II Jornadas de Língua e Cultura Mirandesa “Amadeu Ferreira”

Miranda do Douro prepara já as II Jornadas de Língua e Cultura Mirandesa “Amadeu Ferreira, de 17 a 19 de junho, tendo como tema central a conexão com as Astúria. Esta é uma iniciativa do Município de Miranda do Douro e da Associação de Língua e Cultura Mirandesa, a acontecer no Largo D. João III, Câmara Municipal e Casa da Língua Mirandesa.

Pretende-se que seja um encontro anual de trabalho e desenvolvimento da Língua Mirandesa, dedicado a homenagear Amadeu Ferreira, ilustre mirandês recentemente desaparecido, e o maior defensor e divulgador da “Lhéngua” neste começo de século, cuja face mais visível serão as traduções dos Lusíadas, da Mensagem e de dois volumes de Asterix para língua mirandesa.

Read Full Post »

Asturies respuende al llamamientu de Bimenes pa sofitar la oficialidá

PABLO R. GUARDADO

Más d’una ventena d’organizaciones y partíos políticos participaron nel conceyu convocaú pol alcalde, Aitor García Corte, pa presentar el so proyeutu y pidir collaboración de la sociedá asturiana. “Quedé mui contentu”, afirmó’l primer edil.

Na reunión celebrada’l vienres na Casa Conceyu hebo representación de los trés partíos con representación na Xunta Xeneral que lleven la oficialidá nel so programa, Podemos, Izquierda Xunida (IX) y Foro, amás d’Andecha Astur y Conceyu Abiertu por Noreña. Tamién d’organizaciones de toda triba, dende coleutivos de defensa del idioma a culturales, pasando por centros sociales.

Read Full Post »

Bimenes convoca’l XIX Concursu de Cuentos pola Oficialidá del Asturianu

Yá ta abiertu’l plazu pa unviar rellatos pal XIX Concursu de Cuentos pola Oficialidá del Asturianu qu’entama l’Ayuntamientu de Bimenes. Ésti fina’l 7 de mayu.

El conceyu yerbatu caltién esti concursu pese a que per cuartu añu consecutivu nun va contar col sofitu de la Conseyería d’Educación y Cultura nin de la Obra Social y Cultural de CaxAstur. Según establecen les bases de participación, tolos rellatos que se presenten al premiu –ún por persona– han de ser inéditos y deben tar redactaos en llingua asturiana, respetando les normes ortográfiques vixentes. Éstos nun deben esceder les diez fueyes, mecanografiaes a doble espaciu per una cara, según marquen les bases del concursu. Los participantes han de presentar un orixinal del cuentu, trés copies del mesmu y otra más en CD baxo un nomatu que debe apaecer nuna plica con tolos datos personales y un currículu con semeya.

Read Full Post »

García Gutiérrez: “Hasta que nun se declare la oficialidá nel Parllamentu taremos en desigualdá de condiciones”

PABLO R. GUARDADO

Nació en La Güerta, en La Güeria Carrocera, nel 1946, pero con un añu yá marchó a vivir a Bimenes. Trátase de Xuacu García Gutiérrez, alcalde del conceyu yerbatu per venti años (1979-1999), y políticu que declaró la oficialidá nel 1997.

¿Cuándo empezó vusté en política?
Cuando estudiaba na Universidá d’Uviéu na Facultá de Lletres nel 1966. Ellí me xunté al Partido Comunista na organización universitaria del partíu. Nesi tiempu tuvi los primeros alcontrones cola Policía, repartu d’octavielles, manifestaciones…, sobre manera contra la guerra de Vietnam.

Read Full Post »

El Conceyu de Bimenes declarará la oficialidá otra vuelta’l 2 de xunetu

PABLO R. GUARDADO

L’equipu de gobiernu plantega celebrar un Plenu nesa xornada pa declarar la oficialidá de la llingua asturiana nel conceyu yerbatu venti años depués de convertise nel primer ayuntamientu del país en dar esi importante pasu. Esti miércoles va aconceyar con un coleutivu llocal pa empezar a poner les bases al procesu.

L’alcalde Aitor García Corte, del Partíu Asturianista (PAS), busca asina asitiar otra vuelta’l focu na reconocencia de los derechos llingüísticos de los yerbatos y de tolos asturianos y, al empar, recuperar la importancia de la Fiesta de la Oficialidá de la Llingua Asturiana que tolos años conmemora la primer declaración d’oficialidá, fecha’l 5 de xunetu del 1997siendo alcalde Joaquín García Gutiérrez ‘Xuacu’. Naquel tiempu l’asuntu llevóse a los tribunales y el Constitucional torgóla, al igual que la del restu de conceyos que siguieron el mesmu camín que Bimenes.

Read Full Post »